تدري من الدمام لحدود اراضيك ...؟

صبحكم / مساكم الله بالخير جميعاا
اولا : كل عام وانتم بخير جميعاااا واشكر اخوي سفر وكل من ساهم بنهوض هذا المنتدى وانا اسف على هالقطعه ظروف خاصه وها انا رجعت للغالين على قلوبنااا .



وان طال مشواري وبار الزمن فيك ...!


القصيده :





أرفع جنابك واحترم بك تغليك
لو زاد بي صدك وبعدك وفرقاك


واحشمك عن بعض التعدي واخليك
من طيبتك كلك ومن طيب مجناك


يومك معي وتحبني بكل مافيك
واعيش بك دنيا واذوبك ولا ارواك


وشلون أذمك ياعسى الله يحييك
الله يقدرني على طيب يمناك


وامدح جنابك في قصيدي واعديك
حد الثريا من الثرا والله اعطاك


قلب يحب الطيب ويموت راجيك
بالله قلي كيف بيذم شرواك


يا ابو الدلع يالازرق الموت طاريك
استغفر الله لو ابشرك بك اشراك


في حب والديني وفي كره والديك
عشت النقيض العف من عف مبداك


لاصار لا هذا ولا ذي ولاذيك
في ذمتي يسوون ذكرك وماطاك


حسبي على ظرف الزمن حطني هيك
خلاني أشقا في رحيلك بذكراك


تدري من الدمام لحدود اراضيك
الارض تبكي والمناطق ترجاك


حتى القصيد اللي سكن قلب غاليك
ماتت به اوزانه وقافه بجفواك


واللي جعل عزك بوطيت مواطيك
وكرّم حياتك في خفوقي وعلاك


لأوفي معك وأبقا على حطة يديك
وأخون قلبي لو بغى القلب ينساك


وآقف معك ضده وأعزك واساويك
في عزتي وبقيمتي وآتحداك


تلقا مثل حبي وفا مثل ما اغليك
انسان لاصديت ما اقفى وخلاك


بموت حي ينتظر شوف عينيك
وإن طالت الصده عسى الرب وياك


وان جيتني بنسى خطاك وتجنيك
وان بعتني الله على البعد مشّاك


هذا نصيبي لاكسبني تحديك
مالي سوا بيض الورق وآتحراك


وان طال مشواري وبار الزمن فيك
رقمي معك والله يسامح خطاياك




للشاعر / رحيل الوهبي الشمري

أرحبـــــــــــــــــــوا

من طول الغيبات جاب الغنايم, صح لسانك ولسانه وشهادتي فيك مجروحة أخوي ناصر ويش عاد أقول يعجز الفكر فيك وفي إطلالاتك الأكثر من الرائعه
ما قول غير تقبل مروري فديتك...........

مابطى من جا ..

وارررررررررحب تراحيب المطر يا الذيب ..

وحيه وحي ماجاب جيت ولا جبت الا السمين ولا حن مستغربينها منك يا ناصر ..

صح الله السانك والسان رحيل مدد بلا عدد ..

دمت لخوك يا كحيلآن ..

__________________

علي ارحب يالله حي الغالي انتم الخير والبركه وحنا تلاميذ ويعلم الله اننا تلاميذ عند الجبال اللي اشوفها لاهنت يالغالي وفي مرورك اللي اسسعدني بارك الله فيك

ارحب ياخوي ارحب يالغالي يالله حي فلااح اسسسعدني مرورك يالقرم ويعلم الله اني احبكم في الله ولاهنت يافلاح على مرورك اللي يزيدني ابداع وثقه لاهنت يالغالي دمت لمحبك واخوك

أخوي الغالي ناصر الله يحييك تحيات المطر وصح الله لسانك ولسانه إختيار موفق لاعدمناك ياهلابك ....

__________________

اخوي سسفر البقى البقى طال عمرك صح بدنك لاهنت يالغالي على مرورك اللي اسسعدني بارك الله فيك

الأخ الغالي
ناصر

بيض الله وجهك على هالقصيدة الراااائعه
وأهنيك ع الذاااائقه الجميله

ولقد إفتقدنا تواجدك وإبداعك

لك خالص شكري

__________________

أجمل ما في المووووت ..أننا حينما نمووووت
تصير بقايا أجسادنا
رمل بصحاري بلادنــــــا
يأتوووون أحفاد أحفادنا ...يبنون منا بيووووت ..!

اررررحب ياناصر تراحيب الحيا والله نور منتدانا بوجودك وينك يارجل
جعلك ماتشوف شر حتى بوي يقول ماكنك فقدت ناصر جعلك
ماتفقدك غالي يالغالي هلا وغلا ورحب مره ثانيه ياخوي ناصر

وامدح جنابك في قصيدي واعديك
حد الثريا من الثرا والله اعطاك
صح السانك ولسان الشاعر الشمري طيب وجزل وماجبت جزل
شكرا ولك وتقبل تحياتي

نايف ارحب يالله حيه البقى طال عمرك لاهنت يالغالي بارك الله فيك وفي حضضورك الكريم ووجهك ابيض لبى قلبك