[poem=font="Simplified Arabic,6,green,bold,normal" bkcolor="transparent" bkimage="" border="none,medium,green" type=4 line=0 align=center use=ex num="0,black"]
أول كلامي طلبة الرحمن=سبحانه الوالي عظيم الشان
يالله ياللي لا إله" غيرك=يالواحد المعبود يالمنان
سبحانك أنت الرب وأنت الوالي=وأنت العظيم وخالق الاكوان
أمرك يكون بقدرتك في لحظة=لي قلت لأمرك كن بلحظة كان
ندعيك ونسالك عسى ترحمنا=يارب منك العفو والغفران
يا رب وفقنا بدين ودنيا=وفي الاخرة رحمتك يا رحمان
ومن بعدها ياهاجسي هيا بك=وين أنت ودي نطرق القيفان
حتى نوردها علي هداج=هداج تيما مروي الضميان
الشعر حاضر وأنت مثله حضر=وأنا على الشعر الجزل ولهان
نبغى الجزيل اللي يسر السامع=اللي يقال لشاعره لاهان
وحنا نحب الجزل ونماريبه=وأقرب مثال أشعار بن جدلان
وفي ماقف" قدم الرجال أفخر به=حضرت وأنا فاللزوم حصان
أقدح زناد الشعر في ماجوبه=وأشعل فتيله لين طرقه زان
أسبح بحور الشعر وأغوص بها=وأجيب منها واللول والمرجان
وفي حفل ابن شايق عريب الساس=اللي جمعنا في قصر دسمان
يا مرحبا ترحيبة مثنية=يا مرحبا ما يمطر الودان
باسم ابن شايق وال عاطف ربعه=واسم القبيلة كلها قحطان
أعيد وأقول ارحبوا وأكرر=يامرحبا حيا الله الضيفان
حياكم يوم شرفتونا=أقولها صادق خفى وإعلان
ترحيبنا بالضيف من عادتنا=سلم" قديم وعادة الجدان
قول ارحبوا سلم لنا من ماضي=سلم قحطان من أول إلى الآن
حياكم الله وارحبوا مثنية=أقولها من قلب ومن لسان
علي الشحم والهيل والبرية=برية تنساق فالرسلان
والعود الأزرق نحرقه ونسوقه=للي حضر في محفل كحيلان
مبروك يا عبدالله ابن شايق=مبروك ما دام إن وعدها حان
حبيت أبارك لك وجيت أشارك=الحفل غالي والكريم معان
حبيت أشارك وأفتخر في ربعي=العزوة اللي تكعم العدوان
وكل" بربعه يفتخر ويماري=وأنا أفتخر فالمحزم المليان
أفخر بقحطان المهابه ربعي=تاريخنا من ماضي الازمان
ويكفي فخر دام ابن ثابت منا=الشاعر الفذ العلم حسان
شاعر رسول الله ما هو يجهل=حسان بن ثابت رفيع الشان
الله جعل فينا الوفا والهيبه=وليا أعتزينا يركد الشيطان
حنا عيال العود عز وهيبة=عز الخوي والضيف والجيران
حنا عيال مضيم درع " ضافي=حنا لناصينا ذرى وكنان
قحطان مثل طويق ضلع" راسي=اللابة اللي فاللقاء شجعان
وكل القبايل كفو ما نجحدهم=وقفاتهم وفعولهم برهان
وكل القبايل فعلهم ما ينسى=وحنا وهم طوال الزمان إخوان
من بينا طيب ووفاء يربطنا=وأخوةّ وصت بها الاديان
وشاعرنا بأذكر نموذج منهم=حيث إنّهم عز و فخر وأركان
أولهم ابن شايق معزبنا=العاطفي راع الحفل والشان
أبوشنب من حقنا نفخر به=لأنه فخر راع الوفاء لاهان
و فلاح بن ريفه وريث الطالة=ما ياخذ من الهرج غير سمان
الشاعرالقرقاح قسمه وافي=شاعرعلم وافي وذرب أيمان
والهاجري سلطان بن وسام=شاعر جزل والجزل له عنوان
وزنه ثقيل وله مكان وهيبه=ولنا الفخر بالهاجري سلطان
وسعيد بن زهرة كفو ويجمّل=الشاعرالمعروف أسد قحطان
أبوعوض راع المواقف دايم=شاعر ودايم فاللزوم يبان
وشعرانا الباقين ما ننساهم=ميقافهم يذكر بلا نسيان
الجزل دايم والوفاء عادتهم=ولهم مكان ومالهم حقران
وكل القبايل فيهم الشعار=وافين والله ما بهم نقصان
والله ما أجحد منهم أية شاعر=والجزل يطلع مثل نجم" بان
قلته وأنا شاعر وأثبّت قولي=والله يجملني مع العربان
الشعر ما يكتب بليا معنى=والبيت ما يبنى بلا عمدان
شاعر وأصوغ الشعر وأخذ جزله=وأثبت المبنى على سيسان
ولي بغيتوا نظم والأ قلطة=أوازن الثنتين فالميزان
شاعر ولي عزوة وراسي قاسي=يلين جلمود الصخر ما لان
أشد حيلي وأتوكل بالله=وأجازي الاحسان بالاحسان
وإن كان ربي راد لي وأحياني=باأقابل الفرسان فالميدان
ما دامني فارس وسيفي صارم=باأسل سيفي وأنطح الفرسان
أقولها وأرجوا المعذرة منكم=العذر منكم والرجال أعوان
الكامل الله والبنادم ناقص=سبحانه اللي كرم الانسان
الله يجمعنا علي مرضاته=والله يديم الأمن في الأوطان
علي الحبابي في نهاية قوله=يهديكم التقدير والعرفان
الشاعر الطرقي يجيب الجزلة=وليا رمى ما يخطي النيشان
شاعر حبابي عزوته قحطان=وان قيل من هو قيل ابن شنان
وختامها صلوا على سيدنا= نبينا الهادي نسل عدنان
صلى الله وسلم على أفضل خلقه=ماغرد القمري على الاغصان[/poem]

