ابو منيف وصديقه ابو ناصر ...
السلام عليكم
هذي سالفة قديمة ومكررة تقول
ابو منيف وصديقه ابو ناصر دايم يلتقون في الاستراحة ...
وكالعادة سواليف الاستراحات كلها حول النسوان والزواجات ....
أثر كلام ( ابو منيف ) في (ابو ناصر) حتى غيّر قناعته وصار من مؤيدي زواج المسيار، بعد أن كان موقفه منه شديد، فقد كان يسميه (زواج الرخوم)، لكنها كانت ليلة ماتعة أسالت لعاب صاحبنا حتى قرر أن يخوض غمار المعركة بنفسه.
وصل ابو ناصر إلى منزل والد البنت بعد أن أوقف سيارته بعيداً، وبدأ يفرك حذاءه في السروال كي يلمعها، ثم طرق الباب.
دخل البيت وتهول من جمال التصميم وفخامة الأثاث، وفرح عندما علم أن والديها قد ماتوا وأن أخاها هو الذي يستقبله.
دار الحديث بينهما ثم طلب رؤيتها ، وبعد قليل دخلت وهي تحمل العصير
الفتاة: أهلا وسهلاً.
ابو ناصر: (يتبلّع ريقه، ويبحلق) هلا وغلا.
أخوها: هذي منيرة !
تعدل في جلسته وأدخل كرشته قليلاً، ثم دار الحديث معها مباشرة بعد أن جلست
ابو ناصر: عاشت الأسامي ، هذا الاسم إللي يملا الفم ، ما هوب مثل بعض البنات طول وعرض واسمها طي .. وفي .. وكي …و...
منيرة: أنت متزوج …. ؟!
ابو ناصر: (بعد أن شرب العصير في نفس واحد، وأكل قطعة البرتقالة بقشرتها) نعم، وعندي 3 بزران و ..
منيرة: عندك أمراض، سكر أو ضغط … ؟
ابو ناصر: أبداً ولله الحمد، بس عندي شوي حصوة بالحالب تسوي لي حرقان وابي انزلها ...
منيرة: وكيف القلب والبروستات عندك … ؟!
ابو ناصر (في نفسه... هذي تبي تتزوج وإلا تضحي .. ؟!) : لا تخافين، كل شي شغال مثل الحلاوة، وبعدين تري الرجال مخابر ماهيب مظاهر.
منيرة: خلاص، تجيب التحاليل والمملك وثنين شهود يوم الخميس الجاي، علشان بنتغدا ونسافر على طول بعد الحفلة.
ابو ناصر (ما هو مصدق): نسافر وين ..؟
منيرة: نبغى نستمتع بزواجنا في دبي ، ونجرّب بعض ، ولا تشيل هم ، كل شي بيكون جاهز.
صار الوقت يمضي ببطء غريب عند ابو ناصر ، فالساعة أصبحت كاليوم ، وبعد أن اقترب موعد الزواج قال لزوجته :
أنا عندي انتداب أسبوعين في الخرخير، وبكون مشغول ما أفضى أحك راسي ، إذا احتجتي شي علميني وش كنتِ تبغين إذا رجعت ، لأن المكان إللي حنا فيه ما فيه لا أبراج ولا تلفونات …!
وصلت الطائرة إلى مطار دبي ، وبعد أن أنهوا تدقيق الجوازات وأخذوا أمتعتهم ..
بعد التفتيش توجه لتأجير السيارات ، وسأل الموظف …
ابو ناصر: عندكم كرولا أو أكسنت ..؟!
منيرة: خذ هذي 10 آلاف شوف لنا لكزس أو بانوراما وخل عنك القرف …!!
منيرة: المهم، خذ هذي 20 آلاف ريال، وشوف لنا سكن راقي …
وبعد أن دخلا الجناح وتناولا العشاء، قالت:
منيرة: أبغاك تتجهّز لأني أبغاك في سالفة … !!
ابو ناصر ( فهمها على الطاير) : يا زينك وزين سواليفك …!!
وفي الصباح الباكر وبعد ليلة حمراء، قام ( ابو ناصر) وهو لا يصدق بهذا النعيم وهذه السعادة الغامرة مع أجمل فتاة قابلها في حياته ، وبعد تناول وجبة الإفطار، ذهبا للنزهة، حيث ركبا البحر وتناولا الغداء البحري ، ثم عادا إلى الفندق مع المغرب.
منيرة: وش إللي سويته ..؟
بغيت تاكل المنديل بالشوكة … !
