معـلقـة الـراتـب ....

السلام عليكم

وصلتني هذه القصيدة الجميلة عن الراتب ولا ادري من كاتبها

والحق يقال قصيدة حلوة ووزنيتها متعوب عليها



[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
مانـي متابع للسيـاسة والأخبــار=ولا همـني أوباما ولافوز ماكـــيـن

ولا همني وش قال حسني وبشار=وما همني لو زادوا الهند والصين

وما همني لو سوق الأموال منهار=وماهمني لو كان خسروا ملايـين

ماهمني الا راتبي ذا الشهر طــار=كله صرفته يوم خمسة وعشرين

بعثرت مدخولي على يمين ويسـار=وقعدت وعيالـي نصفّـق بـكفــين

1300 عـلـى طـــول فــ إيــجــــار=و400 مصروف جوال في زين

و 1150 في شــركـــة إعـــمــار=قرض ٍ أخذته وشفطـوه الشياطين

و1100 تجديد وأتعـاب سـمــسار=عندي استمارة مطوفة حول عامين

و400 فــاتــورة المــاء والأنـوار=حـتـى ولـو كـنّـا للأنــوار مـطـفـيـن

وأمــا 800 بـســوي بها الــكــار=سـيارة ٍ جـربـا ثــلاث وثــمـانـيــن

لا شـمـة الراتـب يجـيها كـما الزار=تنـفض مكيـنتها كما نـفض بوكليـــن

وام العيال تـصـيح يا زوجي البار=هذا الشهر عندي في القصر عرسين

احتاج انا فستان من عشرة امتـار=وأفصـله يا فـالح الـراي بـألفــــيـــن

وأخر مئة بتروح في جيب كومار=الحارس الهندي عسى فـاله الشـيـن

ويقـول ما تـكفـيـه للفـلفـل الحــار=زعلان يبغى فوقها زود خـمســـيــن

وزادت معانـاتـي مع زود الأسـعار=أصبح مثل ما قيل طاق ٍ بطاقـيــــن

أزمة مسـويها مــداهن وتــجـــــار=وراحوا ضحيتها الضعوف المساكين

منـحاش من نـار ٍ وطـبيـت في نار=ويا ويل حـظ اللي وقــع بيـن نـاريـن

وإن الجمل صابر على الضيم صبّار=وان طاح تكثر في جنوبه سكاكـين

أبديت ما في الصدر من هم واسرار=بأقولها واخلي الخافي يــبـيــــن

يا شيوخنا لا لا تغضون الأبصار=صار المواطن يشكي العسر والدين

وانتم به ادرى ياطويلين الأعمار=بالله عليكم شوفوا الوضع بالعين[/poem]


وسلامتكم



وسلامتكم

هي بس على الراتب يابوعصام

والله انك صادق يا الضويري ...

والنعم يابو عصام 000

ما شاء الله اليوم بدوي

هههههههههههه

والله قصيده معبره كاتبها بري وعلى قد حاله وتشكر على الاختيار الموفق 0




وزادت معاناتي مـع زود الأسعـار----- أصبح مثل ما قيل طـاق ٍ بطاقيـن

أزمـة مسويهـا مداهـن وتـجـار---- وراحوا ضحيتها الضعوف المساكين

منحاش من نار ٍ وطبيت فـي نـار---- ويا ويل حظ اللي وقع بيـن ناريـن






بالوجه العام ماورى هذا شرح







تقبل تقديري واحترامي وحكاي والسلام




.

تحيه من الرياض تاصل لليابان

على هالاختيار

__________________



لأستشاراتك القانونية أضغط هنا
لوجه الله تعالى

لاهنت يابو عصااااااام...

__________________