السلام عليكم ورحمة الله وبركاته






مرحبا واهـلن هـلا بالشاعــر اللـي مـايهمّه
........................لا بـدا في ربع ساعه واختفى في ربع ساعه
كم نقول , ومن يزود , ودمعة الشاري بكمّه
........................ لاشراها مشتريها , حَرم ترجيع البضاعه

البقاء يالشاعر اللي منتدب ماله مهمه
......................ماخذَ في جعبته سم وناسي عن متاعه
اعرف ان الذيب لا من قرب باروداً يشمه
..................... والبحر غدار والبحار يوزن في شراعه


ذيب العبيدي

__________________

مرحبا بك يالعبيدي وانت ذيب وفيك ذمّه
.........................لادخلت الغب قسته من حدوده واتـساعه

لاتحجّ الا شروط الحج فيك , و مستتمّه
.........................ولاتتم شروطه الا بالعقل والاستطاعه

__________________

المواقف والمراجل ماتجي من دون هِـمّـه
............................والرّجل وقت الملاقا ماتنجّيه الشّفاعه

يالعبيدي ويش ظنك بالرّجل لازاد غمّه
...........................مرتن باسه شديد ومرتن سمع ٍ وطاعه

__________________

]

__________________

كل واحد ياوسيع المعرفه معروف سمّه
.......................ويتشالا عالم ٍ تجهل مفاهيم الضباعه

من بكى والا تباكى في السهاله والملمّه
.....................ماعرف ضبط القياس ولادرس علم البراعه


صح لسانك يالعبيدي والله لايهينك
بدا الدوام ومضطر اطلع والخاتمه عندك
فمان الله

__________________

صح لسان كل شاعر فيكم ...والله لا يهينكم على الابداع يالنشامى....