فرائد أبو شيبه

بسم الله الرحمن الرحيم
هذه القصيده للشاعر الكبير مدغم ابو شيبه

[poem=font="simplified arabic,7,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num=",black""]
البارحه .. من ضيقه الصدر محسوس=غابت علي الشمس في راس قمه
رجلي على جمره ، و كبدي على موس=عامين و الثالث على اخر متمه
صديت عن وادي به الحبل ممسوس=و عن وجه بن عمٍ !! يهين بن عمه
ما قلت جعل الروس تفدالها روس=اقول وجهٍ تمدحه !! لا تذمه
لكن بيت النمل و الذر و السوس=ماهو بيت اللي كبير معمه
ادري ان مسيري عكس و الدرب معكوس=وادري ان سلاح الداب نابه و سمه
ماكل جاسوس نسميه جاسوس=لو نعرف اللي كلفه بالمهمه
الناس نبت بروسها ريش طاوس=تفاخروا لييين انكر العبد عمه
تنومسوا في شي ماهوب ناموس=مثل الصلاة !! اللي على غير يمه
اللي معه دفتر سنادات و فلوس=و يرهن مقابلها كرامه و ذمه
يعطيك في الحسنى ندوات و دروس=ويصرف لك الاخلاق من راس كمه
ان عاف ماكن الطمع فيه مغروس=وان طمع في حاجه نسى ابوه و امه
مانوس يالوادي !! و الا انته بمانوس=مهم ولا فيك حاجه مهمه !!
اللي على جالك يصيدون جاموس=واللي وراهم ياكلونه بدمه !!
اذيابتك نجسه !! و فيرانك نجوس=من طحت بين يديه و داك فمه !!
صنام تبنيها نصارى و هندوس=على قبور الانبيا و الائمه !!
يامملكة صدري من القوس للقوس =من لا يهمك !! لا تشيلين همه
جد الولد منحوس !! وابوه منحوس=جا من ظهره وقال لبليس !! سمه
اهون على اعيش منفي و محبوس=ولا ينبعث ريح الخيانه !! و اشمه
ماني بدايم رايق اخلاق و هجوس=ان ما ضويت بكارثه جبت بمه[/poem]

__________________

الشاعر الكبير مدغم أبو شيبه


غابت نجـوم السمـا كلهـا والله درا
عن وليفٍ دار عامه ويومـه وشهـره
ياوجودي كل ماطرّف الليـل وسـرا
ماحدٍ بشّر بشوفه و لاجـاب خبـره
اليدين أمست من مصافح أيديه فقـرا
والعيون اللي فضح دمعهـا مايستـره
أن تذكرتـه تذكـرت دمـعٍ ماجـرا
قبل مايجمع زهابه على وجه سفـره
راكب اللي صمموه لمشايـخ وومـرا
مابعد حرّك سويكـه ولا دار كفـره
لو دفع متوسط الدخل دخلـه ماشـرا
لـه مديليّـة مفاتيـح والا منـظـره
رنّة بلوفه اليا فاع من فـوق الثـرى
كنّها صفق الهبايب على فنـد شجـره
رنج روفر ماقرا لونه اللـي ماقـرا
افتح من المستكا .. واغمق من السكره
ان نطحته من قدم وأن قفيته مـن ورا
كن (سحمان بن ملحم) ملقيك ظهـره
الحزام اللي يحزم الظهـور الياطـرا
طاري الفزعات والكذب مافيه ثمـره
في المنافذ والمسارات مايمسك سرى
البلاط يحشمـه .. والرمـال تقـدره
جرته يمشي على راحته ياهل تـرى
شفتها في دقة البشـت والا البنجـره؟
ياصله ويعلمه وأن درا و ان مـادرا
أن قلبي فـي غيابـه معلّـق بشعـره
لايحسب أنّي نسيـت ورب أم القـرا
ماتنسـا طلـع تينـه ونفحـة عنبـره
ايتداركنـي قبـل ضيعتـي والا تـرا
ضعت ضيعة دم رجالٍ اهدرته مـره
لايفكر في بـرا الجـرح والا مابـرا
واضح اللي في النعش رايحٍ للمقبـره
ويحفظ قدر المحبه ويبقا فـي حـرا
جيّةٍ منّي وغصـن الغـلا لايكسـره
ويخبر اللي في التمادي تطاول و افترا
يكسب المعروف بالعفو عن المقـدره
لايجاور وردةٍ في ظـلال وفـي ذرا
ماسقاهـا دمـع عينـه ولا دم نحـره
ويش عذره كل ماطرف الليل وسـرا
وألتفت أدوّر عيـال وأدوّر مـره !!

