خلقت في الدنيا وانا ما معي شي

خلقت في الدنيا وأنا ما معـي شـي

وأباروح منها ما معـي شـي منهـا


قصيدة للشاعر مفرج بن مفرح المشعبي السبيعي




سجه مع الهاجوس طبيعة ٍ لي
طبيعة ٍ باموت ما جزت عنها
أشكي على الخلاق وأرفع له إيدي
لا كثرت الأفكار يفك منها
أما الكرم قد فاز به حاتم الطي
حتى الفرس من شان ضيفه طعنها
خلوني أكرم في حياتي وأنا حي
ولا مت ما أدري جثتي من دفنها
خلقت في الدنيا وأنا ما معي شي
وأباروح منها ما معي شي منها
مسكين ياللي تحسب الواجد شوي
والعافية لو تنشرى وش ثمنها
يا جاهل الدنيا تراهي كما الفي
يامخبل اللي في حياته ومنها
إن ناحرت لك قامت تروح وتجي
مثل الذلول اللي طويل ٍ رسنها
وإن أدبرت خلتك طايح ومرمي
وكم واحد ٍ له حاجة ٍ ما ضمنها
لا بد مانرحل عن المزح والغي
ونسكن بيوت ٍ قبلنا من سكنها
النفس مثل الغصن عايش على الري
ولو لاه كل الناس عافت وطنها
يالله عسى الحسنات تقضي على السي
لا قرّبوا للنفس ذرعة كفنها

__________________
بالله يأهل دبي ولا هل العين = من قال تبشر به عطيته بشاره

قرناس عشر سنين وأربع وعشرين = الله وش فيه من الوفا والقشاره

وأن قام يدرج عينه يسار ويمين = مثل الخفير الي مداقش خفاره

يا شيب عيني لا كفخ بالجناحين = أسبق من طيار الآباتشي طياره