كيف تصبح اذكى شخص في العالم

هع ودك تصير ذكي ؟ طيب كخطوه تمهيديه طالع وجهك في المرايه هل وجهك يساعد تكون ذكي ؟؟؟
:W

طيب نجي في الجد اذا كنت واحد من الشباب ....
المواصفات المطلوبه لكي تصبح واحد من الشباب >>>> عندك جوال .. وعندك موتر .. وعندك مانع اقصد ما عندك مانع :vi ...عندك سوالف زيي :RSM ..وجهك يساعد مو زي وجه ........ ؟خلوها منقوطه اقصد خلوها مستوره ..تسمع اغاني خالد عبد الرحمن اي هين .. تعرف تقول يس ونو بالنقليش اخص بس .
اذا كانت فيك اغلب هذه المواصفات تصير واحد من الشباب الي ممكن يصير اذكى رجل في العالم؟
طيب كيف ؟ انا اقولكم كيف .....
اولا : لا تكلم وتجيب على نفسك فواتير
ثانيا: لا تطق لك موتر منت قد صيانته وتحمل نفسك ديون
ثالثا : لا تاكل في مطاعم كل في البيت .
رابعا: لا تسوي فيها كريم سبله وتبخشش في كل مكان وانت ما معك الا ريالين
مثلا لا تخش البقاله وتشتري حليب السعوديه وتسوي نفسك تعد في الدراهم وكلها ريالين وتعطي الهندي الريالين وهو مسوي امين ويقولك لا صديق هزا واحد ريال بس ...عاد انت تسوي فيها وتقول مشاء الله رخصوه ولا عليه عرض ؟؟وتقول خل الريال لك وتطلع ما معك ولا هلله .:Ha
الا ليه تشتري حليب السعوديه اصلا؟
المهم
خامسا : لا تشتغل على الانترنت الا اذا كان عندك اشتراك مجاني زي اشتراك ارامكو.
المهم في الاخير ببين انك قضبت فلوسك واذا بقى لك فلوس فانت ذكي
ياخي شوف الهنود وتعلم التوفيرههههههههههه
بس لا ترسل فلوسك لاهلك حواله ههههههههههه.

ترى ضريبة الذكاء كبيره ؟
كيف تحافظ على حقك ترى قمة الذكاء .
وانك ما تكون قريت هالي انا كاتبه ترى ذكاء ..واذا قريته ترى انت خارج المنافسه الذكائيه......الا صح وجهك يساعد تكون ذكي ولالا
:Ha :Ha

تحياتي وحبي للجميع

__________________

السهاوي


هلا وغلا

ياخوي سحبت فينا ودخلنا وطلعنا وماصرنا اغنياء


بس مقبوله منك ولا هنت والله يعطيك العافيه


تصدق لو يجيني 100 مليون لأعطيك منها عشرة



مشكور اخوي السهاوي نورت استراحتنا بالهلطله الحلوة والابداع والتميز


الله يعطيك العافيه

__________________



اللهم أرحم والدتي ..وأجعل قبرها روضه من رياض الجنه..واسكنها جناتك

الله يعافيك
وشكراا للمرور يا منصور
ولا تنسا العشره لو وصلت لل 100 مليون
ونشاله توصلها

__________________

ههههههههههههههههه

وأنا مصدّق أطابق المواصفات عليّ

لاهنت يالغالي

__________________
No thing

عز الله تعقدت من بداية الكلام وقررت عدم قراءة الموضوع

__________________

مشكورين على المرور يا ال معمر ويا سعيد

__________________

لاهنت على تسحيبة العقل

__________________
حرك الماوس على الصوره

ما شاء الله عليك يالسهاوي


أنسان عبقري


صح الواحد أذ مامعه ألا ريالين ما يحتاج يعدها

لأنها ريالين

ومثلاً أذا بيشتري حليب السعوديه

يا خذ الحليب ويعطي الهندي ريالين وأذا خذا الهندي الريالين يرجع الحليب

وياخذ السعوديه وريال

ويصير كذا كسب السعوديه وخلا فلوسه في جيبه


نبهتنا على أشياء ماكانت معروفه

__________________



لأستشاراتك القانونية أضغط هنا
لوجه الله تعالى