الحمد لله الذي لايحمد على مكروه سواه وبعد

يتقزم الكلام ويصعب التعبير عن علم من اعلام قبيلة ال سلمان المرحوم بأذن الله تعالى

الشيخ مانع بن مذكر ال سلمان الحرقان

هذا العملاق الذي لامس الكواكب بفعله لاعمال الخير ومابذله من وجه وجاه لاصلاح ذات البين ومن كرم حاتمي منقطع النظير

عندما كانت الاموال والموارد شحيحه الا على من دك اسوارها بسخاء وبعزيمة الرجال

فنسأل الله ان يتقبله قبول حسن وان يجعل مافعله من خير وعطاء حائل بينه وبين النار

فلقد جادت القريحه بصادق الاحساس وترجمت مايختلجه الصدر بدون تصنع وتكلف

واطلبوا له بالمغفره والرحمه انه القادر على كل شيئ


[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالله ياللي كلبونا نطيعه=ياللي لحكمك نمتثل لك وننصاع
يامل قلبٍ يوم تسمع قريعه=قرع الطبول اليا دعت نايد القاع
والعين هلت ماتعصى جميعه=جادت وهي للدمع ماهيب مطواع
ضاقت علي القاع لوهي وسيعه=وأقنب كما ذيب رقا راس مطلاع
الله ياكبر الجلل والفجيعه=اللي تشل القلب وتهز الاسماع
سيفٍ من سيوف الزمان الوريعه=في وسط غمده عقب ماكان قطاع
حصنٍ من حصون اقحطان المنيعه=اللي تذري دارها دون الاطماع
لاعدوا اهل الجود جاء في الطليعه=وان زهموا أهل الجاه ساطي وفزاع
وان جات للقالات والا الوجيعه=يرسي ولايهتز والعرف ماضاع
وان جات لفعول الرجال الشنيعه=انشهد انه طايل الشبر والباع
وان جاء نهار المعركه والوقيعه=فعله مع الاول ولاهوب ينصاع
وان حل وقت وكرب لاهو ربيعه=هذاك مانع وافي المد والصاع
منزال بيته في التلال الرفيعه=ماهوب عن ضول المسايير جزاع
ياما ذبح من حايلٍ مستبيعه=وياما هدم سورالفقر دون جيّاع
يمناه تعطي فوق ماتستطيعه=وبيبان بيته للخطاطير شراع
دمث الجناب وفيه ميزه فظيعه=الين من الديباج والكف بتاع
دارت دواليب المفارق سريعه=غاب الجدي اللي على الكون لماع
والحزن في عيني وفي الصدر ليعه=والهم جامد في الحنايا ولاماع
ودعتك اللي مايضيّع وديعه=والقلب من فرقاك ياعم ملتاع
حكم الولي حقٍ علينا نطيعه=حتيش لو كنيتها بين الاضلاع
مرحوم ياراعي الهروج البديعه=ياطيب السيره ويازين الاطباع
يامن شكى محرابه من القطيعه=من قايمٍ في الليل ساجد وركاع
يالله عسى خير البرايا شفيعه=وأنك تصبرنا لحكمك وننصاع[/poem]
انا لمحزونون

بحر

__________________

نسأل الله له الرحمه والمغفره

صح الله للسانك يبوبندر ولاهنت ,,

__________________

رحمة الله عليه..افعاله كلها ترفع الراس..تقبل تحياتي واعذرني ع التاخير,,

الله يرحمك يامانع ابن مذكر ابن تومه

والله يابو بندر ان الحزن ماهو لكم لحالكم على على هذا الرجل الكريم

رئينا على وجهه وهو حي علامات اهل الجنه اسئل الله ان يكون من اهلها

اشكرك على هذه الشامخه

__________________
ربنا اتناء في الدنياء حسنه وفي الآخرةِ حسنه وقنا عذاب النار
<<<<<<<<<<<<<<>>>>>>>>>>>>>>>>>
يارب قدم اليك عبدا نحبه ويحبنا فاوسع مدخله واكرم نزله اللهم ارحم عبدالله بن عبدالعزيز

اللهم يارب العالمين
ان تحقظ لنا ولات امرنا
وان تمد ملكنا سلمان الحزم بالنصر والظفر
اللهم ان تقوي عزائم المحمدين على طاعتك
وسلطهم على كل فاسق ومنافق واصلح بطانتهم

الله يسكنه جنات الخلد

ويجبر مصاب قحطان في بو جريب


صح الله لسانك يابو بندر

ارحب يا بحر

صح الله لسانك على هذه القصيدة الرائعة

والله يرحم الشيخ مانع

و يعوضكم فيه خير

__________________

حزنت علية وانا ما عرفة

لا ن الطيب اللي من ربعي ينومسني ولوكان في قبره

جعل عظامه في الجنه


مرثيتك يابحر من اقصى قلبك

حـكـم الـولــي حـــقٍ علـيـنـا نطـيـعـه @@ حتـيـش لــو كنيتـهـا بـيـن الاضـــلاع
مـرحـوم يـاراعـي الـهـروج البديـعـه @@ ياطـيـب السـيـره ويـازيــن الاطـبــاع

صح الله السانك يابوبندر على هذه الدرر وابوجريب رحمة الله عليه فقد على القاصي والداني .

__________________

alisq99@hotmail.com

ارحب يابوبندر


وصح الله لسانك


وجعل عظام بن مذكر في الجنه

__________________

صح بدنك يابوفيصل

ولاهنت على المرور

وتقبل تحيات بحر

__________________