هذه القصيدة للشاعر / علي بن محمد بن سعيدان الزهيري القحطاني مرثية في الشيخ / مسعود بن سعيدان ال جليد الزهيري القحطاني رحمه الله رحمة واسعة

قالوا تهل الدمع وتعاوي الذيــــــب
قلت اتركوني فاقــد لي حبــايب
مـاهـو فــــراق مولـع بالــرعـابيب
قلبي من اهل الحب يالربع تايب
أي والله ابكي والضمايـر معــاطيب
ومصيبتي ماهي بمثل المصـايب
ابكي من الفــرقا وحــــر اللواهيب
لو ان راســـي ضاري بالصعـايب
وببطي ونا مرضان وشـلون باطيب
والجـرح في قلبي ولا هو ب طائب
ابكي على شــــيخ يوفي المطـاليب
سعد الخوي والضيف راع الركايب
شـــتيخ يثني لنشـاما المـواجيب
وكم فك خصمة ورتكى للطــلايب
وقت العـدم ياكثـر ذيك التراحيب
تفـــرح به الضيفان راع الوجايب
وكم فكة كـربة مسلم راعي الطيب
وانشــهد انه راح في القبر شايب
مقـدم بني عمه عطيب المضاريب
وقت اللقا يقدم ولا هـو ب هايب
يشــنى الوطا ويحب ذب المـراقيب
نائب ولا جــات النوايب فنايب
هذاك عمي والبكا له تســــابيب
تــروه في قلبي ولا هــو ب غايب
مسعود اخو ظبيه ذرى للاقاريب
في ذمتي عمي يســــد النوايب
فيا الله ياللي تعلم الجهر والغيب
ترحم عظام العود تحت النصايب
مامات ابو عايض عياله مشـابيب
ربـع ينومس فعلها للقــــــرايب

رحمة الله

وصح لسان الشاعر

ومشكور على النقل لك تحياتي

__________________

حيال الله أبو صقر ومشكور على مرورك

بيض الله وجهك ابدعت

ووجهك أخوي أحمد