|
الفرايـــــــد
صلوا على النبي يامكثر الشعـار كثـر القصايـد من الشعر جانا الملـل والمملـه عشر قنوات وكم نشر فـالجرايد وياكثرهم في النت وياء المجلـه لاشـك ياقـل القصيـد الفرايـد اللي على معنى ومذهـب وملـه والا البقيـه كلبوهـا شـرايـد والمستمع واللي قرأ لـه يملـه وانا ان نظمته ماتجيـه النقايـد وانجيت قـدام الرجاجيـل اهلـه قداكـم ياهـل الوفـا والعوايـد يالابت ٍ ماهـي تعـرف المذلـه ربعي هل الفزعات يوم الشدايـد سلم لمن سآلم وع الضـد علـه جمع آل حازب يوم شب الوقايـد تقدم على الموت الحمر ماتزلـه عدوانهم راحوا شتـات وطرايـد ومافيهم اللي يذكر ان فيه خلـه من روس سنحان الوفا والسنايد منزالنا مثـل النجـوم المطلـه ويوم الوفا والعز والساس سايـد حنـا بنـي قحطـان والعـز لله عدوننا تلقاء السيـوف الحدايـد نرسي لهم مرسا الجبال المظلـه وخوينا يبشـر بنـا والسعايـد وضيوفنا تلقاء الكـرم والجبلـه والجيد اللي من ثرى الجود جايد ماهو يحسب حساب كثره وقلـه والعز يبقى دايـم الـدوم رايـد وراع المعرفـه كـل درب يدلـه وانا ترا من الشعر مبغى فوايـد الا اني امدح ربعي وعـزة ٍ لـه والا يخرج مـن خفوقـي نكايـد وان ضاق صدري جبت دقه وجله صلوا على المختار خير البدايـد نبينـا اللـي ملتـه خيـر ملـه وسلامتكم |
رد: الفرايـــــــد
كفو يابن عمي كفو
صح لسانك يالجزل ولاعاد تبطي علينا |
رد: الفرايـــــــد
صح لسانك
ولا لك عايب يالغالي |
رد: الفرايـــــــد
اقتباس:
المشاركة الأصلية كتبت بواسطة ماجد بن شارع العاصمي http://www.qahtaan.com/vb/images/buttons/viewpost.gif كفو يابن عمي كفو صح لسانك يالجزل ولاعاد تبطي علينا ماعليك زود وصح بدنك و الله يبيض وجهك |
رد: الفرايـــــــد
اللهم صلي و سلم على محمد
صح لسانك يا صالح و ونعم بك و بربعك ال حازب و سنحان لاتحرمنا من جديدك تقبل تحياتي |
رد: الفرايـــــــد
صح لسانك على هاذي القصيده الجزله 0
تقبل مروري يالغالي |
رد: الفرايـــــــد
كفو والله والف نعم
بس! انت تنتقد من لست عنهم ببعيد وما الملل وما الممله وغيرها كثير لكن الى الامام وموفق اسلوبك يخصك ومجمل |
رد: الفرايـــــــد
كفو يابني عمنا حجاب الحدود يوم الذيب يلحس ذراعه
|
رد: الفرايـــــــد
اقتباس:
المشاركة الأصلية كتبت بواسطة مبارك بن حاضر http://www.qahtaan.com/vb/images/buttons/viewpost.gif اللهم صلي و سلم على محمد صح لسانك يا صالح و ونعم بك و بربعك ال حازب و سنحان لاتحرمنا من جديدك تقبل تحياتي ماعليك زود لاهنت يالذيب |
رد: الفرايـــــــد
بيض الله وجهك يابن حازب جدك شيخ ومعروف وقصيدة جزلة ونتمنى منك المزيد يابن عمنا
|
| الساعة الآن 12:54 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com