[frame="9 80"]هذه المحاوره بين الشاعر حبيب العازمي والشاعر فيصل الرياحي
وتتصف برموز لايكاد يفهمها الا صاحب الفطنه
وهو
اللعب على محاور الرمز هو أن يختار الشاعران خطين أحدهما حقيقي والآخر وهمي ، ويكون الخط الحقيقي خاصا بهما والوهمي لمن يستمع ، وذلك يتضح في هذه المحاورة : ـ
[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]

حبيب
على راس الرياحي واحدة تمشي من الثنتين =علاه ايسرّح اللي تاصله والا يضويها
وانا يوم اني آقوله بعد ماشفت شوف العين=حصاةً في طريقه كلما روّح يدربيها

فيصل
أعرْف الأولة والثانية وأعرف شروط الدين=وأميّز في عقول الناس واعرفها بساميها
حصاة ابليس ما نبلى بها الا فالزمان الشين= أبدفعها على غبة بحر فالبحر ابرميها

حبيب
يدورنّ الليالي يالرياحي والمتين ايلين =وعيناً ما تحب الكحل ابكحلها وابعميها
حصاة ابليس والا حبحبة حمرا على السكين = بدون امجاملة من جابها لازم يوديها

فيصل
لقينا بنتكم ياربعنا تلعب على الحبلين= تعاندني وتبلشني وتفرح يوم اناديها
بدون امجاملة ما عندنا الا صفقة الخدين =تربي بنت عمك بالعصا والا نربيها

حبيب
ولا يا مفتري لا تفتري وتجيب زين وشين =وبنتك لو تجي منشان خاطرك التفت فيها
بغيت الثانية ما عندنا الا الرمح والسيفين =وبعض الناس تبكي لوّ نقرص روس أذانيها

فيصل
دفعنا مهرها غالي وهي تسوى لها قرشين=سترناها بستر الله عسى الله ما يحييها
حبيب يا حبيب ليت ربي حط لك قلبين= تساعدك القلوب وتفهم الهرجة وتوحيها

حبيب
تخطـْبون العجوز اللي بقي في لحيها سنين = لكنّ المشكلة وشلون نرضيكم ونرضيها
أنا كاتب وأنا قاري وأنا صاحي مع الصاحين=وأنا مجنون لن شفت العرب تنفخ علابيها

فيصل
عسى الله ما يبارك فالعجوز اللي لها وجهين=تمدّ ايدينها صوب العرب والفقر حاديها
قبل صوم ارمضان اصمل وعلمها الكلام الزين =ولا صمت الشهر باروح ازكيكم وازكيها[/poem]



الله الله الله على المعاني الخفية والرموز الغامضة


اتمنى ان اكون قد وفقت في النقل


وللجميع تحياتي[/frame]

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

السلام عليكم ورحمة الله وبركاته .


ارحب ياعبدالله

صح الله لسان الشاعرين

وصح الله يمناك على النقل الموفق

والرائع


تقبل خالص التحية

__________________
00000000

البقاء يابومسفر


مرورك يسعدني


ويشرف الموضوع


تحياتي

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة