اتعب لدينك و المراجل !! ويمناك
عسى حياتك يابيض الوجه تبطي

ماهوب عيب ن تعتذر من خطاياك
العيب والله صدتك وانت مخطي

__________________

الوقت وقف كل طيب على الجال
لو ان له في صفحة المجد تاريخ

الوقت والله وقت من يارث المال
يمسي ولد راعي ويصبح ولد شيخ.!

__________________

في الذاكرة "ليلى"و"مالك"و"هداج"
وأبيات مجنونٍ جنونه صراحه
جا يشتكي همه لسكان الأبراج
وإلتموا أهل الفلسفه والفصاحه
قالوا عرب .. والقول مايرجع أدراج
يمشي دروبه عوج والا سماحه
لايرحم الله فوج من ذيك الافواج
ولايرحم الله طير يرخي جناحه
راحوا وصاروا سالفة كل هراج
والمقبلين اشد حمق ووقاحه
ياسيدي كيد العدا وارفع التاج
أنا لهم خصمٍ جنوده رماحه
ياسيدي دون النظر رمش وحجاج
تحميه من عج الطريق ورياحه
دون الكرامه من دمي سيف وسياج
والفارس اللي مايخونه سلاحه
باصبر ومثلي لأجمل الصبر محتاج
ماتقبل الدنيا على كف راحه
قررت اغامر واخجل الشمس بسراج
وأخلع عن اللون الرمادي وشاحه
ياسيدي والصدق للقلب منهاج
لو ما يحبك ما أفتداك بجراحه
ما أبيك تلحقني على سيف الأمواج
ماينقذ الغرقان جاهل سباحه

الشاعر: مهدي بن سعيد

__________________

رديت والا يالسنافي مارديت **

رفقتك ماتت والعزاء قبل عامين *

عمر الضغينه والحسد مابنت بيت *

وأنته وريث أمجادها ياأحمر العين *

على الأقارب يالضعيف تعزويت *

عاده قديمة ياطويل الذراعين ..!

شعر سفر بن مبارك

__________________

مـــن لا يــبـّّـرّّك للـثـقيـله جــمــالــه
ما طاب في نفسه ولا للعرب طاب

ومن شاب راسه ما بعد جـاب نالـه
يصعب عليه مزارق الطيب لي شاب

ومن قل في قـدر الـمـطـالـيق جـالـه
يـومًا يــدور للــذرى عــنــد الأطناب

ومـن جــاد في الـعـدوان بملأ بـيـالـه
لا يـرتـجـي من صوبهم كون مشعـاب

( أبيات من قصيده)
*خيال الكحيله*
**
*

احدن بشوش الوجه لا قبلت هلل
واحدن عبوس الوجه يمرضك شوفه

ولي عادة ماابيح باسـرار صاحبـي ..
... ... ولو هو جفاء مانيب للسر كشافـي

تموت السراير في ضمائر هلا الوفاء..
... ... وذي عادة الأخيار من كل الأطرافـي

صـــراحه ابياااات قمة الرؤؤؤعه

يـا متعبين القوافي بالثنا و المديح
لا تلبسون العبـاد اكبر من ثيابهـا

لا تلبسون القزم ثوب طويل ويطيح
اشعاركم لا تضيع الناس بأسبابها.!

__________________

ووثـق مع الله يا لبيب الفؤاد عراك
ونفسك بتقوى الله والإيمان زودها

ترى الناس لولا الدين والخلق ماتبغاك
لو إنـك على عـذب المناهل تـوردها.!

__________________