مبروك يا مهدي عريب الجدودي

قصيدة للشاعر/علي بن سالم بن شبله ال سلمان الحرقان وهي موجهه للشاعر الكبير المبدع/مهدي بن سالم بن دومان

عنما حصل على لقب""" شاعر قبيلة ال سلمان الحرقان""" وهو أهل له ويستاهل أبو سالم العلم الغانم........



[frame="7 80"]سر يا قلم وأكتب رسالة بعنوان = "" مبروك يا مهدي عريب الجدودي""

لقبت شاعر قوم يا طير حوران = ومثلك يزود وحن بفعلك نزودي

تستاهل الناموس يا ذرب الأيمان = الله يجيرك من عيون الحسودي

وحنا لك إحزامٍ على طول الأزمان = وما دام حن محزمك فرقا سنودي

شاعر جزل تعرف على كل ميدان = تصرف درر الأشعار صرف النقودي

جملتنا من بين صبيان قحطان = وسط المزاين جبت علمٍ وفودي

وقفت موقف عز يا نسل دومان = وقمت تقدح الأفكار قدح الزنودي

لا هان من سد اللوازيم لا هان = والبيض تنشر له برؤوس الحيودي

قلته ومع قولي دلايل وبرهان = وربعي على قولي تراهم شهودي

غصت البحور وجبت درٍ ومرجان = وبيني وبين الشعر وعد وعهودي

شاعر وشعري له دعائم وسيسان = أبني وأحل معقدات القيودي

أطى الخطر ليثار فالجو دخان = ولاني بحسب للسلامه تعودي

ونرجي العذر ليصار في الهرج نقصان = يا ربعنا اللي تحتمون الحدودي[/frame]

لاهنت


يعطيك العافيه


تحياتي

__________________

لاهنت وأبيض وجه يا بو بندر على كل حال

أبني وحل معقدات القيودي
صح لسان الشاعر

__________________

قلته ومع قولي دلايل وبرهان = وربعي على قولي تراهم شهودي

غصت البحور وجبت درٍ ومرجان = وبيني وبين الشعر وعد وعهودي



لاهنت ياعلي صح للسسسسسانك ويسستاهل الششاعر

علي بن شبله


صح السانك ياذيبان والشاعرمهدي يستاهل هذا اللقب وقول الله يوفق شاعر نا والى الامام



تقبل تحياتي




اخوك محمد بن عبيان الفهررررررررررررررررررررررررررري

صح بدنك يابن فراج ولا هنت على المرور

ولسانك يصح ومشكور على المرور يالغالي فديتك

مرحبا مليون يابن العم وصح بدنك ومشكور عالمرور

لاهنت وبيض الله وجهك

تقبل مروري

__________________