""""""""""""" مشكلتنا يا عرب """"""""""""

صلوا على محمد

[poem=font="Arabic Transparent,6,blue,normal,italic" bkcolor="skyblue" bkimage="backgrounds/16.gif" border="none,medium,black" type=1 line=1 align=center use=ex num="0,black"]
سم باسم الله وركز يا غلام= وانتبه للبيت الاول والاخير

مشكلتنا يا عرب كثر الكلام =نحسب الثرثار فهمان وخبير

ومشكلتنا ما قرينا يا كرام= ( اقبح الاصوات اصوات الحمير)

ومشكلتنا يا عرب كره النظام=من كبير القوم لين اصغر صغير

ومشكلتنا ما نحب الالتزام=والصراحه عندنا شي(ن) خطير

نتقي للذل بكفوف السلام = وندعي بالعز والواقع مرير

مشكلتنا في ميادين الخصام= ليه ذا تاجر وذا شخص(ن) فقير

نعطي التافه كثير الاهتمام=ونتباهى بالنسب والله خبير

ومشكلتنا في مخاواة الظلام =نحسب انا لاخر االقمة نسير

ومشكلتنا لا وقعنا فالزحام= نتذكر خزنة المجد الوفير

ومشكلتنا كلنا حب وهيام=ودمنا ينزف على يد المغير

كل جرح وله بوصفته التئام= غير جرح الدين ياهل الدين غير

ما قوينا في مواقيف الصدام= نمدح الفراش لعيون المدير

التعدد نكرهه لاجل المدام=نزعل القله على شان الكثير

ومشكلتنا دب فينا الانهزام=من ورى بغداد لين ارض البشير

البعير يقول مليت الخطام=والخطام يقول مليت البعير

كلنا نطمح بتعليق الوسام= والوسام لصدر من يسعى جدير

والغلا اللي صابنا في كل عام= لاننا نرخص ولا جانا نذير

يوم خلينا هدي خير الانام=صار فينا شي عره ما يصير

ما بقول انه تعدانا الملام= ولا بقول الوضع كله خير خير

الصلاه تضيع في يوم الصيام= والضمير الحي ما باقي ضمير

يا هل الالباب يا اصحاب المقام=يا هل التفكير يا وين الشوير

يا سلام الله علينا يا سلام=كيف راح القدس بيدين الحقير

وزن امتنا يساوي كم جرام= بين دولة بوش او توني بلير

بالحرام انهم نووا بالانتقام=والبكا صوت(ن) لنا عقب الزئير

يرحم الله حال من حاله عدام= يرحم الله وضع من وضعه خطير

يا صباح العز عانينا ظلام= ودنا تشرق مع السيف الشطير

يوم خلينا من الدين السنام=وصار مطمعنا قريشات الاجير

الحقيقة ودي ابين كلام=واختصر حاجات في قلبي كثير

العيون تنام والله ما ينام=لا تفوتك دعوة الثلث الاخير

باصل محمد رسول الله سلام= لو هو بيثرب وانا ساكن عسير

والا انا ما جيت اقول اني تمام=جل من يكرم بلا ند ونصير

سم باسم الله وفكر يا غلام= وانتبه ما بين الاول والا خير[/poem]

__________________

الله الله يا ابن شفلوت

صح لسانك وعلا شانك وعلى الاخرى عانك


قصيدة كفو من رجال كفو

وهي والله تعبر عن حال الامه وحال اكثرنا


لا هنت ولا تحرمنا من جديدك


أخوكـ البشري

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

سعيـــــــــــــــــــــــــد الجهيمي





صح بدنك &&&&&&&&& والله لا يهينك







تسلم وتدوم يا البشري

__________________

بيض الله وجهك على القصيده الجميله

لاهنت يا احمد


وصح لسانك


حضور مميز ومشرف


.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

دهام الجروي


وجهك ابيض



لا هنت لا هنت

__________________

سعد القحطاني

ما تهون




مشكوور على الاطراء الاكثر من رائع






شرفتني والله يشرف قدرك

__________________

نعطـي التافـه كثيـر الاهتمـام ***** ونتباهـى بالنسـب والله خبيـر


الله الله عليك يااحمد صحيت وصح الله لسانك

لاهنت

__________________
FF0000

ارحب يا بو سريع




صح بدنك






والله لا يهينك





يشرفني مرورك







واعجابك

__________________

بن شفلوت قصيدة فاخرة

بصح لسانك عليها

حتى ترضى


دمت بخير


اخوك

حمد سعود