قصيدة سعيد بن ظافر بن المعطاء في الشاعر فلاح القرقاح

[poem=font="simplified arabic,5,darkred,normal,normal" bkcolor="transparent" bkimage="" border="none,4,gray" type=0 line=0 align=center use=ex num="1,black""]
في عالمٍ ينشد عن الأخبار ويحب الجديد = غنيت والخاطر تكدر من صواديف الحياه
شعرٍ فريد ولكن الجمهور مايبغى الفريد = ويقول شعرٍ خالي امن الفلسفه ماله طراه
شعر الحداثه قام جمهوره على الساحه يزيد = من قام يلفق ويتفلسف في الشعر سارو وراه
وليا لقو شاعر يصوغ القاف ويجيب المفيد = قالو قصيده عايدي ولايشد الأنتباه
ناسٍ يحسبون الذهب يوزن بميزان الحديد = والحر من لا يعرفه يشويه لامنه لقاه
وانا حداني للنشيده ناس ماتعرف نشيد = وغنيتها من هاجسٍ عوج المخاليق إتحداه
مضمونها عزو ولد وسام والشاعر رشيد = والأكلبي وضيدان بن قضعان واسوه بعزاه
ودو تعازيكم على الجوال ولا بالبريد = لكل شاعر يتقن الطاروق لامنه بناه
وقولو عسى رب الملا يجبر عزانا في القصيد = وقولو لشعار الحداثه في المجله والقناه
ان كان تبغون الخبر والصدق والعلم الوكيد = عفنا الشعر من بعد ماجيتو وقللتو حلاه
اقولها والرجل من راعي التجارب يستفيد = وارسل على شاعر من أهل الشعر مايلحق مداه
رسالةٍ للشاعر القرقاح مرسلها سعيد = الجحدري الي ينثني دون العبيدي لانصاه
من روس قومٍ ينطحون الموت والموقف شديد = ألاد ابن سواد ماضيهم تناقله الرواه
وانته يابن ريفه من رجالٍ على الغازي تسيد = إمن الفهر كسابت الناموس في سلم وعياه
شاعر وكلٍ يذكرك بالعرف والراي السديد = والعارفه مايمشي بدربٍ يجي فيه اشتباه
وفلاح كلٍ يعرفه من دون لا أكرر وأعيد = شيخٍ تمكن في الزمان وعاشه بوجهٍ وجاه
ودام الحميا يالعبيدي تنبض بدم الوريد = اسلم وسلم لي على الي سلم اجداده رقاه
ومن بين قوسين أنشدك عن بكرةٍ من دون قيد = قيدتها يابومحمد وأمست بحوش الرعاه
في موسمٍ حط الذكي إمن العرب جنب البليد = حظ ونصيب وصار من حظ ونصيب الي خذاه
والي يشوف الصيد قدامه ولايقدر يصيد = والعالم يصيدون قدامه ولقاهم قفاه
سميته المحروم والعربان سموه العنيد = وانته وش تسميه دام الصيد جاه ولا حواه
وختامها لو ماملكت كنوز كسرى والوليد = فلاشك عزة نفسي تكفيني وهاذي غناه
يقوله الي مايجيب من الشعر غير المفيد = وللشعر بصمه دام ابن ريفه على قيد الحياه[/poem]