يااللي تهوز الضلع بالقـرن مسكيـن
مسكيـن والله غـرروك المساكيـن
وان كان تبغى الصدق والصدق منجاه
كلمتك لا تحسب ولا توفـي الديـن
ترسل على الجـوال نكتـه قبيحـه
تقول المهايط سلـم عنـد القحاطيـن
لاشك خذها اليوم من كف صاحـب
واسمع علـوم مرجحيـن الموازيـن
حنـا عيـال العـود روس القبايـل
حنا هـل الطالـه كعـام المعاديـن
حنا هـل النخـوه نهـار الملاقـى
نقبل على الهيجاء سـواة الشياهيـن
حنا الحسب حنا النسب في الجزيره
وان جات للسلطه ترانـا السلاطيـن
حنا العرب ساس العرب يـا مغفـل
تاريخنـا يعطيـك عنـا براهـيـن
يكفيك ( عاطف محمد العاطفي) وكافـي
شاعـر نبـي الله خـتـام النبيـيـن
قصيدتـه للحيـن تقـرا وتكـتـب
تخيـل ؟ مـن الجاهليـه لهلحـيـن
(نحن بنـو قحطـان هـوداً جدنـا)
واجدادنا الغـر الزحـول المياميـن
حنا قحطان ايـه قحطـان العريبـه
اهل الفعايل لا نعـى ناعـي البيـن
قصيرنـا ينـعـم بنعـمـة ذرانــا
نقسم عشانا في رضى الجار قسمين
وخوينـا يبشـر بنـا فـي لزومـه
حنا على باديه فـي العسـر والليـن
ونسيبنـا يفخـر بنـا ونفتخـر بـه
ولا نـدور فـي النسـب للمزاييـن
ورفيقنـا لـه فـي رفقنـا بنـايـد
اليا زهمنـا نجيـه مثـل المجابيـن
في جهلنا نجهل علـى كـل جاهـل
اميرنـا شيطـان وحنـا شياطـيـن
وفي حلمنا اثقل من جبـال رواسـي
اميرنـا رحمـان وحنـا رحامـيـن
فعولنـا فـي كـل ديـره عقـوبـه
انشد عن اللي شافها شـوف بالعيـن
وقايـع منـهـا يشـيـب الغلـيـم
اهوالهـا باهـوال حطيـن وحنيـن
حفيفنـا لاصــد عـنـا مـواجـر
ولرضى مشايخنـا يقـرب قرابيـن
وعـدونـا كـانـه نـوانـا بنـيـه
لاهازنا ندبل لـه الصـاع صاعيـن
وطليبنـا لـو كــان داره بعـيـده
ليالـي وصبـح عشـاءً لام تاجيـن
وشيوخنـا مقـدم شيـوخ العشايـر
>>>> اخوكم الشاعــــــــــــر>>>>> عـــــاطــــف مــــحـــمـــد ظــــافــــر ال عــــاطـــف القحطاني