الشاعر / محمد الدحيمي

السلام عليكم ورحمه الله وبركاته


دمعة طفل ..


لعنبوه الشعر .. كانه .. بس .. في شقر الذوايب
لعنـبوه .. ان كان قاصـيه .. الغزل والنرجســيّه


يا يـبه … والهاجس اللي كان ملحد جاك تـايب
إغتسل من نزعة الحاده .. وتاب من الخطيّه



ياالحقوق اللي .. سنا برقه فتق صدر السحـايب
ياالبياض اللي .. غفر كل الذنـــوب السرمــديّه



يوم شفتك.. بالسرير الابيض عن الوعي غايـب
كل عرق ٍ صاح فيني جعل ذاك الضيم .. فيّه



آآآه .. ليت الضيم رجال ٍ واشدّ له الركـــــايب
والله انّي لأنحــره .. واوردّه حــوض المنيّه



ياعسى نذلٍ ٍ هقى بك يرجع بهــقوته خايب
ضايع ٍ .. مثل القحـــم .. لاهو رباع ولا ثنيّه



قلت لي مرّه .. ترى النشمي ليا خاواه ..عايب
مثل دهن العود لاخــالط .. رمــاد الشــاذليـــه



ودامني رجلٍ خرج من بين ( صلبك والترايــب)
والله ان يبطي القـدم ما يمشي دروبٍ رديّه



يا يبـه.. و(( دحيـم )) تنشد.. وين حلاّل النشايب ؟
شيخها اللي جالها من القيض مقـيــالٍ وفـيّه



يابعد راسي .. وروس احبـابي .. وكل القرايب
يابعد من زهّب ( المجنــد )ولبس ( الحضرمــيّه)



قم .. !! دخيلك.. ! عقبك الديره غدت جردٍ خرايب
عجّها غطّى سمـــاها .. واستوت بالمهمهـيـّـه



كلمتينٍ .. في شفـاهي حـايره .. راحت ذهايــب
ما قــوت تعبيـــــرها كلّ .. الحروف الأبجـــديّه




اخدعتني بكرةٍ .. ماهي من ابـكـــارٍ نجــــايب
ولا (غفال ٍ) .. وصفها عند النبـيه .. ولا مطيّــه



درهمت بي في دجى ليل ٍ نهب شوفي نهايب
ويٍوم افـيق إلا ّ وانا باحضـان قفراً جرهـديّه



واتركتني .. ظامي ٍ والماي للقيض الزهايب
واغبنــتني يوم هجّت ( بالقلص) (والزمزميــه)



مآمن ٍ للوقت .. لين الوقت ورّاني العجــــايب
يوم جاد بشربة الماء .. واثرها ( شربة ضحيّه )


يا يبـه … وان قصرت ايديني ودارت بي النوايب
بأ رمي اعــذاري على الغـربه .. وقلّ المقدريّه



هاجسي الملحد .. رجع \ دمعة طفل \ بعيون شايب
وإغتسل من نزعة الحاده .. وتاب من الخطيّه

__________________

ارررررررررررررررحب يا سعد ..

احزنتني انت وذا القصيده اللي تهز المشاعر ..

صح الله السانك والسان الدحيمي مدد بلا عدد ..

والله يجعلنا من البارررييين بولديهم حق السميع العليم ..

تقبل مروري يا القرم ..

مبدع نفداك ..

اررررحب ياسسسعد صح للسسسان الشاعر وصح للسسسانك روعه يالامير روعه



يابعد راسي .. وروس احبـابي .. وكل القرايب
يابعد من زهّب ( المجنــد )ولبس ( الحضرمــيّه)



قم .. !! دخيلك.. ! عقبك الديره غدت جردٍ خرايب
عجّها غطّى سمـــاها .. واستوت بالمهمهـيـّـه



كلمتينٍ .. في شفـاهي حـايره .. راحت ذهايــب
ما قــوت تعبيـــــرها كلّ .. الحروف الأبجـــديّه




اخدعتني بكرةٍ .. ماهي من ابـكـــارٍ نجــــايب
ولا (غفال ٍ) .. وصفها عند النبـيه .. ولا مطيّــه



درهمت بي في دجى ليل ٍ نهب شوفي نهايب
ويٍوم افـيق إلا ّ وانا باحضـان قفراً جرهـديّه



واتركتني .. ظامي ٍ والماي للقيض الزهايب
واغبنــتني يوم هجّت ( بالقلص) (والزمزميــه)



مآمن ٍ للوقت .. لين الوقت ورّاني العجــــايب
يوم جاد بشربة الماء .. واثرها ( شربة ضحيّه )

مرحب باقي والله يافلاح ..

الله يجعل ايامك كلها افراح .. ولا يوريك يوم حزن ..

شكرا على مرورك الجميل

__________________

مرحبا مليون يا ناصر ..

مرورك الجميل زاد الموضوع حلاوه ..

شكرا لك ..

__________________

ابداع من شاعر كبير


لم يعطه الاعلام حقه



واختيار رائع منك



تحياتي يالشواطي

صح لسان الشاعر محمد الدحيمي

وصحت يمينك يا سعد على نقلك هذه الرائعه


وجعلنا الله وياكم ممن يبر بوالديه فيبره ابنائه

تحياتي لك وتقبل مروري

__________________

صح لسان الناقل

الشاعر محمد الدحيمي " ابو بدر" غني عن التعريف،،،،

__________________

[grade="008080 008080 008080 008080"]لا اله إلا انت سبحانك إني كنت من الظالمين[/grade][grade="DC143C DC143C DC143C DC143C"]beshry@hotmail.com[/grade]