السلام عليكم ورحمة الله وبركاته

اشكر اخوي ابوسحمي على طرح الموضوع المهم واحب ان اسرد تجربتي في هذا الموضوع افتراءات منتديات القبايل الاخرى على قبيلتنا

وكنت اقول مثل ما يقول اخوي ابن دغيم ان هذي سوالف بزران ومحد ملتفت لها الى ان سمعت الكلام من شيبان احدى القبايل يؤلف القصص والبطولات ويرويها لشبانهم اللي يلقطونها ثم ينزل بها موضوع في منتدياتهم يعني المسألة اساسها شيبانهم المغبونين وعشان نطلع من الحرام نقول بعض شيبانهم وثم لقيت في منتديات قبايل ما عهدنا منهم افتراء نقل لما هو مكتوب في منتديات القبايل المشهورة بافتراءاتها
ليش ؟ لانهم ما شافوا تفنيد لهذي الافتراءات لما وردت هناك فاعتقدوا انها صحيحه

اعتقد انه من المهم اننا نتابع ما يكتبون ونرد عليهم لان الشيبان اللي حافظين العلوم اكثرهم راح لرحمة الله وما بقى الا علوم مسنده فلان قال لنا وفلان ميت وش يثبت انه قال
اليوم اغلب الناس يستقي ثقافته ومعلوماته من الانترنت يقراها في منتدى ويروح يعدها على ربعه والا يحطها في منتداه ويكتب منقول ، منقول عن من؟؟ محد يدري
لو فيه من يوقف عظم في حلوقهم . كل ما كذبوا كذبه ردها عليهم ما ظنتي تجروا الى هذي الدرجة والموضه الجديده الكتب التأريخية المحشوة بالتزوير والكذب وان رديت على احدهم قال لك هذا في الكتاب الفلاني للمؤلف العلاني

اعتقد المواقع ما لها حل غير اننا نرد عليهم في مواقعهم ومواقعنا اما الحل بالنسبه للكتب فهو رفع قضايا. هذا رايي اتمنى منكم تقبله