[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
على شاطى بحر جده بجوٍ ساحر وخلاب=وموج البحر يتلاطم ومزن الوسم همالي
بدارٍ كل ما تحويه فيها يأسر الالباب=عروس البحر الاحمر مالها في وصفها امثالي
على الكورنيش شفت اللي زهاها حسنها الجذاب=عنودٍ من لمحها من بعيد يجر موالي
ومن قرب لها لو هو لنار المعرفه شباب=يضيع العرف قدام العيون السود ويزالي
لفتني في مكاني والبشر من حولنا غياب=وقالت لي سلام الله على اللي شاغلٍ بالي
تلعثمت وضحك سن الهنوف ورمشت الاهداب=وقلت بخاطري يا وجد عيني يا بري حالي
هلا يا مرحبا بك وابشر بما جيت له طلاب =تدلل واطلب امر وش تبي من فزعه ومالي
وقالت ودي اسولف معك والبدر توه غاب=وقلت البدر توه غاب وانا اخايل هلالي
قمر خمسة عشر في لبتك عن بدة الالباب=جمال الكون كله فيك...هذا رايي الحالي
وقالت وش تكون وقلت انا ربعي عيال حباب=رجالٍ دون ماقفنا نوقف مال ورجالي
ودون الدار وحدوده رجالٍ تفتل الاشناب=وتشرب من فناجيل العدا فنجال فنجالي
وقالت هم بشر ولا ذيابٍ من ضهور ذياب=وقلت الا هذولا ربعي اللي صيتهم عالي
نسل ساس العرب قحطان كانك تعرف الانساب=هل الجودات لا شح الشحيح وجود المالي
وقالت ذي علوم كبار وانت اشوف توك شاب=وقلت العمرما يحكم على الرجال يا غالي
غزا ذيب ابن شالح لين رد الابل من الاجناب=وهو توه بريعان الشباب ولا له موالي
وانا ما نيب مثله بس احسب للامور حساب=واكون من خطاي الصح واعرف ويش مدخالي
وقالت ليه متحمس عن الموضوع صك الباب=عن اذنك ودي اغير مسار الهرج طوالي
تعرف الحب ,,,قلت الحب شيئٍ يجمع الاحباب=ولكن حسب علمي هو شعورٍ تركه اشوالي
وقالت وصفه يشابه لوصف الطير ابومخلاب=وابو مخلاب لا حاف الفريسه راحت اوصالي
وقلت الله يخارج منه مادامه كذا وش جاب=وقالت لا مفرٍ لك تراها سنة الوالي
وجت عندي وقالت لي بصوتٍ ناعم ومرتاب=كلامٍ... ما اكملته الا وصوتٍ صك بحيالي
وعيت الا وابوي يقول قم واعجل ورح للباب=صلاة الفجر قامت وانت باقي نايم وسالي
جلست ادور اللي كان عندي بس ظني خاب=مكاني من هذاك اللي سلب عقلي غدا خالي
الا يا حلم يا اللي رحت بي للشاطي الخلاب=متى نرجع ونتلاقى انا واللي على بالي[/poem]

على الكورنيش شفت اللي زهاها حسنها الجذاب=عنودٍ مـن لمحهـا مـن بعيـد يجـر موالـي الله الله صح لسانك يانايف الحبابي قصيدة طيبة من طيب لاهنت صح لسانك

صح اللسانك وبيض الله وجهك

عسى الله يحقق لك

اللي على بالك

صح لسانك وسلمت يمناك

على الكورنيش شفت اللي زهاها حسنها الجذاب *** عــنــودٍ مــــن لـمـحـهـا مــــن بـعـيــد يــجــر مــوالـــي
ومــن قــرب لـهـا لــو هـــو لـنــار المـعـرفـه شـبــاب *** يـضـيـع الــعــرف قــــدام الـعـيــون الــســود ويــزالــي

صح الله لسانك يا نايف واعتلى شانك

عز الله انك ذكرتني بقصائد ابن فطيس خاصة في سيناريو الاحداث

وقصيدة جزله ومليانه و وافيه وانا انتظر جديدك

تقبل مروري العطر

صح لسانك وبيض الله وجهك وتقبل مروري

أرحب يا نايف ..

صح الله لسانك ..

قصيدة جزلة ووافية ..

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

صح لسسسانك

وعافاك ربي

صح لسانك واعتلا شانك

نص جميل جداً

واتمنى لك التوفيق

---------

وعندي ملاحظه ارجو

ان تقبلها بصدر رحب

في بدايه القصيده


قالت هلا بالي شغل بالي

واتضح في النص بعد هذا البيت

عدم معرفتكم لبعض

--------


لا ينقص من جمال النص

فقط ملاحظه



شكرا لك



تحيات


ذيب العبيدي