البارحه قلبي شكى بعد غاليه
والهم والهوجاس بعده تولاه

راح وتركني تايه في صحاريه
أرجي وصاله بالصبر وأتحراه

نبض الغلا في داخل الروح يدعيه
متى على الله يسمح الوقت وألقاه

يا ليل قلبي لا تبيح خوافيه
طال السهر وآهات همه بتقصاه

جرحه عطيب ولا لقى من يداويه
من بعد فرقا صاحبه زاد بلواه

حاولت أنا بالصبر جرحي أداويه
وعجزت قوافل صبري اليوم تقواه

هو منوتي والحال ماهو بخافيه
لكن مقادير الزمن تبعد اخطاه

وتقصر خطاوي فرحتي دون أراضيه
ما حصل المشتاق شي تمناه

أبيع كل الكون ممنون وأشريه
القلب له والروح بالحب تفداه

أغليه وعيون المحبة تراعيه
ومشتاق له شوق يبيح خفاياه

ونبض الوفاء في غيبته دوم يرجيه
تعال يكفي قلبي اليوم ما جاه

يا صاحبي ناديت لك قلت لبيه
لبيه منك هي منى القلب ودواه.