الزعيـــــــــــــــــــــــم؟

[poem=font="Arial,4,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يم راعي الجود حثينا الركايب=تارك ٍ في ديرة اغلى الحبايب
من جنوب المملكه احمل سلامي=يا سلام الله عدد منشى السحايب
تطرب القيفان والمعنى تواقد=من بنات الفكر خاوتني سرايب
ونتخي بالهاجس اللي في ضميري=وزبنه زبن الذي خلفه طلايب
مامدحت الا عريبين الجدودي=كاسبين المدح ياطيب الكسايب
غمرهم عند اللقا ما قط خافي=مثل ليث ٍ لاعدى سقم الحرايب
الغضنفر والذيابه والسباعي=طيبها من طيب فكاك النشايب
الزعيم اللي وصل حد الثريّا =صيته وعرفه ولا فيها غرايب
العديم النادر الذرب الشجيعي= صاحب المدات مايحسب حسايب
تنضب ابحور المدايح يازبوني = والمحيطات انضبت والمدح شايب
كم من ارض ٍ ممحله والعود يابس=اصبحت من مدت ايمينك عشايب
مير فيك المدح عايدله شبابه=ياخوي الجد يا زود العجايب
شاعر ٍ من ورث جدي جد عودي=قاللي وشفيك يا منصور غايب
يحترق جوف العزيز اللي معنى=طاويه وقته مثل طي الكتايب
كل شمس ٍ بثت انوار الفضيله =ما تركها غمر ولاّ عود شايب
والبيوت الشامخات اللي رفيعه=ذلّها فقرالزمن بقوى اللهايب
لين صارت تحت رحمة كل شامت=والشرف قفل ٍ مفاتيحه لعايب
ياصناديد الرجال اللي عوارف=يبخصون المخطيه والحق صايب
فزعة المضهود لا علّه زمانه=والتكبّر والمجامل والشوايب
كم صديق ٍ ذاخره وقت الشدايد=خيّب الهقوات يوم الساس خايب
لعنبو ساس الرخامه والهداني=لو تملك مال هذا المال سايب
العزيز يذل في وقت الوسايط =والمراجل صادها مجهول هايب
ساكنين قصور من جور المصيبه=والقرانيس الفريده في خرايب
والهموم جبال والمنكب بسيطه=يوم تاج المرجله ماجا سلايب
الزمن غدار والدنيا تعيبه=والمصيبه انجبت سبع المصايب
اشهد ٍ المدح في غيرك خساره= والنصب والكرب من طرياك تايب
عزّني ياسيدي ولا عزانا =في مصافح يد حلاّل الصعايب
وختمها صلو على الهادي محمد=عد ماذعذع من الغربي هبايب[/poem]

ارررررررررررررحب يامنصور00

شاعر متمكن

حبك000سبك000معنى 00جزاله

تحيااااااااااااااااتي مدد بلا عدد

__________________

اررررررررررحب ياذيبان




قصيده جزله وشاعر متمكن


ابيض وجه

__________________

لسماع قصائد الشاعر : سعيد بن مانع
اضغط هنا

ارحب يامنصور

وافي والقصيده جزله وافيه

صح لسانك ودام تميزك

لاهنت

.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

ارحب يابو سعيد

وتشرفت بمرورك الكريم

لاهنت

ارحب يامنصور

وافي والقصيده جزله وافيه

صح لسانك ودام تميزك

__________________
http://www.shbab1.com/2minutes.htmأبوماجد

الاخ الغالي سعيد بن مانع

لاهنت على المرور الكريم

تقبل تحياتي وتقديري

صح لسانك وعلى شانك يابن حيان

قصيدة رائعة وجزلة وفيها الكثير من الحكم

سجلني من المعجبين بأسلوبك وحسن أختيارك للألفاظ المعبرة والقوية


أخوك
أبو فهد

الاخ الغالي سعد
تشرفت بمرورك الكريم

لاهنت

بيض الله وجهك على القصيدة
صح لسانك وعلا شانك

__________________
[


صفحتي على تويتر

haian_ali@

الايميل الجديد
ali_haian@hotmail.com

اسعد بتواجدكم