قصيده فالشيخ/جعفر بن شري(شيخ قبيلة المسارده قحطان)

السلام عليكم ورحمة الله وبركاته

أهدي لكم هذه القصيده فالشيخ/جعفر بن جمل بن شري(شيخ شمل قبيلة المسارده قحطان)

اتمنى ان تحوز على رضاكم


[poem=font="Simplified Arabic,6,white,bold,italic" bkcolor="transparent" bkimage="backgrounds/21.gif" border="none,medium,gray" type=2 line=0 align=center use=ex num="0,black"]
مرت ثلاث أيام في زحمة هجـوس=كنها تداحـم عنـد بـاب الامـاره
مره على هجيني ومـرات منكـوس=ومره على المسحوب ولـع شنـاره
أشك لو أني مـن الجـن ملبـوس=وأقـوم وأذن فـوق رأس المنـاره
أرتب الأفكـار وأحوسهـا حـوس=وأقول ياعالـم مـا تأصـل وقـاره
لكن سلام السلام وافـي ومـدروس=وأزكى التحايا من صـدوق العبـاره
أقدمـه فنجـال بنـنً ومحـمـوس=لشيخ الشرف والطيب شيخ النعـاره
هذا جعفر شيخ الشمل دوم نامـوس=تضمنله البيضاء زعيـم الصـداره
من روؤس قومً لاذكر فالبلد روؤس=ابن شري والكـل يعـرف مسـاره
مع معزي أبوه بالرمـح والقـوس=يشهدلـه التاريـخ قبـل الحضـاره
والجد شارع جعل منزلـه فـردوس=ذباح سبـع الخيـل فـأول نهـاره
من صلب مسرد للعداء تشبه الموس=هم لابتـي والـرأس زأد أفتخـاره
أهل الوفاء لِن دبر الوقت معبـوس=وقفـت حداهـم تفتخربـه ديـاره
وابرجع اذكر فعل بيـن ومحسـوس=فعـل جعفـر يالله تطـول عمـاره
وقفته تبري جروح جداد والـدروس=شيخ الفخر فطره ولاهـي شطـاره
يأمى ويأمى فـك رجـال محبـوس=أرقـاب والا ديـن تـاره وتــاره
وعزوتّه باللبل لجلها يشري سكوس=وفي سوقه ماهو يحسـب الخسـاره
اللون كنه الليل مـن دون فانـوس=وطول السنام الزين وأعرض فقـاره
يبرالها شيصان وجيـوب وجمـوس=ياويـل مـن جاهـا نثـور غبـاره
شف جمعنا أكثر من الروم والروس=واليا كسرنا العظـم مالـه جبـاره
واليا زهمنا الشيخ دسنا الخطر دوس=وأرواحنا لجلـه تـروح أستعـاره
واليوم أباركلك من قلوب والنفـوس=على القصر ياحظ من صرت جـاره
فالعاصمه والباب ماهـو بمحـروس=والطيب ساسـه والكرامـه جـداره
وذكر الولي نوره ولو مابه اكبـوس=ومجلسـه بالطيـب فـوح ذعـاره
يذبح القعدان مـا يذبـح التيـوس=وفي كل ساعه مجلسه لـه زيـاره
ومنهو جهل عنه قبل يرسل عسوس=يسمع كلامـي نبـذةً عـن وقـاره
ويسمع سعد جدلان والمدح مقيـوس=وابن بديـع بـان صوتـه جهـاره
وأختامه تبقـى لنـا دوم نامـوس=وأقبل سلام الشاعـر مـع أعتـذاره [/poem]

وسلامتكم

تقبلوا تحياتي
أخـــــوكـــــم
فالح بن هادي المسردي

__________________

يستاهل الشيخ جعفر

الاد مسرد خير من يعطي القداء -------------- لطامتن نفس العدوا من وهوقها


لاهنت يافالح ابيض وجه

الظور

ما عليكم زووود

والقايل ما يهون

وجهك أبيض

تقبل تحياتي

__________________

يستاهل الشيخ جعفر


لاهنت



تحياتي

__________________

شف جمعنا أكثر من الروم والروس
واليا كسرنا العظـم مالـه جبـاره

كفو كفو كفو ياخوالي

عز الله قول وفعل في الماضي وفي الحاضر

صح لسانك وبيض الله وجهك

والله ومليووووووووووون ونعم في المسااااارده

وصح لساااااااااااااااااااااااانك يا ابو شنب

صح لسانك ولا هنت طال عمرك .

عايض الفهري ابو بندر

مهاجر

ابو مسمار السحمه


ما عليكم زووود

والقايل ما يهون

ويشرفني مروركم

تقبلوا تحياتي

__________________

ناصر بن هذال

صح ابدنك

والقايل ما يهون

ويشرفني مرورك يابو يزيد

تقبل تحياتي وتقديري

__________________

صح لسانك يا فالح..

هنا وهناك..

وابوناصر يستاهل المدح..

__________________