وردتني الأبيات التاليه من اخي
الشاعر/محمد بن سعيد الزرقان الشريفي
صلوا على النبي

[poem=font="Simplified Arabic,6,black,bold,normal" bkcolor="gray" bkimage="" border="outset,medium,gray" type=4 line=0 align=center use=ex num="0,black"]
صباح الخير ياللي منزلك عندي سوات الأخ=وعسى حبل الوصل ياعزوتي ماصار متراخي
أنا من عقب وقتي ذاك احك الكف وأصرخ أخ= ولا أدري هو البشر ولا الزمن يامسندي باخي
علام الصقر ذاك اللي كفخ في جو عزه كفخ=نسى عزه او انه من ظروف اوقاتنا شاخي
الا يامعقل نياقه طلبتك لاتشده وارخ=وخلك من تفلات المعقل حيل متواخي
كثير اللي ليا منه لبس ثوبن طلع به جخ=ولو كانه جمع في داخله من كل الأوساخي
وكثير اللي أعده عضد ليا احتجته طلع لي فخ=أثر عضدي الفشل كوره وقت اللين منفاخي
وكثير اللي فعايلهم روؤسهن طايلات طنخ=عرفها من جهلها واحترمها من صرخ ناخي
ولأني شفت بالدنيا كفو ومساير له دلخ=عرفت ان الزمن وافي ولا راخي ومتراخي

وهذا الرد على أخي محمد

هلابك يالخوي من اول حروف القصيد الخ=تراحيب العبيدي صحصح افكاره ولا داخي
مزاجي يالشريفي لا تكدر مايجيد البخ=عسا ربي يعافي كهربة فكري وبخاخي
وصلنا صاع من تمرك ونخب اول وبخ وبخ=وملكي في نخل خيبر ورا عشرين فرساخي
تبا تطلع جبال فالهدا ثم انزلو شمرخ= مادم لك طري في قرى ميسان وكلاخي
مع الميدان بعيرين ركبها فارسن افلخ=يبايرغي جملها بالحمل صابه تملاخي
كثير اللي لسانه بالمهايط يصلخ ويملخ=سلق للديك بيضه ما قلاها خوش طباخي
كثير يدين مغلوله كثير الزود ياهل البذخ=تساوى ذمهم قن شحيح ونضح بذاخي
على كثر ابتساماتي نفوسن بالحسد تطبخ=ضريع اشجارهم مارجي ثمره وزرع الاسباخي
تقبلها بتحايا الطيب من اول القصيد الخ=وعساربي يعافي كهربة فكري وبخاخي
وسلامتكم
[/poem]

__________________

صح السانك بيض الله وجهك وما قصرت

مبدع يابو زياد دائما
وانت تعرف رايي في القصيدة مسبقا
ويسلم الشريفي على قصيدته الرائعه
والله يديم المحبة والاخوة بينكم يارب

وو جهك أبيض ومرورك عطر

__________________

ما عليك زود يابو محمد

وشهاده اعتز فيها ومرورك يالغالي
على موضوعي وسام على صدري

والله يرعاك

__________________

صح لسانك أنت والشريفي

صوت وصدى واضح جدا

بيض الله وجهك ياوجه عبيده قصيدكم وافي وأنتو وافين

تحياتي وتقديري لكم

__________________

ووجهك ابيض يابو عساف
ابن عم وجار ومرورك على موضوعي شرف كبير
ولا عليك زود يالغالي وعلى المحبه نلتقي

__________________

الشاعر ناصر بن جمان صحت ابدانكم جميع شعراء متمكنين

تحياتي

صح الله لسانك يابن جمان

فتل رائع وصدى اروع

الله لايهينك على القصيدة

الله يعزك اخوي ابو معتز وشهادة شاعر مثلك وسام اعتزاز لنا

__________________