أقدم ترى الذلات ما تدفع القدر

[poem=font="Simplified Arabic,5,black,bold,normal" bkcolor="transparent" bkimage="" border="solid,thin,black" type=4 line=0 align=center use=ex num="0,black"]
يالله يالمطلوب يـا قايـد الرجـاء =يـا عالـم الاحـوال يـا رقيـب
ياللي على المخلوق تضفي جمايله = وأليـا زبنـك العبـد مـا يخيـب
يالله ترحمنـي وتغفـر ذنـوبـي =لأمسيت في وسط اللحود غريـب
في حفرة ٍ قعـدت فيهـا لحالـي = وجاني عن اللي ما مضى حسيـب
يالله ثبتنـي علـى كلمـة الحـق = وأجعل جوابي للسـؤال مصيـب
وأوردنـي الجنـة نهـار القيامـة =في ماقف ٍ منه الصغـار تشيـب
يوم الخلايق تنحشـر عنـد ربهـا =يوم الحساب ولاش شـي يغيـب
كـل ٍ يقـول اليـوم يالله نفسـي =ما همه ألا ما عمـل مـن طيـب
والخل ذاك اليـوم ينسـى خليلـه = تنكروا مـا عـاد فيـه صحيـب
والأم ذاك اليـوم تنسـى جنينهـا = يوم ٍ علـى كـل العبـاد صعيـب
والرابح اللي مـا تهـاون بدينـه = وصلى الفروض الخمس بالترتيب
وزكى وصام وحج قدر أستطاعته = ومن كل ما يرضي الإلـه قريـب
أنا أشهد أنه رابـح ٍ فـي النهايـه = ويصير له وسط الجنـان نصيـب
ويامرقب ٍ عديت به فـي العشيـه = وقامت هواجيس الضميـر تجيـب
وأنا ليا عديت في عالـي الحجـاء = سويت من حلو اللحـون عذيـب
أنقى معانيهـا وأضبّـط حروفهـا = من خوف لا يلحق قصيدي عيـب
يوم أن في الشعار عيّـه وعارفـه = أنا أحمد الله مـا يجينـي الريـب
وبنصحك يا خطو الولد وأستمع لي = نصيحة اللي صـار لـه تجريـب
جربت في الأيام وقد قالـه المثـل = سايل مجـرب لا تسـال طبيـب
ترى الفتى عزه ليا أبعد عن الردى = يشهر كما حر ٍ بـراس هضيـب
يرفع مقامه عـن دروب السفالـه = ولا يجلس ألا مع رجـال الطيـب
مجالس الظفران تخر لك الفخـر = فيهـا الفوايـد والكـلام عريـب
ومجالس الرديان تخر لـك النـدم=ومن جلسة ٍ فيهـا خـذ التجنيـب
وخلك على كسب العلا صيرماني = والطايلـه مـا تستـوي لرعيـب
أقدم ترى الذلات ما تدفـع القـدر = واللـي كتبـه الله لـزوم يصيـب
وحافظ على دينك سبايـب نجاتـك = مـن مـارد النيـران والتعذيـب
وفي جنة الأنعـام تنـزل مخلـد = وعيشـك بجنـات النعيـم يطيـب
والوالدين ألهـم حقـوق ٍ كثيـرة=وخلـك لطاعـة والديـك حبيـب
ترى الولي وصابهـم فـي كتابـه = وأليـا ومــرك الله تستجـيـب
والجار أنا بوصيك توفي حقوقـه = وحذرا يجي منك الزلـل والعيـب
خلك سهل وأدمح خطايـاه كلهـا = تـراه وان طـال الزمـان يغيـب
لا بد ما يرحـل وتقفـي ركايبـه = أمـا ذكـرك بزيـن وألا تخيـب
والضيف لا زارك تقوم بكرامتـه = قلط لـه الرسـلان وأم عصيـب
وخلك بشوش ولا تعقد حجاجـك = وأكثر مـن التهليـل والترحيـب
وأحشم خويك يـا فتـى لا تكبـر = ترى الخوي حقه عـلاك وجيـب
وربعك ذراك عن الليالي وبردهـا= وهم سيفك اللـي يلطـم الحريـب
أحرص علاهم لا يغـرك زمانـك = أن كـان قلبـك للعلـوم لبـيـب
تمت وصلى الله على سيد البشـر = شفيعنـا مـا سـال كـل شعيـب [/poem]

__________________

ما شاء الله تبارك الله

صح لسانك

قصيدة جزلة

ما شاء الله تبارك الله

صح لسانك

قصيدة جزلة

__________________

ارحب يابن مهرس

قصيده فوق المعتاد يابن مهرس نبعت من قلب ولسان بدوي فصيح ولايجيدها سوى سلايل الشيخان شرواك

فيصل بن زايد ال مهرس شيوخ الشدادين بلحارث ان كان ماهناك تشابه بالاسم

شرفتنا ويامرحبا بين بني عمك

تحياتي لك

__________________
ربنا اتناء في الدنياء حسنه وفي الآخرةِ حسنه وقنا عذاب النار
<<<<<<<<<<<<<<>>>>>>>>>>>>>>>>>
يارب قدم اليك عبدا نحبه ويحبنا فاوسع مدخله واكرم نزله اللهم ارحم عبدالله بن عبدالعزيز

اللهم يارب العالمين
ان تحقظ لنا ولات امرنا
وان تمد ملكنا سلمان الحزم بالنصر والظفر
اللهم ان تقوي عزائم المحمدين على طاعتك
وسلطهم على كل فاسق ومنافق واصلح بطانتهم

بداية ارحب بك فحللت أهلا ووطئت سهلا

صح لسانك ولسان الشاعر على هذه القصيدة الرائعة وبمافيها من وصايا

مشكور وننتظر جديدك

__________________

الاخ ابن مهرس

السلام عليكم ورحمة الله وبركاته

قصيده جزله مليئه بالحكم وتصوير لواقع الحياه

ومنها ماراق لي حيث تقول

ترى الفتى عزه ليا أبعد عن الردى = يشهر كما حر ٍ بـراس هضيـب
يرفع مقامه عـن دروب السفالـه = ولا يجلس ألا مع رجـال الطيـب
مجالس الظفران تخر لـك الفخـر = فيهـا الفوايـد والكـلام عريـب
ومجالس الرديان تخر لـك النـدم = ومن جلسة ٍ فيها خـذ التجنيـب
وخلك على كسب العلا صيرمانـي = والطايلـه مـا تستـوي لرعيـب
أقدم ترى الذلات ما تدفـع القـدر = واللـي كتبـه الله لـزوم يصيـب

مشكور وتقبل مروري وتحياتي

__________________

صح الله لسانك يابو زايد مليون / ولايكفون


قصيدة جزله ومليانه وشهادتي فيك مجروحه


تميزت قصيدتك بالصور الشعريه والحكم واصالة المفرده والتراكيب الفذه

أررررررررحب تراحيب المطر يابو زايد

وصح الله لسانك يالقرم وبيض الله وجهك قصيدة جزلة

من شاعر وااااافي وجزل و حكيم وطرق القصيدة سلس

وأشهد إن كل بيت منها يعادل ملحمة

وبيض الله وجهك مرة أخرى ولا تحرمنا يالقرم .

__________________


والله إنه صادق

ارررررحب يابو زايد حيه وحي ماجاب



صح الله السانك والله يبيض وجهك


واااافي يابو زايد وقصيدك واااافي


لاهنت ياذيب



تقبل تحياتي