الحمد لله على حكم الله، مرثية والدي الشيخ/ حسين سعد آل جمان ..

مساكم الله بالخير :
الحمد لله على حكم الله ....ليس للإنسان مفر من القدر...
بعد وفاة عمي في تاريخ 2/6/ 1431هـ ...رحمه الله وأسكنه الجنان...
تكالب علي المآسي ..والأحزان....ليكون بكل تأكيد عام الأحزان....
لقد توفي والدي الشيخ /حسين سعد آل جمان في تاريخ 2/8/1431هـــ
فكان هذا الأمر كالصاعقة على عاتقي... ولكن الحمد لله على ما جاء من الله...
ليس لي منكم أخواني الكرام ...سوى الدعاء ...للفقيد تغمده الله بواسع رحمته...
إنا لله وانا له راجعون...
هذه المرثية تعبير فقط من أعماق القلب...ولن تفي الفقيد ربع حقوقة فمن كتبت فيه القصيدة أكبر بكثير من آلاف القصايد فيه...

[poem=font="Simplified Arabic,6,blue,bold,normal" bkcolor="transparent" bkimage="" border="solid,medium,darkblue" type=4 line=0 align=center use=ex num="0,black"]
لله بأشكي بث قلبن حزيني=حالي كظيم الحزن يالنافع الضار
يا نجوم ليلي بالسهر سامريني=أرعا الكواكب من سهادي وتذكار
صوت وصدى لك ياقصايد حنيني=مبحوح من كثر اسى صوت الأشعار
ياعين ويحك عجلي و اسعفيني=أبكي على رعا الوفاء راعي الكار
يوم الحد لاعاد بالعلم شيني=سماي مظلم لبّده غيم وغبار
انهد جيلي وانهمل دمع عيني=كيف العزاء بالصبر والعزم منهار
يوم جمع الأحباب والحاقديني=أصل المنافق من على عهد الأنصار
كبر المصايب تجرح المبتليني=حتى رسول الله حزّن بالأقدار
العين شافت ماكتب فالجبيني=الحمد لك يارب تقضي وتختار
صكات بقعا جات بالفجعتيني=عزّاه من فرقا الحبايب والأخيار
يالله ترحم ربعنا الراحليني= فقد النخل ما عوضت فيه الأشجار
ياقبرياللي فيك عفه و ديني=طيب و كرم مابين طينك والأحجار
ابا انشدك يادار ولا انشديني=يا دارنا وين المحبين يا دار
وين الذي من غيبتي يحتريني=وين الذي يجلون همي والأكدار
يادار وين اللّي ابيه ويبيني=بعده عذابي في حياتي ومحتار
ابوي له فالحق تقوى وديني=ومجاهد نفسه على درب الأخيار
اكمل وضوئه ناوين ركعتيني=ونطق الشهاده تصّله دار الأبرار
فيه الشجاعه تدهل المعتديني=فضايله يشهد بها كل مضمار
شيخ الكرم والطيب وجه ويديني=يابوي ياساس المكارم والأذكار
تلقا هل الحاجات حوله قطيني=وارضه ربيع في خزاما ونوّار
ياطيب خيمه والمساعي تبيني=فالماقف الغصاب ماهوب يحتار
شد العصابه لين خصمه يليني=نعم الحياه ونعم قبره والأثار
يالين عوده اليا لقا السائليني=الخير بأخلاقه و فالمد مدرار
حل الفراق الا على الفرقديني=هذا مناخ الموت في كل الأقطار
يا زياد جدّانك غدو راحليني=و ارجيك تصبح للشدادين مسمار
يازياد خلك لي شمال ويميني=و اناخشيرك في حلاها والامرار
أنا عوين زياد وهوه عويني=و الا المشاعر ذابله بعد الأزهار
الذم للأنباط والأشعريني=وطيب الثنا من وزعتك يابن سيار
احد على دربي يسوي كميني=من ينسج الألفاظ بائع وثرثار
ناس جهلهم دايم يشتويني=ولا منهم اللي لأرض الأمجاد صقّار
شفت الحديا شالت القنفذيني=ياللعجب ما يمنعه شوك وأظفار
الدين ما يخدمه متفلسفيني=والحق واضح مايباشيخ سمسار
حسان ناصر دعوة المسلميني=ولا المذله لأبن عجرد وبشار
في صدري البستان يالحاسديني=بالغيض موتوا محتمينه بالأسوار
لمع البوارق فالسحب مستبيني=وصوت الرعد فيه الصواعق ولآنذار
[/poem]

انا لله وانا اليه راجعون

عسى الله ان يجعلهم في جنة الفردوس ، انه القادر على ذلك سبحانه

وعزالله ان بوك وعمك وربعك انهم مذكورين بالخير والعلم الغانم

وصح الله لسانك ياناصر وقصيدة رثاء تبيض الوجه ، ولاغرابه

أرحب يابن جمان

وأسأل الله أن يرحم والدك وعمك وأموات المسلمين كلهم

وصح الله لسانك مليون وبيض الله وجهك...

__________________


والله إنه صادق

الله يجعلهم من ضيفان الجنه ويغفر لهم ويرحمهم ..

ويعظم اجركم ..

صح الله السانك مدد بلا عدد ..

__________________

الله يجعلهم من ضيفان الجنه ويغفر لهم ويرحمهم ..

ويعظم اجركم ..

صح الله السانك وانا اخوووووك

__________________

صح الله لسانك وارحم الله شيبانك الراحلين جعلهم في الجنان
تقبل مروري

رجم الله الشيخ : حسين آل جمان برحمته الواسعه..
وأسكنه فسيح جناته..
انا لله وانا له من الراجعون....
كلمة حق تقال: كان نعم الرجل الصالح في دينه وتقواه...وكرمه ومواقفه مع الرجال...
مانقول الا الله يجعل قبره روضة من رياض الجنة...
ويعلم الله ...ان فقده علينا مثل فقده على ابنائه واقاربه...
ولكن لامفر من القدر....
اما مرثيتك يابو زياد فشهادتي بها مجروحة....
وانت تعرف حكمي على اشعارك مسبقا...
ولكن مايتبين من هذا النص...هو عظم تأثير الفرقى على ابياتك...
ولن يلومك احد في فقيدك الغالي...
ولكن تصبر وانا اخوك....ان الله مع الصابرين...
تسلم يمناك ...ولا عدمناك....وننتظر الجديد من ابداعك...
شكــــــــــرا من القلب...تقبل فائق ودي وتقديري....

نسأل الله ان يرحم شيخا فقدناه جميعا ...والله يعوضكم ويعوضناخير ...ويسكنه فسيح جناته...

__________________

للتواصل من هنا

§¤°~®~°¤§بيض الله وجهك وتحياتي وكلنا ربع ورفاقه§¤°~®~°¤§

__________________

الله يعوضك خير


ويجمعك معهم في الجنه


ومشاعر صادقه صح لسانك ولاهنت