**( شيخـــة ٍ من قدهـــــــا )** قصيدة

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
أنبلج نور الصباح وغادر العش الطيور=وانكسف وجه الليال يوم نوره حدها
هلل الشايب لربه والنسا شبت بخور=ورصت دلال القهاوي شيخةٍ من قدها
رحبت باللي عطاها خافقٍ كله شعور=وقلطت شيخٍ عزيزٍ من كرمها عدها
قالت أرحب يا غناتي صبحنا زاده سرور=ومن حياها قد علاها حمرةٍ في خدها
من جمال المودميه كنها كل الحضور= هي عيونٍ هي شفاةٍ ولا رزة قدها
خصرها يشكي المجاعه و راوياتٍ ذا الصدور=والخضاب اللي كساها واضحٍ في يدها
أجعد الجادل تمايل من ورى ذيك الظهور= ما أبالغ إن وصفته كنه قامت قدها
في حضوره قد تشبع مجلسه بريح العطور=و لا فستانٍ كساها بالمفاتن مدها
بفكرها دايم عجيبه و واعيه للي يدور= ما تعلم هي تعلم واثقـه في ردها
تحرج اللي قد تمدح عارف ببعض الامور = ولو بغت تحرج قبايل صادقه لو ودها
تعرف سلوم القبايل وما حصل منها قصور= وتنثني دون الحقوق الواجبه وتعدها
كامله والكامل الله وعيبها قلبٍ غيور= ودهـا إني معاها وحبي اللي هدها
يا حياة الخافق اللي أتعبه إنه صبور = يعلم الله لو بأيده ذا الجمـايل ردها
منهو فينا في حياته قد عرف خافي الدهور = أو عرف شين المصاير أو بأيده صدها
يا حبيب اللي بكاك سنين عمره والعصور = خالف أفكارك حبيبي وخلك أنته ضدها[/poem]

__________________

بسم الله

اهلا بك يا صديقي سعود

وسعدت جدا بحضورك العبق

شكرا لك

وماااااا ننحرم

__________________

الأخ : ظافر


بيض الله وجهك

وصح لسانك

قصيدة رائعة

تقبل تحياتي ودمت بخير

الاخ ظافر تحياتي لك وتسلم وصح لسانك يالغالي

__________________

أجمل شي في ألانسان قلب صافي يدعو لك