القصيد اليا بغيناه في الواجب حضر

القصيد اليا بغيناه في الواجب حضر

[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
القصيد اليا بغيناه في الواجب حضر= في المواجيب الكبيره يجي للشعر دور

في مجالاً ما يوصل صداه الا الشعر = والقصيد يلامس الذات ويهز الشعور

والملك ذكره على الروس تيجان وفخر = ويتنومس كل شاعر لاجا لأسمه حضور

والثنا والحمد لله طاب من الخطر = الشفاء من عند ربي وهو عبدن صبور

في غيابه يوم واحد يعادل له شهر = والسبوع بحسبة الشعب عن عدة شهور

قائداً يملك مع الملك في صدور البشر = القلوب اللي دخلها وتنبض في الصدور

جعل ما نملك فدا له ويفداه العمر = وجعل ما صابه من الباس تخفيف وطهور

المليك اللي جهوده تبشر بالنصر = ورحمته لضعوف شعبه تبشر بالسرور

و وقفته راع المكارم تبشر بالسفر= وطعنته بين الحجاجين والا في النحور

وسطوته في وجيه عدوانه و وجه الفقر = بينت من قوة الحق والقلب الجسور

والشهيد اللي عياله لشوفه تنتظر = ورحلت به طلقة الغدر لأحضان القبور

ما نساه ابو اليتامى ودمعه ينهمر = يوم شاف ابناه والحر مثله ما يبور

ما نسى روس الرجاجيل والدم الحمر = وانتثاره من نفوس ما يلحقها قصور

والعدل رسخ مفاهيمه وحط الامر = في اليدين اللي تولا مقاليد الامور

والحوار اللي دعا له وثبت له مقر = كل رايً يبني المجد ياخذ فيه شور

وفي مجال العلم شيد صروحه واختصر = المسافات الطويله وزاد النور نور

وفي مجال الطب طور وطور والسفر = للدول مفتوح والدعم شكل له جسور

والمواطن زاد دخله ولا دور عذر = يدري ان الناس تحتاج والرزق مخشور

والمكارم عمت الشعب كله والشكر = ما يبيه الا من الرب والدنيا عبور

وعودته في قلوب شعبه تشابه للمطر = لاسقى جرد الصحاري بعد طول الدهور

وفي انتظاره كن شعبه على مثل الجمر =والزمن ما كن ساعاته لعده تدور

والايادي ترتفع له دعاء غيب وجهر = يحفظه من كل باس ويكافيه الشرور

المليك اللي في مدحه يلبسنا الفخر= ويتنومس كل شاعر لاجا للشعر دور

قالها الفهري يشارك عن ابدود الفهر=والفهر مقدم اهل الطيب واطوال الشبور

من عبيدة والعبيدي يشد به الظهر=طير حرً دم راسه من النخوه يفور

وقحطان اهل الفعايل مداغيش الظفر=والولاء من عهد الاجداد فيهم مخبور

والقبايل كلبوهم ولاهم معتبر=من قديمات الليالي على مد العصور

والمواقف والصمايل لها وجهً عفر=يعرفه راعى الصمايل ويجهله معثور

والختام العمر والله ما يحسب عمر = الا عمرً بالعبادات حيً ومعمور

وصاحبه للدين مخلص ولولات الأمر= وان دعى داعي المواجيب بين له حضور

في مجال ما يوصل صداه الا الشعر = والقصيد يلامس الذات ويهز الشعور [/poem]

محمد بن عبدالله الفهري (أبو معتز)

ارحب يابومعتز والله يصح لسانك
عادتك الجزاله دايم ويستاهل ابومتعب
العلوم الغانمه لاهنت وتقبل مروري
واصدق تحياتي

ارحب يابو معتز

وبيض الله وجهك وصح الله اللساااانك وانا اخووووك

عاداااااتك ماتجيب الا الجواهر من اعمااااق البحور

ابيااااات رااااائعه من رااااااائع

__________________

لاهنت يا محمد على المرور المشرف , تحياتي

ابومعتز

بيض الله وجهك يامبدع على هذه القصيدة الطيبة

وهذه عادة الطيبين

__________________
خيلا الشدقاء ابن عياف

كم هي جميلة شبكتنا .. وكم هي كبيره بكم
فشبكة قحطان بكم ولكم
فلننهض بها
بصدق وأمانه
وبلا تذمر


قحطان في شبكة قحطان

((يداً بيد ))

(( قلباً بقلب ))

(( لترتقي شبكتنا وتتطور ))

تبقا يا رائد و وجهك ابيض وصح بدنك شرفني مرورك لاعدمتك , تحياتي

تسلم يا رائد ولاهنت على المرور المشرف , تحياتي

والحوار اللي دعا لـه وثبـت لـه مقـر
كل رايً يبني المجد ياخـذ فيـه شـور

وفي مجال العلم شيد صروحه واختصـر
المسافـات الطويلـه وزاد النـور نـور

وفي مجال الطب طور وطـور والسفـر
للدول مفتوح والدعم شكل لـه جسـور

والمواطـن زاد دخلـه ولا دور عــذر
يدري ان الناس تحتاج والرزق مخشـور

^^^^^^^^^^^
آلله آلله
جزلة من راسٍ جزل يابو معتز ...
واختصرت ابرز فعول ابو متعب في الرائعة اللي طرحتها بيننا
والله لا يهينك عليها وبيض الله وجهك
ــــــــــــــــــــــــــــــــــــــــــــــــــ ـــ

قالها الفهري يشارك عن ابـدود الفهـر
والفهر مقدم اهل الطيب واطوال الشبـور

من عبيدة والعبيـدي يشـد بـه الظهـر
طير حرً دم راسـه مـن النخـوه يفـور
^^^^^^^^^^^
ونعم فيك وفي ربعك يابن مفلح وصح الله لسانك حتى ترضى


تقبل مروري/ ماجد بن شغاث

ارحب يابومعتز صح لساااااااااانك وعتلى شاااااااااااااااااانك
عادتك الجزاله العلوم الغانمه لاهنت وتقبل مروري
واصدق تحياتي

__________________

بيض الله وجهك وجمل الله حالك ورفع شانك وليس بغريب عليك يبو معتز

بارك الله فيك ألف شكر ,,,,

__________________