شفقن على حلو الفعل وماطيح لو غيري يطيح..

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يالله تقديني المبادي وتاتي علومـي صحيـح=وياتي الوفا لي فال والعليـا معـي متذاربـه
من عادتي ما اشتكي لو الزمن معي شحيـح=وما انكسر لو تاتـي الدنيـا علـي مكاربـه
اشوف عيني كاذبه تبغى الضحك معى المزيح=والقلب ينزف والجروح بداخلـه متضاربـه
لاشان حظك والبشر تبغى العطا معى المديح=فالك معى اهل الطيب ماهو ماخذن ماشاربـه
عزيز نفس وماعرف للذل قـاع ولا سطيـح=والي عوى في ظهر خصمه لاتبور الثاربـه
والي يدور للعنا وفـرحً ليـا شـاف القديـح=لا تحن لـه لاقامـت الدنيـا ووقتـه باربـه
افرح ليا شفت السعد واداوي القلب الجريـح=ومادور الزله على غيري واٌزيـن الخاربـه
القلب لو يكشف ستارً عن غطى قلبه يضيـح=حب سرى به تالي الليـل العسيـم وداربـه
شفقن على حلو الفعل وماطيح لو غيري يطيح=ومن حبني مره احبـه حـب ماقـد ساربـه [/poem]

صح لسانك وبيض الله وجهك على الدرر الثمينه

وعلى الثانيه عانك

تحياتي0000000اخوك

صح لسانك

قصيدهـ رائعه

تقبل مروري

__________________

قصيدة رائعة جدا من إنسان أروع
بيض الله تعالى وجهك ويعطيك العافية وبداية موفقة بإذن الله تعالى
تقبل ماحترامي

__________________

صح لسانك يا بو فرحان


وبيض الله وجهك

__________________
غنيت ما قصدي طرب في حياتي لاشك من دورات الايام غنيت
يالله ياللي تعلم الخافيـــــــــاتي انك تمشـيها على ما تمنيت

صح الله بدنك ... ووجهك يالغالي

لاخلى ولاعدم

صح الله بدنك ...لاهنت على المرور

لاخلى ولاعدم

صح لسانك ,, وعلا شانك ,,, وعلى الاخرى عانك

بيض الله وجهك قصيدة جزلة ورائعة

تقبل مروري

__________________

صح الله بدنك ...والأروع مرورك يالغالي

لاخلى ولاعدم