قصيده سبيع لشاعر محمد بن دشن الفهري

[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
أخواني الأعزاء يطيب لي أن أقدم لكم هذه القصيدة للأخ الشاعر / محمد بن دشن =
الفهري والتي نالت إعجاب الذين سمعوها وهذه القصيدة لها سالفة عندما أقدم =
واحد من سبيع وقتل واحد من قبيلتهم سبيع وحصل توجهات من كثير من القبائل =
وبحمد الله وتوفيقه توجهوا وجهاء من قبيلة قحطان في الموضوع ووصلوا إلى إبن=
سحمي والد المقتول ودخلوا عليه بجيهانهم وتم تحصيل مبلغ وقدرة ستة ملايين =
وخمسمائة ألف ريال وعندما وصلوا إلى إبن سحمي قام وقال لقحطان ياقحطان =
جاكم طلبكم وأنا اعتقته لوجه الله ولا أبي من الأموال لاكثير ولا قليل وهذه =
لوجيهكم . وقاموا سبيع ربع القاتل وعملوا حفلة لقحطان وقد استدعي الشاعر /=
محمد بن دشن الفهري من قبل أعيان قحطان وطلبوا منه قصيدة في هذا الموضوع=
يلقيها في حفل سبيع وإليكم هذه القصيدة =[/poem]


[poem=font="Simplified Arabic,5,black,bold,normal" bkcolor="transparent" bkimage="backgrounds/23.gif" border="groove,medium,tomato" type=4 line=0 align=center use=ex num="0,black"]
فالبداية نطلب اللي علي خلقة رقيب = لادعاه العبد في ظلمة الليل اسمعه
والنمل فوق الصفا الصم يسمع له دبيب = جل شأنه خاب ملا يكون الله معه
ودي أبدع في رجال الظفر قاف عجيب = والقصيد يجود من ضيق ولا من سعه
تعجز الآلسن عن أفعال مروية الغليب = حصر فعل أسبيع يعجز أحروف المطبعه
يارجال تكرم الضيف وتضد الحريب = وجارهم تحمي جنابه وقدره ترفعه
من توطت خليهم فالوغي ماله مجيب = والله يمسي وشهب الذيابه تمزعه
من طعون إرماح غلبا تعشى كل ذيب = وكم عقيد في نحاهم يلاقي مصرعه
للعدو سمٍ ولصاحبهم مثل الحليب = والدخيل إليا دخل في حماهم تمنعه
طعنهم في نحور الآعداء يحير بها الطيب = وحدهم فالخوف مأمون محدٍ يطمعه
والسبيعي بسم ملقا رعا القفر المهيب = عزوة له يوم نار الحروب مولعه
والمهادي جيرته مع مفرج ما تغيب = باقيه مهما تدور الفصول الآربعه
والسبيعيه وعياش صار إلها خطيب = وقال لا جبتي ولد فقطعي رأس أصبعه
والآسم سميه مفلح وضني ما يخيب = والخوال معربه والسلوم مشرعه
وجدنا مفلح ومفلح نجيبٍ من نجيب = الخوال أسبيع والطيب كلْ يتبعه
أشهد انه عرب الجد وأختار النسيب = والعرب بانسابها يارجال مودعه
ياسلام الله على راعي الرأس الصليب = طيب إبن سحمي على كل فعلٍ يدفعه
أشهد إن المرجله دربها درب صعيب = والمراجل مثل ضلعٍ صعيب مطلعه
والله مانستغرب الطيب لا جا منك طيب = منك ما يستغرب الطيب وانته منبعه
والرجال أشكال والمرجله حض ونصيب = أحد تردعه الشيم وأحد ماهي تردعه
جعل يفداك الردي جعل ما لللاش صيب = والردي السرمدي كل بابٍ ياسعه
لحيتنً ماهي تقدر بعيد ولا قريب = والردي لابه مسره ولابه منفعه
أبعد إديارك عنه لا تضلي له طنيب = وأبعد ديارك عن ديار مثله وأقلعه
فرق ما بين الفواله وما بين السريب = مثل فارق منهل الجم من مستنقعه
والخواطر جت لها درهمه وإلها هذيب = ضمر أبطونٍ وعوصٍ ماهي بمطوعه
جتك في درهام جيشٍ وعدي أم السبيب = كل شر تنطحه كل خير تجمعه
أو كما صيدٍ رعت من شعيب إليا شعيب = حذر ومذير وصوت المشوك روعه
والفعول الطيبه تجبر الشاعر يجيب = لين يصخر قاف مثل الذهب من مصنعه
فيك يامن تطلق الوجه قافي ما يشيب = يابن سحمي جعل ربي مقامك يرفعه
قدر وجيه الرجاجيل والموقف عصيب = يوم صار الشق ماكل واحد يرقعه
يوم جا نطل العمايم من عيال وشيب = وكل رأس شاش ما عاد فالموقف سعه
ذب فالمشراف ياذيب وأشهر بالقنيب = وأرفع البيضاء على كل رجم تطلعه
أبشر إبها يوم مابه وليد ولا صحيب = ولا يفيد المال راعيه مهما يجمعه
بالنيابه عن هل الخيل والسلم التعيب = إقحطان إليا غدا للبيارق زعزعه
وبسم إبن جرمان شيخ المواقف ما يغيب =قسمه الناموس يوم القسوم موزعه
جيرةٍ يمضي بها كنها جيرة حقيب =شيخ إبن شيخ ولا فيه عرقٍ يهزعه
وبسم حناش العبيدي قصيدي يستجيب = وقلت قافٍ جعل من سمع قافي يقنعه
وجهه أبلج يوم وجه الردي دايم غضيب = بحر جود جعل رب السما ما يقطعه
إبن عمٍ فزعته تشفي القلب العطيب = والمراجل حاشها والكرم ما ضيعه
إقحطاني وأمدح أهل الفخر ما هو بعيب = ومدح في رجال ما يستحقه مضيعه
ثم صلى الله وسلم على طه الحبيب = سنته دستور والشرع هيه مرجعه[/poem]

