هذه القصيدة ألقيت في حفل الشيخ شايع بن طمسان بن عادي شيخ قبائل الجرابيع عبيدة قحطان ..
والذي أقامه تكريما للشيخ راجح بن شباب ال جروه شيخ قبيلة الصملة سبيع وجماعته .
وألقاها الشاعر سعد بن نخران بن كدم آل قريش .. من ضمن فقرات ذلكــ الحفل الكبير .

وهذا نص القصيدة ..

[poem=font="Tahoma,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
يالله يارب العباد الخواشيع=ياعالم النيه ونفس نوتها
يامنشي سحم الرفايا التوابيع=يسوقها فوق الرياح احملتها
سلام يالغلبا هل الطالة سبيـع=اللي علوم المرجله من صفتها
انشهد ان علومكم تروس الريع=من اول الدنيا ومن اخرتها
ربع قروم تطوع الخصم تطويع=صلاب روس والعدا لاطمتها
إلكم على العليا شداد وترابيع=محدن رقى لسبيع في منزلتها
أهل الجهام اللي تدوس المخاييع=صفر وحمر وشقحها وشعلتها
كم ديرة فيها الزهر له تناويع=حف وذود سبيع فيها رعتها
من دونها مافيه مشرا ولابيع=إلا النفوس الغاليه مرخصتها
الضيف لاجاكم لقوه المباويع=بترحيبة عطره مع مهيلتها
وليا حلف من كرمته ماله مطيع=تنطح خيار أذوادها وذبحتها
وإن صاح صياح جراله ملاويع=فلا عليه خلاف دامه جهتها
يبشر بنخوة ذيب وبفزعة فديع=هموم عينه بلحظة حيرتها
حياكم الله عد نبت المرابيع=لكرامة عند آل عادي فعلتها
عند ابن طمسان شيخ الجرابيع=كرامة لسبيع اللي شرفتها
ياذابح مفوهقات الكراسيع=على يماني سبيع هل شحمتها
وصلاة ربي عد نود ذعاذيع=على الرسول محمد خاتمتها[/poem]