بعدين وش فيك عصرت الليمونة على الموية وشربتها …؟
فشلتنا الجرسون جابها علشان تغسّل يدك من السمك …!!!
منيرة: على العموم ، أبغاك تتجهّز لأني أبغاك بسالفة ….!!
ابو ناصر: ما ودك نشرب شاي بالحليب وإلا حليب بالزنجبيل … ؟
منيرة: معليش، بعد السالفة … !!
ومرت الأيام وهما على هذه الحالة من سالفة الى سالفة ….
حتى صار يسمع طقطقة في ظهره حين يقوم أو يتحرك، ولم يعد قادرا على الصلاة إلا جالساً ، وأصبح يشعر بالإعياء والتعب لأقلّ مجهود ، وظهرت غشاوة وزغللة في عينيه من كثرة السواليف ، والحصوة للحين ما نزلت .. وحرقان .. ومع كل هذا خشي أن يخفق في الاختبار.
قام ( ابو ناصر) في الصباح الباكر ومنيرة لا تزال نائمة.
ابو ناصر (يحدث نفسه): وهالمشهوبة عمرها ما شافت خير… ما عندها غير أكل وتماشي وسواليف …!!
أنا الظاهر بشوف لي صيدلية تسنعني ... ذهب خلسة إلى الصيدلية المجاورة.
ابو ناصر : عندك يا الطيب سنافي ، وإلا فياقرا أو أي منشطات … ؟!
الصيدلي: عندي حبوب ممتازة، تخليك تسولف 5 مرات في الشهر وأنت مرتاح
ابو ناصر: ههههه، ضحكتني، يا خوي هذي يا دوب تكفيني في يوم واحد.
صار يتناولها قبل وبعد كل وجبة، وبعد بضعة أيام أحس بأن قواه بدأت تخور، وشعر بحرارة خفيفة تدبّ في جسمه، فرح بها أشد الفرح، وتمنى لو كانت انفلونزا الخنازير، لعله يرتاح من منيرة وسواليفها ، وبعد أن رجع من العيادة.
ابو ناصر : يقول الدكتور لازم راحة تامة ، وممنوع استخدام الموية شهر كامل.
منيرة: ما فيه مشكلة عندي حفنة رمل تقدر تتيمم.
ابو ناصر : بس، يقول هذا المرض خطير على الجنين ويتفاعل مع حبوب الحمل
منيرة: أصلاً أنا عقيم ، وعمري ما استخدمت الحبوب …!!
ابو ناصر (يحدث نفسه) أنا أقول وش هالنشاط ، وليش أنا عاشر واحد .. ؟!
صحيح ما دمّر حريمنا غير هالحبوب، الوحدة صايره مثل الجدار لا مشاعر ولا أحاسيس ، وصرنا ندور للمسيار عند هالموظفات و.....
منيرة: وش قاعد تفكر فيه … ؟!
ابو ناصر: بصراحة الدكتور يقول: عندي اشتباه فلونزا التيوس ، يقول: تجي مع كثر السواليف …!!
وأنا خايف عليك يا روحي تروحي وأنحرم من هالجمال … !!
منيرة : أجل، تكفينا هالعشرة أيام، نرجع ونرتاح وبعد أسبوع ناخذ إجازة ثانية ونسافر لماليزيا ، وش رايك … ؟!
ابو ناصر : ( ما مصدق) فكرة ممتازة ، يالله نروح المطار
رجعا إلى البلاد، وبعد أن أوصلها إلى بيتها ، التفت وقال
ابو ناصر: أكون حمار إن كان شفتي رقعة وجهي مرة ثانية .. !
هذا إرهاب موب زواج ، آآه يا ظهري وآآآه يا ركبي
حسبي الله عليك يا ابو منيف أنا وش لي وش للمشاكل ، المدام وتخبّ عليّ ، صحيح الواحد ما يعرف خيره إلا إذا جرّب غيره.
دخل ( ابو ناصر) البيت واستقبلته المدام استقبالا باهراً ، وبعد أن تعشى وشرب الشاي سألها ابو ناصر : غريبة البيت هادي، وين البزران … ؟!
المدام : نيّمتهم بدري يوم دريت إنك جاي ، لأني بصراحة أبغاك في سالفة … !!
هههههههههههههههههههههههههههههههههههههههههههههههههه هههه
27-05-2012, 05:29 AM
تعليمات المشاركة
المواضيع المتشابهه
العرض العادي
