قصص .. لا تفوتكم اول يوم في الزواج

22-10-2005, 10:46 AM

منصور العبدالله

مـــراقــــب

تاريخ التسجيل: Jun 2005

الدولة: أمجاد الرياض

المشاركات: 11,034

منصور العبدالله has a reputation beyond repute

قصص .. لا تفوتكم اول يوم في الزواج

السلام عليكم هذا الموضوع قرائته في احد المنتديات وحبيت انزله هنا

*·~-.¸¸,.-~*الصديق وقت الضيق*·~-.¸¸,.-~*

واحد في ليلة عرسه جالس في زاويه وزوجته في زاويه , يكلمها مستحيه وتطالع
الأرض .. يذب نكته يستهبل عليها ماش البنت تطالع في الأرض ومشكلته ولا كأن فيه أحد جالس جنبها ..
الرجال من كثر مايكلم نفسه وبنت الناس ساكته قال خلني بسكت وأشوف وش تاليتها
معها .. يعني ثنيناتهم سكتوا ..
شوي يوم جو أخويا الزوج وقالوا بنستهبل عليه .. المهم ويقوم واحد منهم ويآخذ حصاة ويرجمها في النافذة .. عاد تخيلوا سكوووون وصوت صقعه فجأه .. البنت يوم سمعت الصوت طمرت وضمت زوجها من الخوف .. الرجال اعجبته الحركه .. ترك حرمته على جنب وطلع من النافذة وصاح لأخوياه " ثانيه شباب ثانيه " !!

*·~-.¸¸,.-~*كذا الربع ولا بلاش*·~-.¸¸,.-~*

هذا واحد أخوياه ماينلعب معهم .. يوم عرسه مروه ربعه وقالوا يالله مشينا الحلاق نسمكر وجهك .. يوم ودوه للحلاق ( وكانوا متفقين مع الحلاق من قبل ) وينقز واحد منهم ويتل راسه ويقول للحلاق يالله أدهر وأبو الشباب ماعاقت معه وجز راس المعرس .. مووووووووووس ..
المهم أنهم حلقوه موس والمعرس قفلت معه ولا قدر يسوي شي .. يوم جا العرس طق الطاقيه والغتره ومشى كل شي سليم ..
عاد يوم جا في البيت لازم يشيل الغتره موب على طول بتبتل كذا .. يوم فصخ الغتره وطلعت الصلعه البنت قالت ذا مهبول ولا فيه بلا .. ولا أحد يحلق مووس يوم زواجه ..
اللي زاد الطين بله أن المعرس شاف البنت خايفه وفاهمه غلط قال خلني بطينها وقعد يخوفها ويقرب راسه يمها كنه بينطحها ويسوي حركات كنه مهبول .. يوم طلعت الشمس قالت البنت : ودني لأهلي .. ( قالت في نفسها أبوي ذابني على واحدن مامنه رجا !! ) عاد المعرس دق على أبوها وقال له تعال يوم جا فهمه أن أخوياه سوو كذا وكذا وأنه شافها خايفه قال خلني أستهبل عليها .. والأبو فهم البنت وعدى هاك اليوم على خير ..

*·~-.¸¸,.-~*قصة الجوعانه*·~-.¸¸,.-~*

ثنين توهم متزوجين .. أول ما رجعوا لبيتهم الا زوجها مجهز لهم عشاء .. أختنا في الله الدنيا مسودّة قدامها من الجوع .. ما ذاقت الاكل من أصبحت من زود ماهي مشتطة .. ورجلها يناديها يبيها تاكل .. البنت مستحية وما تبي تاكل قدام رجلها .. بس انها جوعاااااانة .. قالت له لا تسلم أنا شبعانة .. يقول لها يا بنت الحلال تعالي كلي لك لقمة ولا لقمتين .. والبنت تقول أبدا الله مير ينعم به ماله محل .. ويحاول فيها من هنا من هناك وهي ميبسة دمجتها .. مع انها كانت تتعبر مع كل لقمة يبلعها وتقول في نفسها اخلص عاد يبو الشباب علينا تراك مصختها ..
خلص زوجها من العشا وقال لها يلا ننام ترانا ورانا قومة بدري بكرة ( الضيفة عند أهله ) .. قالت لها خلاص انت رح نام أنا بضف الأكل أول .. الرجل ابتسم ابتسامة صفرا وقال على راحتك .. ما صدقت المرة رجلها يدخل الحجرة الا طيرااااااااان على الأكل .. لقمة في فمها ولقمة في يدها وعينها على الثالثة .. وهي في قمة الانسجام ما درت الا ذا الي يمد لها كاس الموية يقول لها سمي خليه ينزل الاكل

__________________

اللهم أرحم والدتي ..وأجعل قبرها روضه من رياض الجنه..واسكنها جناتك

29-10-2005, 04:59 AM

آل معمر

مراقب
الاستراحة والرحلات

تاريخ التسجيل: Nov 2004

الدولة: الجنوب

المشاركات: 11,982

ههههههههههههههههههههههههههههههههه

والله علوم العرسان علوم ويصير فيها مواقف تموت من الضحك

يقولون واحد قبل الزواج سأل شيخ قال وش اسوي ليلة الزواج

قال الشيخ تصلي ركعتين وتحط يدك على راسها وتقول اللهم اسألك من خيرها وخير ما جبلت عليه واعوذ بك من شرها وشر ما جبلت عليه

الرجال حفظها ويوم جا يوم الزواج وجاء في الليل ودخل على العروسة الرجال

حط يده على راسها وضاعت علومه وقال سبحان الذي سخر لنا هذا وما كنا له مقرنين <<< دعاء الركوب

