الشاعرين المبدعين مضواح بن شتوي اللي هو (خولان بن عامر) وسعد القحطاني في طاروق ومماسكة بالشوش[poem=font="Simplified Arabic,6,black,bold,normal" bkcolor="transparent" bkimage="backgrounds/6.gif" border="double,thick,gray" type=4 line=0 align=center use=ex num="0,black"]

مضواح بن شتوي
ياسلام ومرحبااا قبل ندخل في النقاش = من هجوس اللي ليا صاغها ماهمها
يا سعد تعال نلعب كذا ولا بلاش = والعقارب والثعابين يفسد سمهااا
سعد القحطاني
عشت ياللي سلْم ورحب ومن دَلْ عـاش = المهـم إن كلمـة الكفـو فـي متمهـا
البحر هايج ياخولان .. موج البحر طاش = كل دعـوى تستحـق المناقـش سمْهـا
مضواح بن شتوي
وانت عشت وعاش من للعلاء والمجد ناش = المهم ان خالها مايخالف عمها
غنها لي كاش واخذ الخبر والعلم كاش = كيف اسميها وابوها صفع خد امهااا
سعد القحطاني

الحقيقه يابن شتوي مثل نور الفـلاش = والعـرب تهتـم وانتـه تزايـد غمهـا
كل ما قلت لك كلمه شوي وقلت .. ماش = مير لو جا السيل .. كل الفيافـي دمْهـا
مضواح بن شتوي

انت تزمر بعد كثرت فلوسك والمعااش = وان حصل فرصة تفرّق عرب وتلمهااا
ياسعد رؤس الظبا مابقا فيها عراااش = الحديااا شالت فروخها في فمهااا
سعد القحطاني
لو تشوف الهوش ما انته من اطراف الهواش = لاتـقـرب للمـنـايـا يـلـفـك كـمـهـا
حظنا طيـب وحـظ المعنْـى ويـش حـاش = ومـن ينثْـر فـي حبوبـه ماعـاد يلمـهـا
مضواح بن شتوي
لد عينك زين لاهل الصبيخه واهل جاش = من ربى في ديرةٍ ياسعد ماذمهااا
من بغى له ربح لايشتري سهم الخشاش = البلا مابين لحم العظام ودمهااا
سعد القحطاني
مانلومك كان يارجل صايبك ارتعاش=النميمه ذنبها حايـط بمـن نمهـا
والله إنا مانوردها وتصَدْر عطـاش = علم اللي زلها عقب هـم وخمهـا
مضواح بن شتوي
كم لي اعلمك وتصد . عنها . ما..بقااش = مابقى الاّ وردة من شراهااا شمهااا
انت راسك كل ما صكه المشعاب شاش = الهضاب تهدها والجبال تزمهااا
سعد القحطاني
فيه جرحٍ طال وقته مغطى وسط شاش = وانت آعلمـك بعلـومٍ تعـاف تظمهـا
الوعر دربه صعيبٍ على العظم الهشاش = ابطت الفلـه عظـم ماقـدرت تطمهـا [/poem]