خالد الجروي000قصيدة تعبر عن ذاتها

[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يالله يا منشي صدوق المخاييل=يا مولج البحرين يا عالم الغيب
رجواي صخر لي دروب التساهيل=وأعوذ بك من طرقة الريع والعيب
جور علي وقتي ولا عاد بي حيل=كدر زماني صافيات المشاريب
لايا وجودي يا زمان الغرابيل=أحرمتني من جمعت العز والطيب
من كنة الجوزاء ليا طلعت سهيل=وعيني ترف ورمشها بان به شيب
همي ضوامي والمحاني غدت غيل=قامت تلوج بخاطري دون ترتيب
عج الرمك يشعف قلوب المشاكيل=ولا الردي يقرعه صفق المشاعيب
ولي لابة" فالوغا تعدل الميل=جروية" ترقا فعالي المراقيب
هل سربة" تطرب نفسون مغاليل=وغريمهم ما أمسا يفتل الأشانيب
ما يستره من بطشهم عتمة الليل=ليلين والثالث بيمسي عشا ذيب
ربعي ضياغم نجد ركابة الخيل=ستر الهنوف ألي توجد على الصيب
فجتني مع الطراش زين المراسيل=قصيدة" تكرم عن الشك والريب
قصيدة" تكشف جميع التفاصيل=مضمونها يشفي الجروح المعاطيب
عبدالله اصبر والليالي مقابيل=ورجوا الفرج يااخوك ما ظنها تخيب
لابد ما نشعل فتيل القناديل=وشمس الحكر يا سعود لابدها تغيب
بتبدل الغرفه وقيد المهابيل=بشوف جرفان الذواري المحاديب
في مربخ" طوق على جاله السيل=أسقا الضوامي والأراضي المجاديب
وأنبت ثمام" لاطرقه الهوا يميل=ترعاه ذود" سرد كنها مشاهيب
فج النحور ألي أذنيها مهاليل=برم الفخوذ وكن ثفنها مناصيب
جرد الرقاب وشاربينن مهاديل=طويلت النسنوس حرشا عراقيب
لا درهمت وصلت بعيد المداهيل=وأن درت فلبنات ما هي بمشاحيب
لا شافها راعي الطرب والمواويل=أيشيب قافه ما جزا الفطر الشيب
وعاداتنا ما نتبع القال والقيل=وألي حكا يا سعود جعله عشا أمنيب
ولولا الشقا محد" هنته المحاصيل=ولا طعمنا لذة أشها المكاتيب
من عادة الدنيا تخل المكاييل=محزم فشل لو صاب له يوم بيخيب
شال الجمل تسعين خرج" محاميل=وأجيالنا من صاع تشكي التعاذيب
فيالله سترك من لهب واهج الويل=وأنك تجنبنا دروب السكاريب
أنت العزيز ألي عليك التواكيل=وأنت الوحيد ألي سلمت العذاريب[/poem]

والله ونعم يا ابن شافي الجروي


وصح الله لسانك

واشكر لك اهتمامك وتفاعلك معنا وطرحك لقائدك الراقي


ولا هنت

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

بيض الله وجهك يا خالد

سجل إعجابي بهذا البيت والا ترى كل القصيدة أعجبتني

ولكن هذا البيت وقفت وقفة تأمل لروعته..

ونعم وفيك أنت وربعك


عج الرمك يشعف قلوب المشاكيـل ولا الردي يقرعه صفق المشاعيـب

صح الله السانك ياخالد
والله توني اشوف القصيده
وسجل اعجابي بها وبشاعرها

صح الله السانك ياخالد والنعم فيك وفي ربعك ربعنا
والله توني اشوف القصيده
وسجل اعجابي بها وبشاعرها

صح لســــــــــــــــــــــــــــــــــــانك يا خالد وبيض الله وجهك