الفرايـــــــد

لاشـك ياقـل القصيـد الفرايـد
اللي على معنى ومذهـب وملـه

والا البقيـه كلبوهـا شـرايـد
والمستمع واللي قرأ لـه يملـه

وانا ان نظمته ماتجيـه النقايـد
وانجيت قـدام الرجاجيـل اهلـه

قداكـم ياهـل الوفـا والعوايـد
يالابت ٍ ماهـي تعـرف المذلـه

ربعي هل الفزعات يوم الشدايـد
سلم لمن سآلم وع الضـد علـه

جمع آل حازب يوم شب الوقايـد
تقدم على الموت الحمر ماتزلـه

عدوانهم راحوا شتـات وطرايـد
ومافيهم اللي يذكر ان فيه خلـه

من روس سنحان الوفا والسنايد
منزالنا مثـل النجـوم المطلـه

ويوم الوفا والعز والساس سايـد
حنـا بنـي قحطـان والعـز لله

عدوننا تلقاء السيـوف الحدايـد
نرسي لهم مرسا الجبال المظلـه

وخوينا يبشـر بنـا والسعايـد
وضيوفنا تلقاء الكـرم والجبلـه

والجيد اللي من ثرى الجود جايد
ماهو يحسب حساب كثره وقلـه

والعز يبقى دايـم الـدوم رايـد
وراع المعرفـه كـل درب يدلـه

وانا ترا من الشعر مبغى فوايـد
الا اني امدح ربعي وعـزة ٍ لـه

والا يخرج مـن خفوقـي نكايـد
وان ضاق صدري جبت دقه وجله

صلوا على المختار خير البدايـد
نبينـا اللـي ملتـه خيـر ملـه

وسلامتكم

__________________

كفو يابن عمي كفو

صح لسانك يالجزل

ولاعاد تبطي علينا

صح لسانك
ولا لك عايب يالغالي

__________________

اقتباس:
المشاركة الأصلية كتبت بواسطة ماجد بن شارع العاصمي
كفو يابن عمي كفو

صح لسانك يالجزل

ولاعاد تبطي علينا





ماعليك زود

وصح بدنك

و الله يبيض وجهك

__________________

اللهم صلي و سلم على محمد

صح لسانك يا صالح

و ونعم بك و بربعك ال حازب و سنحان


لاتحرمنا من جديدك

تقبل تحياتي

__________________

صح لسانك على هاذي القصيده الجزله 0
تقبل مروري يالغالي

__________________

كفو والله والف نعم
بس!
انت تنتقد من لست عنهم ببعيد
وما الملل وما الممله وغيرها كثير
لكن الى الامام وموفق
اسلوبك يخصك ومجمل

كفو يابني عمنا حجاب الحدود يوم الذيب يلحس ذراعه

__________________

اقتباس:
المشاركة الأصلية كتبت بواسطة مبارك بن حاضر
اللهم صلي و سلم على محمد

صح لسانك يا صالح

و ونعم بك و بربعك ال حازب و سنحان


لاتحرمنا من جديدك

تقبل تحياتي





ماعليك زود

لاهنت يالذيب

__________________

بيض الله وجهك يابن حازب جدك شيخ ومعروف وقصيدة جزلة ونتمنى منك المزيد يابن عمنا