__________________

ابومسفر

من طول الغيبات جاب الغنايم


بيض الله وجهك على هذا النقل


وبيض الله وجه ابوسعد على هذه الملحمة

وبيض الله وجه ابن سحمي والله يكتبها في موازين اعماله

ابو سعد شاعر كبير غني عن كلامي وشهادتي فيه مجروحة

ابدع واجاد التصوير ومدح من يستحق المدح


تحياتي يابومسفر


وتحياتي لبوسعد



اخوكم

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

القويفل تحية خاصة وبعد


فأشكرك على النقل الممتاز والرائع والقصيدة فعلا رائعة فصح لسان الشاعر

__________________

عبدالله المهداني

لاهنت على المرور


لا خلا ولا عدم

لاهنت يالقويفل وصح لسان الشاعر

اررحب يالقويفل ارحب


بيض الله وجهك على هذا النقل


ومحمد بن دشن شاعر بارز ومعروف ومبدع

وبيض الله وجه ابن سحمي والله


يكتبها في موازين اعماله وسبيع كلهم




تحياتي يابومسفر

__________________

ونحن يطيب لنا أن نقول :



بيّض الله وجهك وجمّل الله حالك



سلمت ولا هنت



قصه لها دلالات كثيره يصعب حصرها ، وشاعر من الطراز الرفيع ، أبدع وأجاد وأجزل في كل شئ



هنيئاً لنا أن يكون محمد بن دشن الفهري أحد رموزنا الشعريه فهو بحق فخر لنا




أخي الكريم:


لك خالص الشكر والتقدير على هذه المشاركه العذبه والمفيده فهي قصّه رائعه وخبرمشرّف وقصيده وافيه،





وتمثّل إضافه حقيقيه لمجلس عذب الكلام ولهذا المنتدى الشامخ.



"القويفل" :


إسم سوف ننتظرعذب جديده بشوووق وسوف نتابع عذب مشاركاته بإهتمااام


تقبل وافر التحيه والتقدير،،،

بيض الله وجهك يابو مسفر على هذا

النقل الرائع للشاعر المعروف والمحبوب محمد بن دشن الفهري

حقيقة قصيدة تبيض بوجه قائلها وأبيات حقيقة من ذهب ومتعوب عليها وابيات من لسان شاعر قوي

واكرر شكري للناقل والشاعر


لكم مني خالص الشكر والتقدير

أخوكم

أبو صقر الزهير ي

__________________

__________________

السلام عليكم جميع ياقحطان
انا من قبيلة مطير ويشرفني ان اكون احد اعضاء مجالسكم
ولاهنت يالقويفل على النقل كما اشكر الشاعر على هذه القصيده