ههههههههههههههههههههههههههههههههه

مشكور اخوي وادي الغلا

__________________

رحلتي لأرض اليمن السعيد / تقرير مصور

29-10-2005, 07:50 AM

كحيلان

عضو فضي

تاريخ التسجيل: Nov 2004

الدولة: نـــــجد ديار عوااااال الشــايب

المشاركات: 1,489

هههههههههههههههههههههههههههههه
الله يرجك

على العموم ماعمري ضحكت مثل ذا اليوم

__________________

29-10-2005, 10:22 AM

منصور العبدالله

مـــراقــــب

تاريخ التسجيل: Jun 2005

الدولة: أمجاد الرياض

المشاركات: 11,034

ال معمر:
والله انك رهيب
وزودت الحلا حلا
لا بجد بجد رايقة... الا على فكرة مو دعاء الركوب يصلح في ليلة الدخلة
نفس الفكرة
الله يرجك يال معمر الحين الهيئة تصيدنا
مشكور ولاهنت يا رائع
**********************************
كحيلان: صدق والله كحيلان
وستين نعم
الله يسعدك على طول ونشوف ضحكاتك على طول
لاهنت ومشكور على المرور الرائع والتعقيب الطيب

__________________

اللهم أرحم والدتي ..وأجعل قبرها روضه من رياض الجنه..واسكنها جناتك

29-10-2005, 08:38 PM

ابن وهف

عضو متميز

تاريخ التسجيل: Jun 2005

الدولة: غير موجود

المشاركات: 822

هههههههههههههههههههههههههههههههههههههه

__________________
الحرتكفيه الاشاره

30-10-2005, 06:31 AM

آل معمر

مراقب
الاستراحة والرحلات

تاريخ التسجيل: Nov 2004

الدولة: الجنوب

المشاركات: 11,982

ههههههههههههههههههههههههههههههههه

يا حليل هالجوعانه ههههههههههههههههههههههههههههههههه

حرام عليه كان خلاها تأكل وتاخذ راحتها وبلاش إحراجات

مواقف جميلة أخوي وادي الغلا ألف شكر لك

__________________

رحلتي لأرض اليمن السعيد / تقرير مصور

30-10-2005, 11:55 AM

منصور العبدالله

مـــراقــــب

تاريخ التسجيل: Jun 2005

الدولة: أمجاد الرياض

المشاركات: 11,034

ابن وهف: مشكور للمرور والمشاركة
------------------------------------------------------
ال معمر: هلا وغلا فيك
بجد موقف يموت من الضحك والاحراج والمفروض ما أحرجها وقا لها بعدين
بعد ما تطيح الميانة
مشكور مشرفنا الرائع

__________________

اللهم أرحم والدتي ..وأجعل قبرها روضه من رياض الجنه..واسكنها جناتك

31-10-2005, 01:42 AM

محمد الكدادي

عضو

تاريخ التسجيل: Oct 2005

المشاركات: 67

وادي الغلا الله يسلمك ويعافيك ياخووووك

والله العظيك ان بطني ذبحني من الضحك الله يهداك

بس امانه المواقف هذى صدق صايره

ولا من وحي خيالك

اذا صدق صايره انا اشهد انهم مستلجين كلهم

لا الاصلع ولا اللي يناول حرمته كاس ماي ولا اللي يقول لخوياه ثانيه

هههههههههههههههههههههههههههههههههههههههههههههه

ياخوك خلاص ماعاد فيني طاقه اتحمل بموت من الضحك

الله لايهييييينك ياخووووك وبيض الله وجهك .

__________________
[poem font="Simplified Arabic,5,black,bold,normal" bkcolor="sienna" bkimage="backgrounds/27.gif" border="groove,4,sandybrown" type=1 line=0 align=center use=ex num="0,black"]
قال الكدادي بيت لعب مثمنا=بيت نظيف كايد بالمزملي
لعب نظيف والمزامل بمعنا=ماني منهو بالكلام يخوجلي
تعريف للي جاهل في عرفنا=حنا الجبال الطايلات الزحلى
حنا بني هاجروضيم جدنا=حنا وعبده نسل ضيفم الاولي
حنا عبيده مانضيع بدنا=حن راس قحطان العريب العبدلي[/poem]

31-10-2005, 02:43 AM

الوسواس القهري

عضو

تاريخ التسجيل: Jul 2005

المشاركات: 41

الوسواس القهري is on a distinguished road

ههههه

شكراً لك

__________________

{يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوباً وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ }الحجرات13
______

لـيـثٌ إذا عـضّ الزمـان بـنـابـهِ
غـيـثٌ إذا هـبـّت علـيّ يـمـانـيـَه

عـرفـت مـلـوك الـجـن ريـح عـمـامـتـي
ونـكـحـتُ مـنـهـم سـبـعـةً وثـمـانـيـَه

وقـرعتُ أبـواب الـسـمـاء مـهـلـّلاً
وهـتـكـتُ أسـتـار الـمـلـوك عـلانـيـَه

. . . الوسواس القهري . . .

31-10-2005, 03:30 PM

#10

منصور العبدالله

مـــراقــــب

تاريخ التسجيل: Jun 2005

الدولة: أمجاد الرياض

المشاركات: 11,034

محمد الكدادي:
هلا وغلا فيك والمواقف هذه حسب معلوماتي وما وصلني صحيح 100%
والله يستر والمهم عندي انك ضحكت وانبسطت... الله يسعدك
شرفتنا بمرورك الرائع وردك الكريم

__________________

اللهم أرحم والدتي ..وأجعل قبرها روضه من رياض الجنه..واسكنها جناتك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

سناب المشاهير

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى