"يا زماني كل شي فيك وصل لحدّه=هات ما عندك وسولف وإستمع ما عندي".."علي الحبابي"

( يا زماني )

[poem=font="Simplified Arabic,6,green,bold,normal" bkcolor="transparent" bkimage="" border="none,6,gray" type=2 line=0 align=center use=ex num=",black""]

يا زماني كل شي فيك وصل لحدّه=هات ما عندك وسولف وإستمع ما عندي
والله اني صابر منك وقد لي مدّه=وإن بدالي ماقف غصّاب يقدح زندي
كل شي مختلف وإن جاء الصحيح أعدّه=إنتبه للعلم والمضمون وإفهم بندي
كن قلبي يعترض سيف رهيف حدّه=وكن في وسط الضماير مثل نار الكندي
وضعنا مكشوف و لا عاد فينا شدّه=ضابط الميدان ما ينفع بليّا جندي
العرب كل يقول العلم أنا اللي قدّه=ما عرفنا من هو الفندي من المتفندي
والصحيح إن جاء الصحيح أوضاعهم منهدّه=همهم رز البخاري و الدجاج المندي
والبحرالأحمر ترى جزره شكى من مدّه=والمحيط الأطلسي وصل المحيط الهندي
يا وسيع العرف صدرك لا تبيّح سدّه=إنتبه وإسمع كلام واقعي يا فندي
الحقيقه واضحة ما فيه عنها صدّة=وقول راع العرف فالماقف يجيكم شندي
المحازم كلها ما عاد فيها عدّة=والمواطن فالبلد يضحك عليه الهندي
يالله إن تستر علينا من كوارث جدّة=ومن حليب ورّدوه و مصدره هولندي
ما علينا من خصيم هجمته مرتدّة=في بلاد الهند وألا في بلاد السندي
الردي بألعن ثواه و بأكعمه و أضدّه=والله إني ما علي منه و أنا أبوهندي
الحبابي يفتخر في طيب أبوه وجدّه=وارث طيبه من أجداده و كفّه يندي[/poem]

__________________

ارحب يالطرقي

وصح لسانك وبيض الله وجهك

قصيده معبره وهادفه وتعني أشخاص معينين

دائما جزل ياعلي وعلمك غانم وترفع بالراس ياقحطاني

لاتحرمنا جديدك

تحياتي وتقديري

__________________

ارحب يالطرقي

وصح لسانك وبيض الله وجهك

قصيده معبره وهادفه وتعني أشخاص معينين

دائما جزل ياعلي وعلمك غانم وترفع بالراس ياقحطاني

لاتحرمنا جديدك

تحياتي وتقديري

__________________

بيض الله وجهك يالطرقي،وصح الله لســــــــــانك