حب العنا

السلام عليكم ورحمة الله وبركاته

مشاركه جديده أرجو أن ترتقي لذائقتكم الشعريه وتحصل على أعجابكم وأستحسانكم
كما أرجو من المشرفين تنسيقها
لعدم توفر ذلك


ياقلب ياللي كاثرات>ن< شكاويك
وش علتك أسهرت الاعيان بشكاك
عذبتني وآنا عن الحب ناهيك
ومحذرك منه قبل تمشي خطاك
والحين حالك من نظر فيه يرثيك
وضعك صعيب>ن< والدوا عجز في داك
عندي خبر أنه علشان غاليك
اللي بحسنه فايق>ن< حد الادراك
يابورموش>ن< مثل جيش المماليك
لاسلهمت بعيونها الدعج تبلاك
والمبسم اللي طعمته كنها الكيك
والا كما توت>ن< من الشام جبناك
والعنق عنق مهدد>ن< بالتماتيك
ريم>ن< عليه امن التواصيف حلياك
والنهد مزموم>ن< على الصدر حاليك
والخصر ريانه كما عود تمباك
والردف وافي والحيا بين>ن< فيك
ومشي القطا يشبه حركات ممشاك
واليا نطقت بكلمة>ن< وسطها هيك
كن الحشا يفرك بجنزير كوزاك
ألطف بقلب>ن< مولع>ن< بك ويرجيك
يقنب قنيب الذيب لاسمع طرياك
ترى الجفا يازين ماهوب مغنيك
أنكان قصدك تدمر القلب بجفاك
ومهما حصل منك فلانيب ناسيك
بصبر على فرقاك والله ياقاك
واليوم ياقلب>ن< عجزنا نداويك
ويش الذي حدك على الحب واغواك


وسلامتكم


أخوكم

زايد بن حسن بن زايد
أبن الزقروط

واليوم ياقلب>ن< عجزنا نداويك
ويش الذي حدك على الحب واغواك

صح لسانك والله

__________________

الله الله يابن الزقروط

وش الدرر الحلوه الي تطلع من فاك



أخوي زايد




تقبل تحياتي,,,

ناصر بن هذال آل شري

صح بدنك ولاهنت على المرور العطر

تحياتي

محمد بن جربوع

الدرر والله حروفك اللي نورت الصفحه ياذيبان


أقبل مني التحيه وحبة خشم