خنــــافر تعلى بها الروس وتشــــيش

[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]

يا غبيش بن خليل يا غبيش يا غبيش=يا اللي لطيبك في سماء الطيب عنوان
جتني رساله منك يا جعلك تعيش =وأنا اصارع علة شانها شان
ترعش علي بين السراجيف وتغيش=واكنها ... لا يدري فلان وفلان
على سرير همش الحال تهميش=وحولي الدكاتر ودهم لي بما زان
وجاني ولد هادي وهو يشيط ويطيش=جاه الخبر في الحال من بعض الاخوان
ومعه رجال كلبوهم مداغيش=كل ابلج .. في المرجله دايم معان
يا غبيش .. خذها من هجوس معاطيش=واسلم وبلغها (لحامد) و(دبسان)
وبلغ بها سليل ذيب المداغيش=لاهنت .. بلغها (خليل بن هدلان)
وبلغ بها حماية الخيل والجيش=ربعك سهام المرجله زبن من حان
(خنافر) تعلى بها الروس وتشيش=أفعالهم .. تذكر بروغات الاذهان
علي نذر(ن) ما افترش لي مفاريش=وانا اذكر ان به ماقف .. باسم (قحطان )
لزومهم بالذات لو ايش من ايش=ما غبت عنه الا .. ولي عذرٍ يبان
حقوقهم تدرك قبل لقمة العيش=وولزومهم يسهل ولوهو وراء عمان
ذولا عيال ابوي وحمولهم ريش=يا طيب حظي يم اصير .. إلهم لسان
اللي ليا مدوا جموع مغابيش=من وقعهم يخضع لهم .. الانس والجان
افعالهم ما وثقت بالبخاشيش=اموثقه بحصان وعنان وسنان
اليا نخيت اطرفهم بحزة الطيش=نصيحتك مني ولو كان ما كان
اللي تبي تنخاه تنخاه بشويش=لو عَلي صوتك .. يمكن يصيبه جنان
عاشوا من الشط الخليجي الى بيش=وعاشوا من الحد اليماني لعمان
هذا ما حبيت اطلعك فيه يا غبيش=واسلم ودم .. وتعيش يا ( وجه قحطان ) [/poem]

__________________

صح لسانك وعلا شانك وأبيض وجه وجعلك ماتشوف شر ياكحيلان

أشهد بالله أنك وفي ووفيت وكفيت وقحطان يستاهلون العلم الغانم

وأن شاء الله أن غبيش يقدر الوضع ويعذرك ياسنايدي

أقف أجلالا وأكبارا لهذه القصيده والتي حبكها وسبكها أنت ياعوض بن شفلوت المناديه

فلك مني كل الاحترام والتقدير

تقبل تحياتي وتقديري

__________________

الأخ عوض بن شفلوت


ونعم بك وبالخنافر


وعذرك سمين جعلك ماترى باس


وصح لسانك مدد بدون عدد


ابدعت يالمبدع وانت معروف بالجزاله والإبداع


لاعدمناك


.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

اررررررررررررررررحب ياعوض المناديه
تراحيب المطر والسيل
قصيده شامخه ياذيباااان
ولاعليكم زود يا محازمنا
صح لساااااااانك عد ما هبت هبوب وعد ما امطر مطر

ولكم مني جزل التحيه

يستاهلون خيالة البلها

[poem=font="Traditional Arabic,6,blue,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
(خنافر) تعلى بها الروس وتشيش=أفعالهم .. تذكر بروغات الاذهان
علي نذر ٍما افترش لي مفاريش=وانا اذكر ان به ماقف .. باسم (قحطان )
لزومهم بالذات لو ايش من ايش=ما غبت عنه الا .. ولي عذرٍ يبان
حقوقهم تدرك قبل لقمة العيش=ولزومهم يسهل ولوهو وراء عمان[/poem]




قــاعـــــــــــــــــــــــــدة :




أنت عندما تقرأهذه الأبيات يعتريك شعورٌماقد لا تستطيع إدراكه !!


فأنت تقف و ..تطلق لكل شئٍ العنان الفكرُ والقلبُ ويحين الرحيل !!


لم لا .. والمدح لمن هم أهل المدح قد حضر شامخاً في أبهى حلله !!


لم لا .. والفخر يتجلى في صورة فارس ٍ يجول و يصول و يتحدى !!


لم لا .. والشعر ينساب و الشعور يسبقهُ كإنسياب جداول الحمراء !!


لم لا .. وأنت ترى و تسمع و تتخيّل .. أنت هنا أمام شلال المعرفة !!


قد .. لا .. تدرك !!


حقيقة .. الأمر !!


و أناأجزم بهذا!!


ولكن .. من المؤكد :


أنك .. سوف .. تدرك


شيئاً .. واحداً فقط !!


و .. هذا .. مؤكد .. !!


فقد .. أثبتت .. لنا ..


الأيام .. و..الأمسيات


أنه .. فقط .. عندما


تحضرُ .. الروعة !!


وتسيطر الدهشة !!


و تفتح .. أبوابَ !!


فضاءات..الإبداع !!


ويتوشـّح الشعر ..


رداءه المخمليّ !!


فهذا كله.. يعني !!


أن هناك قاضياً حضرَ فالعدلُ تواجدَ وعمّ وإنتشرْ !!


عـدَ ل فأعطى كل ذي حقٍ حقّه .. الشعرُ يغفو و يفيق مزهواً !!


والروعة ترحلُ ولا تعودُ إلا عندَ عودتهِ مختالة ً كأزهار الربيع !!


الدهشة !! و البهاء والحضور و العبير و شعورٌ بالعظمةِ أشياءٌٌ :



جميعـُها تـُسيطرُ على .. الأجواء !!




فقط عندما يحضرُ قاضي الشعر !!





عوض بن شفلوت المنادية




[ إذا حضَر الشعرُ بطـُلَ غيرُه ]



هذا .. ما تؤكده لنا دوماً أيها : الأخ الفاضل و الشاعرُ المبدعُ


والحمدُ لله على سلامتك وعيشاً رغيداً وذكراً مجيداً وعوداً حميداً


لك منا كل الحب والتقدير والإحترام ودمت فخراً لنا موفقاً ومسدّداً،،

ارررررررررررحب يابوعبدالرحمن


وصح الله لساااااااااانك


وفيت وكفيت

وعذرك سمين

وغبيش والخنافر يستاهلون الطيب ويفعلونه

ويقدرون


فلا هي بغريبةٍ عليهم

تحياتي يابوعبدالرحمن

وجعلك ما ترى باس



تحياتي

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

صح لسانك


ياعوض وبيض الله وجهك على القصيدة

__________________

أبو عبدالرحمن


صح لسانك مليون القرم


وما ترى باس وطهور أن شاء الله


وقصيدتك وأعتذارك تدل على طيب معدنك وطيب أصلك


قصيدة محبوكة بماء الذهب يعجز اللسان على كيفية شكرك عليها
فلك مني أجمل التحايا وأرقها لشخصك الكريم




أخوووووووك ومحبك

عبدالله بن غفـــــــره

أخوي عوض بن شفلوت

ما تشووف شر والحمد لله على سلامتك

صح لسانك وبيض الله وجهك

جزله ورايع بروعة حضورك

قصيده وافيه من وافي ومنصاها وافي

ابو خليل كفو وربعه كفو وانت كفو

لايستغرب الابداع من اهله

لك فائق احترامي وتقديري