قصيده لشاعر /مسفر بن سالم بن شبيب العلياني مهداه لشيخ /عشق بن ناصر بن سعيدان آل عاطف

قصيده لشاعر/ مسفر بن سالم بن شبيب العليانــــــي مهداه لشيـخ/عشق بن ناصر بن سعيدان آل عاطف


سلام ياشيخٍ تعلا المراقيــــــــــــــــــب ** عالي وتنزل بالعلا كل مرقــــــــــــــــــــاب
سلام باليشموم والكاد والطيـــــــــــب ** والعود الازرق فوق ماقلت غـــــــــــــــلاب
عليك ياشيخٍ تسد المواجيـــــــــــــــب ** عشق ولد ناصر ذرا كل من هــــــــــــــــاب
يوم النجوم أتغيب وتبين وتغيـــــــــب ** لاغيب الله شمس حلآل الأنشـــــــــــــــــاب
هو شيخنا الأول عطيب المظاريــــب ** وهو سيفنا القاطع وحنا له انصـــــــــــــاب
مثل ابو خوذه بالكرم والتراحيـــــــب ** والا كما أبن مهيد بالطيب لاطــــــــــــــــاب
ضيفان بيته دايمٍ له معازيـــــــــــــب ** كنه مصوت بالعشى واف الانســــــــــــــاب
عيبه لمنهم قالو إن في عشق عيب ** هيف السمين وهيف من نيها تــــــــــــــاب
وعيبه لمنهم قالو إن في عشق عيب ** هداج تيما مانقص ماه جــــــــــــــــذاب
وعيبه لمنهم قالو إن في عشق عيب ** للمعظله والكايده ياخذ إحســــــــــــــاب
جاهه يخلصها ويعطي من الجيــــــب ** والقدر عالي عند ربعه والاصحــــــــاب
وعيبه لمنهم قالو إن في عشق عيب ** يعتق بجاه الله ثم جاهه ارقــــــــــــــــاب
وعيبه لمنهم قالو إن في عشق عيب ** يطلق سجينٍ من ورا القفل والبــــــــاب
وعيبه لمنهم قالو إن في عشق عيب ** ينفع بني عمه ويفزع اللاجنـــــــــــــاب
وعيبه لمنهم قالو إن في عشق عيب ** أمجربٍ ماهو بيحتاج جـــــــــــــــــراب
هذي عيوبه كلها والعذاريـــــــــــــب ** تقصر من افعال البطل عكف الاشنــــاب
ومن لابتٍ دايم تهدي لصاعيـــــــــب ** عواطفٍ ضيمٍ على كل حــــــــــــــــراب
وقت الجهل من دون حرش العراقيب ** خيالهم بمسطر الغوش ماهـــــــــــاب
يردون حوض الموت لو بالمشاعيب ** لاحذفو بيض الصبايا بالأســـــــــلاب
لعيون ترفات البني الرعابيـــــــــــب ** رجالهم بالروح للموت جــــــــــــــلاب
وجحادرٍ نمشي على منهج احقيـــب ** شيخٍ على سلمه مشى شايب وشاب
هذا وابو ناصر يلقب رعى الطيــــب ** وملقبٍ ايضاً بحلآل الانشـــــــــــاب
وغنيٍ عن التعريف قبل المكاتيــــب ** وغنيٍ عن التعريف من قبل الأللقاب
فرز الوغا مافيه شكٍ ولاريـــــــــب ** شيخٍ نفل جيله بعيدين واقـــــــــــراب
مفراص صلب الماص من وقعه إيذيب ** صلب الحديد اللي من النار ماذاب
كنه هديب الشام بالحمل لاهيـــــــــــب ** ينقل معى حمله بعد حمل من هاب
هو ذخرنا لاغثربن المشاريــــــــــــب ** وألا على ماقيل جاء حزم كـــــــــلاب
لاحدت الدنيا فلا منه تجنيــــــــــــــــب ** وإن حدت الحاجه فلا عنه مجنــــــاب
وأنا بدا لي يوم جيته مطاليـــــــــــب ** وهو فزعة اللي فوق ضرس وتحت ناب
واليوم يافزعة بعيد المناجيـــــــــــب ** ماينثني عزم اللذي جاك طــــــــــــــــلاب
أنت الأمير اللي على مثل ماجيـــــب ** درعٍ حصينٍ ظافيٍ ظل وحجــــــــــــــــاب
لاتذخرون الجاه دون المعازيــــــــــب ** جاهك يفك اللي تحت سيف قصــــــــاب
وسلام ياشيخٍ تعلا المراقيــــــــــــب ** عشق ولد ناصر ذرا كل من هـــــــــــــاب
وسلامتــــــــــــــــــــــــــــــــــــــــــكم ،،،

اررررررررررحب يا الذيب تراحيب المطر ..

لاهنت نفداك على النقل الرائع ..

والله ومليوووووووون نعم بك وباالمادح والممدوح ..

تقبل مروري يا القرم ..

__________________

حياك الله ياابن جلبان بيض الله وجهك على القصيده الجزله وابو ناصر يستاهل المدح

كفو بالمادح والممدوح لاهنت........

__________________

اررررررررررررررحب يابن جلبان وبيض الله وجهك يابن عمي


وصح الله لسانك ولسان الشاعر مدد بلا عدد

وهي في شيخ معرروف ولا يحتاج تعريف



وتقبل مروري

__________________
فل الحجاج وخل عنك الهواجيس


كلن يمـــــوت وحاجته ماقضاها

بيض الله وجهك يابن جلبان وبيض الله وجه مسفر بن شبيب اشهد بالله انه شاعر واخوه محمد ايضا شاعر وقصيده طيبه بالحيل وفي رجل وافي من نصاه ما خاب بعد الله سبحانه والله لا يهينك على نقل القصيده التي تعتبر معلقه من المعلقات

__________________

وسبعين نعم ياعشق بن سعيدان ياوالله الشيخ اللي يستاهل النعم لقيته انا والوالد عند حمود الجهيمي وكان غدا يخص الوالد وعشق بن سعيدان رجل ذو اخلاق عالية ولا تكلم ماعاد ودك يسكت ونعم يستاهل عز الله

لاهنت يابن جلبان