الصاحب الرعبوب في ملحق في وهجير جريده اليوم للشاعر (حسين بن شتوي)

حسين بن شتوي الحبابي

[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=3 line=0 align=center use=ex num="0,black"]


رحمك الله ياقلب بقى له ساعه ويذوب
ورحمك الله ياعين تهل الدمع وتصبّه
صواديف الزمان مكدره وتكدر المشروب
وحبيبي غايب عني وانا ابغي اجيه وانبّه
وقف دونه عدوي وانقصر من دونه المندوب
لكن وان قال الله ماعلي من ضايع الشبّه
حسبت الوقت لكن مانفعني وقتى المحسوب
ومن يحسب زمان الحب يشقابه ويتعبّه
انا مما حصلي من حبيبي ماعلى اذنوب
جرحني جرح حب ما يلاقي الصيدلي طبّه
كلامه يشرح الخاطر وعنده معرفه واسلوب
وله خد كما القرطاس يقرابه ويكتبّه
لما جيته تجيني فرحتي من كل فج وصوب
ولما روحت احس بخاطري نيران مشتبّه
اظن اللي تولع في المحبه مستحيل يتوب
يقولون الهواء مثل البحر والموج والغبّه
ضحي الاثنين وايش اللي جرالي والقدر مكتوب
نظرته في خيالي وابتدا قلبي يرحبّه
ولقيت الجاهل اللي قام ينصحني من المحبوب
وانا فيني طبيعه لا امدح الجاهل ولا اسبّه
يذكرني حمام الورق يوم يغني المسحوب
لما غنى علي غصن هبوب النود تلعبّه
يذكرني الزمان اللي مضى والصاحب الرعبوب
يوم انه يمد لي فنجال شاهي واتعجبّه
وغيره مامعي في الناس لاصاحب ولامصحوب
مغير اطلب كريم مايخاب اللي تطلبّه
حبيبي كدر ايامي وحولها عنا وكروب
لكن مهما عمل مسموح والله ربي وربّه[/poem]



صح الله لسان الشاعر حسين بن شتوي الحبابي


شاعر رائع يجمع النظم والمحاوره


لاهنت ياسعد

شكرا ياسعد شكرا

هلا وغلا يابوفيصل ولاهنت

__________________

اللة يوفقة في شاعر المعنى انشاء اللة