[poem=font="Simplified Arabic,6,white,bold,normal" bkcolor="transparent" bkimage="backgrounds/10.gif" border="double,medium,black" type=2 line=0 align=center use=ex num="0,black"]
هاضت شجوني وعقلي والفكر هاضي = والقلب كثر العواذل بيحت سده
يا عاذل القلب وفر هرجك الفاضي= قلبي ترى حالته هاذي لها مده
والله ما ارده عن دروب(ن) بها ماضي = درب(ن) مشى فيه قبله عمه وجده
للطيب حزه وله مزه وله حاضي = وقلبي على سكته ماشي ولا ارده
في سكة العز والنوماس ما أعتاضي = والوقت غدار له جزره وله مده
كله غرابيل كله هم وامراضي = وقت الشدايد يجي وسمه على خده
من يطلب العز يصبر والله القاضي = والصبر حكمه وكلش زين في حده
والحظ مر(ن) يجي كاسب ونهّاضي = واكثر سنينه وحالاته على قده
لا قام مرّه وقلت اني عنَه راضي = طاح وتردّى وكل اللي بنى هده
برق السعاده على وجه الفلك ناضي = كل(ن) يخيله وكل(ن) يطلبه وده
دار(ن) لقت به مخاضير(ن) ومقياضي= وديار لا شافت مزوحه ولا جده
وانا على الجال حذفت يبّس حياضي =وياالله دخيلك عسى ما هاذي بشده
وعمري قضى بين مشي وبين مركاضي =لا الوقت كمل ولا حلمي وصل حده[/poem]

وسلامتكم

__________________
[poem font="Simplified Arabic,4,white,bold,normal" bkcolor="chocolate" bkimage="" border="double,thick,chocolate" type=2 line=0 align=center use=ex num="0,black"]
روسٍ خلقها الله الـ/شيل النواميس = وروسٍ خلقها الله الـ/شيل الطواقي
هذي ابعرش المجد مثل القرانيس = وهذي عليها الذل حط العراقي [/poem]