البل تولوها قلال المحاصيل

السلام عليكم ورحمة الله وبركاته

وش حالكم يالربع دون تخصيص

هذي قصيدة الإبل تلبية لطلب العضو رعد الجن

http://www.youtube.com/watch?v=nl8HwPiLjlg

صوت المنشد / محمد فرّاج الأكلبي

[poem=font="simplified arabic,6,#000000,normal,normal" bkcolor="" bkimage="" border="none,4,#400000" type=2 line=1 align=center use=ex num="0,#400000"]

الهاجس اللي دكبي تالي الليل=اللي بحث خافي كنيني وبثه

وأضفى على جوّي هموم وغرابيل=وأدنى الزعل والبسط جاحه وجثه

حالة مساجينٍ عليها الدهر ميل=حنينها قطّع فوادي وغثه

اللي فحلها هدرته طلعة سهيل=سودٍ سماريها وساعٍ وشثه

البل تولوها قلال المحاصيل=اللي عزايمهم هزالٍ ورثه

عاقوا سلوم البل خبول ومهابيل=والخبل لاجا سلم الأجواد خثه

يوم أشتروها جودوا الشبك بالحيل=وأرهوا جريشٍ جاب للذود غِثه

وقعد سنينٍ ماستجد المنازيل=ومن طول مجلاسه كلا الفرش عثه

عاقوا هواها عن وساع المداهيل=رقاق الديار اللي مساسٍ ودمثه

يازينها لاما أنتوت للمحاويل=يبهج فوادي شوف مشيٍ تحثه

تبي لها قفرٍ سقي بأول الليل=وشربت هبوبه بعد مالوبل دثه

البل تبي قرمٍ يدل الدواليل =يتبع هواها ونوّها مايلثه

ماهوب بومٍ واني العزم وبخيل=اللي الردا بين الرفاقة ينثه

قطفت من بستان فكري شماشيل=وقدمّت باقة ورد ماهيب كثه[/poem]


وسلامتكم واعذروني على قلة التفاعل

وافي والله يالعانيه
صح الله لسانك يابو عمر وجعلني ماعدمك
وتقبل تحيات رعد الجن

صح لسانك وبيض الله وجهك ياابن العم

وافي والله يالعانيه
صح الله لسانك يابو عمر وجعلني ماعدمك
وتقبل تحيات ابوممدوح

__________________

صح لسانك ياالاكلبي