[poem=font="simplified arabic,6,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num=",black""]

يالله الخلاق يامنشي الغمامي=نطلبك سترك وناصل بالسلامه

لاطلبنا الله جاوبنا شمامي=بسجدة في تالي اليل وقيامه

يرهي المدات ويزيل العسامي=ياالله ان تحسن عملنا في ختامه

ناصر يابوك جهز لي قوامي=جهز الصالون قطاع العدامه

ممنينه مايتعدا به حرامي=وحركه راعيه من لمسة بهامه

كنه قطرٍ اسودٍ في الجو حامي=يجفل الشيهان منه والحمامه

ان غمزت مكيفه برد وسلامي=والمقاعد كنك في قصر اليمامه

في عجب قرمٍ حضرنا بالتمامي=ولو تآخرنا نشوف انها ملامه

المراجل بيننا والسوق حامي=لليمين الي تلوح بالكرامه

ياسفر ياالقرم زيزوم الكرامي=غالي عندي ولاحدٍ في مقامه

تذبح الي في ظهرها الني زامي=وتكرم الضيفان يامال السلامه

انت وخوانك علي والله حشامي=والمعزه والموده مستدامه

عند ربعاً تمنع اعقاب الجهامي=ال مهدي تسقي الغاوي سقامه

تجوَر اليا يبست حلوق الضوامي=والعدوا لاهازها ذاق الندامه

واخر المكتوب صلوا والسلامي=على النبي الي شفع يوم القيامه[/poem]


الشاعر

سعد بن كدم


[poem=font="simplified arabic,6,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="1,black""]
قمت بالواجب عسى عمرك طويل =من جنوب المملكه جيت ووفيت

فالمواقف ماتراجع يا الأصيل =ياسلايل من لهم قاله وصيت

يشهد التاريخ والسيف الصقيل =للأسود الضاريه حي (ن) وميت

كاسبين المدح في اليوم الطويل =والبيوت اللي تزبن لانصيت

ياسعد بن كدم طيبك والجميل=من سنين في والله مانسيت

جعل تبطي حي يازبن الدخيل=يا أكبر من الشعر لاقلت وحكيت[/poem]

إهداء خاص لأخوي سعد بن محمد بن كدم

الذي غمرني بطيبه ومعروفه بيض الله وجهه ..

__________________