هذا جوابي يا فهد للعتيبي

السلام عليكم جميع


قصيده مهداه لسعادة الشيخ/ محمد بن سعيدان العصيمي العتيبي


الكلمه اللي قلت لي يابن همّاش
و سألتني وش يستحق العتيبي
اللي لفعل الطيب و الجود حوّاش
وله في قسوم الطيب حظ ونصيبي
يابن سعيدان استمع ردّها كاش
و الطيب من شرواك ماهو غريبي
تندب لك البيضا مع كل طرّاش
و يرفع علمها في علاوي الجذيبي
بأعلا طويق يشوفها كل غبّاش
ويثني على راع المقام التعيبي
و العز و الناموس ماهو ببلاش
و يقدر عليه اللي يفك الطليبي
شرواك يا محمد و لاني ببكّاش
ولا بمدحك من شان شيٍ تجيبي
فعلك قنانا يوم ابن عمّنا انداش
في موقفٍ فيه الجمايل تغيبي
إلا على اللي للنواميس حمّاش
شرواك يالحر القطامي النجيبي
طبع العتيبي للجمالات شوّاش
و هذا جوابي يا فهد للعتيبي

الشاعر /حامد الجذع القحطاني

في موقفٍ فيه الجمايل تغيبي
إلا على اللي للنواميس حمّاش

صح الله لسانك يا ماجد وبيض الله يا شافي

__________________

صح لسانك ولاهنت

وصح لسان الشاعر الرائع

حامد الجذع

على القصيدة الطيبه

مرة حلو الطرح
بس اسمك مافهمتة
مرة طويل