علي الحبابي
"الشاعرالطرقي "

__________________

يا مرحبا ترليون يا الحبابي ..

صح لسانك جعل عمرك طويل ..

جزل وما تجيب الا الجزل ..

__________________

صح لسانك يالشناني ومبدع

تقبل مروري يالغالي

__________________
][®][^][®][ماعاش راس صدم له راس قحطاني===========في حاضر الوقت ولاسابق المده][®][^][®][

صح لساااانك

والله لايهينك..

والله يوفقك..

تحيااااااااااااتي

__________________
ربعي عبيدة مقضب السيف مهنود ......

أمواج رعب صافقة في بحرها ......

صح لسن وعلا شأنك


قصيدة جزلة


وابن شايق يستاهل كل علم غانم

__________________
[


صفحتي على تويتر

haian_ali@

الايميل الجديد
ali_haian@hotmail.com

اسعد بتواجدكم

ارررررررحب ياعلي


صح السانك يالذيب على القصيدة الجزله ياجعل يمناك واللسانك ماتعطب اشهد بالله انك وفيت وكفيت يالقرم

ولا هي غريبه عليك العلوم الغانمه يجعل راسك يبطي دايم حي وابن شايق يستاهل المدح والثناء وتمنيت يابو

صالح اني موجود واحب خشمك وارفع لك عقالي افتخار وعز لك يالذيب

__________________
محمد بن عبيان آل سالم الفهري

لله دركـ على هالإبداع والجزاله


وصح لسانكـ يالوافي

__________________

اررررررررررررررررررررررحب والله اني صادق ..

والله يابو صالح انك جزززززززززززل ..

وووااااااااااااااااااااااااااااااافي ..

صح الله السانك مدد بلا عدد ..

وخذ تيا سمعه تستاهلها يا القرم ..

__________________

ابيض وجهه

على هذه القصيدة الجميلة

ويستاهل ابن شايق

وربعه وكل منذكرت المدح

فلاهنت ولاشنت على الجزاله الطيبة

__________________
خيلا الشدقاء ابن عياف

كم هي جميلة شبكتنا .. وكم هي كبيره بكم
فشبكة قحطان بكم ولكم
فلننهض بها
بصدق وأمانه
وبلا تذمر


قحطان في شبكة قحطان

((يداً بيد ))

(( قلباً بقلب ))

(( لترتقي شبكتنا وتتطور ))

صح السانك يالحبابي وقصيدة جزلة وبيض الله وجهك

__________________
سبحانك اللهم وبحمد اشهد الاإلة الاأنت استغفرك وأتوب اليك