__________________

للحـزن ساحـاتٍ بصـدري مثـل ساحـات القتـال
فيهـا الاصيـل مــن المـهـار تـعـوّد بخيالـهـا
ولا يطفـي حـر مابـي مـن حـرايـق وأشتـعـال
الا الدمـوع اللـي مـن عيـونـي يـهـل هلالـهـا
لازال فيـهـا دمعـتـيـنٍ لـلـفـراق ولاتـــزال
ذكـرى هنـوفٍ كـل يــوم أحطّـهـا وأشتالـهـا
راحـت عسـى الله مايلحقنـي مشاريـه الـرجـال
تقـول كنّـي ماخلـقـت مــن الـتـراب الاّلـهـا
عـزّ الله أنّـي مانسيـت أفعالهـا بـنـت الـحـلال
لـعـل ربــي مايجازيـهـا بـســو أفعـالـهـا
أكبـر جريمـه ترتكبهـا فالهـوى مـن وسـع بـال
هــذي ضحايـاهـا بقلـبـي شـيـدوا تمثـالـهـا
وشلون تهجرني وأنـا مالـي علـى الهجـر أحتمـال
وشلـون تهملنـي وأنـا مانيـب أطـيـق أهمالـهـا
وشلـون تقطعنـي بسيـف البعـد قطّـاع الـوصـال
وأنـا لـو أقطـع عـرق قلبـي ماقطعـت اوصالهـا
وشـلــون ماتشتاق,,ماترحم,,ماتذكـر,,مـاتـسـال
وشـلـون ماتطـلـق يـديـنٍ كبـلـت بأغـلالـهـا
وشلـون مايـطـري عليـهـا لاتفـيـت فالـظـلال
متشـبـثٍ لاوقـفـت جنـبـه قـعـد بظـلالـهـا
مكسور خاطر والسوال أعـووووذ مـن ذل السـوال
يامـا أنتظـر مـن بـرج هاتفهـا يبـث أرسالـهـا
لكـنّ مـال الآدمـي حيلـه لامـن الـحـظ مــال
الميلـه اللـي فـال ربـي خيـر لـه مـن فالـهـا
هـي افقدتنـي مـن هنـا .. وأنـا فقـدت الاتصـال
مــن يــوم راحــت لارسايلـهـا ولا جوالـهـا
ياقـسـوة الايــام والـحـظ الــردي والاتـكـال
علـى مقولـة ( للمواقـف والـلـزوم ارجالـهـا )
يالله دخيلـك مـن تردّايـة نصيـب وشـيـن فــال
مـن حيـرة آمـري ليـت عنـدي حيلـةٍ وأحتالهـا
أن أرخصت قدري وطاحـت قيمتـي والهجـر طـال
قولولـهـا تـتـرك مكابـرهـا وتـاخـذ بـالـهـا
أنا من اللي فوق .. فوق و فوق .. فوق و عال .. عال
تركـد ويركـد عمّـهـا معـهـا ويـركـد خالـهـا
لاوصـلـت للـحـد هــذا لانـقـاش ولاجــدال
تبـعـد وتنـكـف الامــور دقاقـهـا وجـلالـهـا
لو المفارق صعـب والنسيـان ضـرب مـن الخيـال
ارخـاي راســي لايــروق الـهـا ولايحلالـهـا
احفـظ لهـا قيمـة غلاهـا وأنتظرهـا مـن شمـال
وإذا نستـنـي هــذي الدنـيـا وهــذا حـالـهـا
أمّا أني أنساها .. نسـى الله مـن نسـى ذاك القبـال
ياااااصـبّ روحـي صـب دلتّهـا علـى فنجالـهـا
قولولهـا لاستخسـرت فيـنـي ريالـيـن أتـصـال
تهـدي علـى ( جمعيـة الصـم البكـم ) جوالـهـا

__________________

صح لسااان القائل

وسلم راس الناقل

__________________
[flash1=http://www.7ozn.com/files49/27_02_2012_1a7713303723991.swf]WIDTH=666 HEIGHT=333[/flash1]

ولسانك سلمت من كل شر .

__________________

مشكووووور

__________________
غنيت ما قصدي طرب في حياتي لاشك من دورات الايام غنيت
يالله ياللي تعلم الخافيـــــــــاتي انك تمشـيها على ما تمنيت

أشكرك ع الجزاله والحضور الصادق لاهنت ,,

__________________

الله يعطيك العافية على طرحك

وننتظر جديدك وابدعاتك

تقبلي مروري

__________________

الله الله

قصيدة رائعة

صح لسانع الشاعر مدغم ابوشيبه

لاهنت يابو مبارك

__________________