اخواني الأعزاء جميعا اليكم بعض أبيات ابن جروان العلياني في قصة ابن شري وذبحه 100 رجل

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الشيخ ابن شري المسمى الاول = لقاه ماجود وبه حياه
نخاه طلحاب وعلم بقصته = والشاهد الله فرشه وادفاه
حلف الامير بدينه المشهوره = لاخذ قضا طلحاب عد اعضاه
لاذبح مية رجل بسيفي هذا = الا ان أموت وتسبق الوفاه
وفعلا ذبح تسعين معهم تسعه = والواحد الباقي بقا وصاه
وصا عياله قبل موته يحثهم = على وفا دينه من غرماه
وصاح الشجاع وقال يآلاد مسرد = ياهل الشجاعه والكرم والجاه
نذري وفاته باقي له واحد = واليوم يالظفران من كفلاه
وقامو ولبو له بصوتن عالي = وكلن حلف له ماسكن سبلاه
تمو وفا نذره وزادو خمسه = من باق في ضيفه لقا جزاه [/poem]
اكتفي بهذا القدر من القصيده لحيث أن باقيها ليس في هذا الموضوع .

أرجو أن لا أكون أطلت عليكم ،
وتحياتي للجميع (((((((((((((((((((((( والى ابن الأروق ))))))))))))))))))))

--------------------------------------------------------------------------------




منصور ابن شعيل الحمرانى الهاجرى ومسعود ابن شرى المسارده وشارع ابن قويد الدوسرى

اسلام عليكم ورحمت الله وبركاته اولن ماكان ودى اتكم فى هاذا الموضوع بس اشوف فيه ناس قامو يتكلمون فيه ويزودون وحلرفون ومادرى ليش . وهى قصه مسعود ابن شرى وابن قويد الدوسرى\ز
والقصه هى انه كان فيه واحد من قحطان حنشل ومجنن الدواسر يضوى عليهم وياخذ الى يلقاه من ابلهم ومسكه شارع ابن قويد الدوسرى وكان امير القبيله وذبحه وعلقه على مدخل الديره وصادف ان ابن قويد عازم مسعود ابن شرى ولما شافه مسعود اعرفه وقال انت عازمنى تورينى فعلك فى ابن عمى استعد لحربنا ياشارع قال شارع رح ونا اللى بلحقك وتفقت قحطان على ان محد يمنع احد من الدواسر ودارت الحرب كانت الغلبه لقحطان وطاح شارع ابن قويد فى يد اثنين اخوان واعتقد ان ماهم من المسارده فقال شارع امنع يا افلان بسمه يبى يقول والله ما امنعك ولى يمنعك الله قال الله ان امنعك ويمنعك الله قال شارع ابن قويد ما منعتنى مير منعنى الله منك وفو منعهم عليه ومنعوه من مسعود وطلبت فيه قحطان 100 وضحى وخيطو عليه جلد ابعير وخلوه قدام المضيف وكان منصور ابن شعيل الحمرانى الهاجرى قصير المسارد وعزموه ولمى جاهم وقبل عليهم ويقال ان واحد كلم شارع وقاله اذا شميت ريحه الطيب فزهم منصور ابن شعيل ولمى جا بيدخل منصور ابن شعيل زهمه شارع ابن قويد فوقف منصور فقال مسعود اقلط يا منصور قال منصور لو تبينى اقلط ماحطيت ذالجنازه قدامى عطنيه ولى العود قال مسعود ابن شرى قحطان طالبه فيه 100 وضحى يا منصور وكان عند منصور رعيتين وضح ومجاهيم قال منصور عان الوضح سارحه المكان الفلانى تنطحوها هى وعبيدها وخذا شارع وقال لعياله سكرو البيت وشبو النار لين يحتمى البيت الرجال صارله فتره ما شم الهوا وان جاه الهوا مات وفعلن سكرو البت وفتح منه وكمد جسمه بوزر ابل لين قسا جلده وقال لولده وصله لهله بسرعه ترا الدواسر بيجيبون ابلهم وتا خذها قحطان وفعلن لما وصل كانت الدواسر رايحين بلبل لقحطان ونطحهم وردوها وقالو الى جايب ناقه من الدواسر ياخذها قالو الدواسر لشارع هاذى كرامتك ماعاد حنا ماخذينها ولمى شافها شارع شاف ان احد فخوذ الدواسر هم اكثر من ساقو فى 100 اللى طلبت قحطان خلاه وسمه الى الان ورجعت قحطان الى منصور قالو خذ ابلك حنا طلبناها تعجيز لك قال منصور انتو خذيتو بهايم اما ماتت ولى خذوها القوم وللى انا شارى شيخ قبيله انا الرابح وراحت الايام وقام يوصى شارع ابن قويد اللى يبشرنى بنصور له فرس وين الفرس ذيك الايام وفعلن جاك منصور حول ديار الدواسر وبشرو شارع ومسك منصور وقال انت اخوى وعيالك اخوان اعيالى ياخذون فيهم ويوخذون بس لازم نشتريلك نخل فى الوادى هاذى سلم الدواسر يا اما انت نسيب او لك نخل وحلف منصور انه هو اللى يشتر النخل وشراله شارع نخل ام اثله يسقى على ساقيتين من كبره وهو افضل نخل فى الوادى والى الان يعيش اعيال منصور ابن شعيل الحمرانى وشارع ابن قويد الدوسر مع بعض واكثر من الاخوان وقد رجع منهم الى ربعهم ال حمرا فى الايام الاخيره وسمهم وسم الدواسر و معروفين فى وادى الدواسر ال شعيل من بنى هاجر وشكرا بس حبيت اوضح المو ضوع من المحرفين واللى يضيعون العلوم والتاريخ واسالف لاينكرها لا دوسرى ولى هاجرى ولى قحطانى ومنصور ابن شعيل فى منتدى قحطان ونتدى بنى هاجر من ضمن فرسان القبيله وعقداها ومن عياله ناصر الملقب ((عريج )) الذى حول براهيم السلوم كذا مره وعتقه لانه ما ياخذ الرواى والمداد وفى مره عطاه ابراهيم جنبيته عرفانا بجميله عليه وعتقه له والمعارك بينعريج وابراهيم كان عريج معى الدواسر وهو من عيال منصور وشكراواللى عنده قصيده من المساره خاصه وقحطان عامه فى هاذى الموضوع يجيبها ونشدو شيبانكم عن القصه وال100 التى يذكرون ليس 100 قتيل بل 100 وضحى التى شرا فيها منصور ابن شعيل شارع ابن قويد وماهو حكى وسوالف اصحابها موجودين من الدواسر ومن الهواجر وتركو باقى الحكى وشكرا والى عنده استفسار ينشد ورد عليه حتا لو يكون ابن شرى بنفسه

الاخ مدهل كلامك غير صحيح وهذا كلام تلفيق والقصه يعرفونها كل القبايل والاخوان سبق وانا وردو القصه كامله

نرجو تحري الصدق

__________________
راكب اللي مادرج له على البيداء كفر=== غالي سعره وتوه جديدٍ وارده
Rang Rover فل اكشن لاجيب ولاشفر=== مافتحت اسويكه الا بشيكٍ فارده
القدح لو تّركده فوق سيته ماأن جفر=== لو تكيم به من خباش للمجارده
داخله كنه اشّعرة ضبي والبدي أعفر=== مايحلا الا بحر يعوق الشارده
لعّترض تلافتوله نفر نفر نفر===وشفت نضرات المشفح مغير اتطارده

فلاح القرقاح