مكان معروف بالرياض ... ما اسمة ...؟؟

يا شيخ والله اني مار عليها


بس نسيت


ماجد عطنا فرصة لكبرة وبدق على ابو جابر يمرني بالددسن ونلف لك الرياض

شارع شارع وحته حته


مشكور ابو عصام

__________________



اللهم أرحم والدتي ..وأجعل قبرها روضه من رياض الجنه..واسكنها جناتك

البطحاء


والسيارة اللي رافعه مساحاتها

على قد باب الراكب بوفيه عندها

جباتي فنان.......أف ياشيخ مع البيض

وبالماريه هذا مكان تجمع شرق اسيا

خلف عماير الراجحي والالكترونيات

وشفت الباص الكبير من جنبه غرفة كهرب صفراء

في زاويتها الشمالية جحر نمل واضح

(( ما شاء الله علي أعرف كل شي ))

أكيد منصور منقهر مني

لآنه كلم أبوجابر مارد عليه

ولا لقى أحد يوديه

وانا رديت بسرعه

أحم
أحم

__________________
خيلا الشدقاء ابن عياف

كم هي جميلة شبكتنا .. وكم هي كبيره بكم
فشبكة قحطان بكم ولكم
فلننهض بها
بصدق وأمانه
وبلا تذمر


قحطان في شبكة قحطان

((يداً بيد ))

(( قلباً بقلب ))

(( لترتقي شبكتنا وتتطور ))

انا ما عندي مشاركه انا ما ادخل المنتدى الا علشان انشب لمنصور العبدالله هو و كتاباته


شف وش كتب بغى يكتب بكره كتب كبره

والله ان الدنيا دواره

بعدين انا الوم اخوي ابن خرصان يقول انك مريض والله انك طلعت مريض صدق


تحيااتي للجميع

وشهد شاهد من اهلها....خخخخخخ

__________________

ما اعرف الاماكن اللي بالرياض ..

اول ما ادخل الرياض اسوي نفسي اعرف ..
وبعد شهر ارجع له ..

وادخل كني مفهي ..

بس اتوقع انها البطحاء ..
عاصمة الرياض ..

وفي يوم الخميس خاصة تجد .. جيوش زاحفة من الهنود والبنغال .. كانهم افواج من الحجيج ..

وتجد فيها .. الكدادين اللي قدلهم اسبوع سهرانين ..

مشكور يا ماجد ..

__________________
سُبـ ح ـان الله وبحمده .. سُبـ ح ـان الله العظيم

~ًًًَََُ

صوره عماير الراجحي البطحا من الخلف

لو فيه فواتير كهرب كان عرفها بعض الناس

مشكور اخوي ماجد

__________________


( لمراسـلتنـا اضغط هنا )

أظنها العمائر الأربعة الخاصة بوزارة المياة من الخلف اللي على طريق الملك فهد

__________________

جابوها الشباب

يلعن أم القهر

أنا والله أني أعرفها

شف ذلحين ونت تصور

لو تطمر من فوق العماره

تشوف كبري البطحا

ولو تدقق شوي في الشارع

تشوف على يدك اليسار

باصات خط البلده

ولو تدقق شوي

تحصل السواق داق بنت البكار

وعلى يمينه المعاون

يصيح معا الكتره

ولو تدقق شوي تشوف لسان المزمار حقه أطول من المعتاد بواحد صانتي من كثر مايصيح على المسلمين

أها

ألحين ونت واقف تصور

تلفت وراك تحصل عماير

لو تقدر تطمر من فوق العماير ذي

تحصل شارع الملك فيصل


ويااااااااااااااااااااااااااااعيني ياشارع الملك فيصل .......؟؟؟؟






هذا سلمك الله لاشفته

قل الله يرحمك يالملك فيصل

أشهد أنك فيصل

بعد ماتترحم على الملك فيصل

ونت باقي واقف على العماير

تلفت على يدك اليسار

تحصل عماير كبيييره لونه أزرق

لو تدقق في العماير

تلقاه مكتوب عليها مركز أبن سليمان

في اللحضه ذي

لو تقدر تطلع على سلم

بتلقى ورا المركز

شارع أسمه شارع تركي بن عبدالله

خلك منتبه معا الشارع ووجه نضرك عليه

وتجه بأتجاه الغرب

بتحصل منتزه وبركة ما كبيره

المنتزه ذا أسمه منتزه سلام

ولو تدقق شوي

تحصل أمامه محلات نحل كثر التراب

على كل حال ماعلينا

قبل لاتوصل للبركه

تلفت يسار شوي شف يا ماجد شوي

لأنك لو تتلفت أكثر بتحصل يماني جالس على كرسي

وبتدقق في ذا اليماني وتلقاه يدق عود ودموعه أربع أربع

وماهي غريبه تحصله يغني لأبو نوره

وبتحصل قدامه مطعم شوربه وكبده

أذا لاحضت الشي ذا

فأنت في سوق الالات الموسيقيه في الديره

أنا أبغاك تناضر بين السوق ذا

وبين المنتزه

تحصل مبنى كبير لونه بيج لو تقرا المكتوب على المبنى

تحصلها المحكمه الكبرى بالرياض

أنضر مقابل المحكمه على طول من ورا السوق

تحصل الاماره

ماعليك من الاماره

تلفت غرب الماره بتلقى زحمة سيارات واقفه في كل مكان

وبتحصل مبنى كبير مكتوب عليه الاتصالات السعوديه

لو حالفك الحض

بأن كنت تنضر بكره الساعه 11 بتحصل ددسني واقفه

لأن عندي مراجعه في الاماره

والله يعينني من ألحين على الزحمه في طريق الملك فهد





ماجد خلاص ونا خوك خلصنا

أنتبه لايحول بك السلم






متأكد 100 % أن ماحد بيقرى ألي كتبته

وأذا حد قراه يوضح لي

أستمر على هالاسلوب أو أرتاااااااااااح

شوكرن

__________________



لأستشاراتك القانونية أضغط هنا
لوجه الله تعالى

أخوي ماجد الخليفي

أنا من شفت الزحمه وقبل لاأشوف العماير دريت أنها البطحاء

وهو في زحمه في غير البطحاء

أخي العزيز أبوجابر ــــــ)) أسلوبك رائع وأستمر عليه وعطنا رقم لوحة الددسن عشان نقابلك بكره لأن أنا عندي مراجعة حولك في المحكمة وشوكرن

__________________
اللـهـم
اصلـح لي ديـني الذي هـو عصمـة أمـري
واصلح لي دنيـاي الـتي فيـهـا معــاشــي
واصلح لي آخرتي الـتي فيـها مـعـــادي
واجـعل الحيـاة زيـادة لي في كـل خــيــر
واجـعل المــوت راحــة لي مـن كـل شـــر


ازا مر زمان ولم تروني ,,, فهذه رعصاتي على الكيبورد فتذكروني