[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="1,black""]
الطّيـب عنـد الطّيبيـن وداعـه=يمشي بمجرى الدّم ممشى السّاعه
و إلا الرّدي ما همّـه إلا نفسـه=مهما تطبّع مـا لـه إلا اطباعـه
خير الأدلّه ،ما حصل من تجربه=و أنا بأقول الحقّ مـن مقطاعـه
لا شفت نفسي في الحشا تضايقت=مـن الهمـوم و نقْلهـا ملتاعـه
نصيـت كفـوٍ يرتكـي للكايـده=خـذا المراجـل كلّهـا بذراعـه
إبن نبـأ يـا ناشـدٍ عـن النّبـا=صفوة قرومٍ فـي الّلقـاء بتّاعـه
و أختصّ أبو منصور قدوة ربعه=يا ريف أهل هجنٍ تبي مرباعـه
أنا اشهد إنّه وافـيٍ مـن وافـي=حرّ شهر فوق العـلا مطلاعـه
لا جاه مكروبٍ ،نهض بحجاجـه=عقب الضّنك يلقى الفجوج وساعه
الله يفـرّج للمسـمّـى (مطـلـق)=اعداد ما صبـحٍ يبيـن اشعاعـه [/poem]

__________________