مريض بالمستشفى كل ما يطلع أحد من عنده يـضحك
(( قصة طريـفة و واقعيـة ))
جلس ذلك الرجل على السرير الأبيض ... في إحدى المستشفيات في بلدنا الحبيب .
وكان كل جسمه شاش ورجلينه كلها جبس
وما تسمع إلا الآهات
ماغير يحن ويون من الأوجاع اللي فيه
عاد أنا قلت يمكن إنه مسوي حادث قوي
أو إنه محترق أو أو أو ... إلخ
المهم جت الساعه 4 العصر
وبدأ وقت الزياره
أنا أستغربت من شي غريب مره
كل من جاء يزور هالشخص يطلع من عنده ميت من الضحك
أنا جاني الفضول وقلت وش السالفه ؟
وعلى هالحال كل من جاء وسلم عليه ما تسمع إلا ضحكهم من وراء الستاير
أنا قلت لازم أعرف وش السالفه ...
انتهى وقت الزياره
وأنقز له على طول !
وأتشافا له وأقوله الحمد لله على السلامه
عسى ماشر ومن هالكلام
وأنا كل همي أعرف ليش يضحكون ؟
المهم قلت له : أنا أشوف اللي يجونك ما يرحون من عندك إلا و ضحكهم واصل آخر المستشفى !
قال لي : هههههههههه ليـش عاد أنت حاسدنا على الضحكه ؟
قلت له : لا يـاخوي مو كذا السالفه والله لو عندك مليون كان يمكن أحسدك !
بس إضحكوا عادي خذوا راحتكم بس بغيت أعرف السر يعني ؟
إذا ما عندك مانع .
قال لي : طيـب ولا يهمك ... أنت مثل ما تشوفني مكسر ومربط بالشاش .
قلت له : أيـوه والله ... الله يشفيك .
قال لي : يا طويل العمر أنا ساكن في شقه في الدور الثاني ، وعندي بلكونه مامن زيـنها ،
وإذا نمت فتحت باب البلكونه وطفيـت النور وتسدحت على السرير .
ويوم نمت على السرير . وغصت في أعماق أعماق نومي ،
حلمت اني في يوم القيامه ! وحلمت مثل ما تقول ان الناس في مكان مثل موقف الباصات
وفيه باصات رايحه للجنه وباصات رايحه للنار !!!
المهم الجماعه ينادون بالأسامي .. فلان بن فلانه باص النار ... فلان بن فلانه باص الجنه ..
وهكذا ...
فلان بن فلانه .. هاه هذا أسمي .. وقلبي يـدق و يـدق .. روح باص الجنه .. اوووه الحمدلله أرتحت .
ومشيـت أدور على الباص اللي مكتوب عليه إلى الجنه ... وحصلته ودخلت فيه .
مشيـنا بالباص وبعد فترة جاتنا لوحه مكتوب عليها
(( الجنه 50 كيلو )) ، (( النار 100 كيلو ))
وهذا وحنا مع اللوحات .. والله ونتعدى الجنه ... قلت يمكن السواق يـعرف مكان لباب ثاني .
شوي وشفت النار 15 كيلو ... وبعد شوي النار 10 كيلو ... وكل شوي نقرب من النار .
يا رجال وش السالفه .. المشكله الناس ساكتيـن وما أحد قلقان في الباص إلا أنا .
قلت بدخل عالسواق وشفته معطيني ظهره ... هي أنت وين رايح ؟
قال لي بدون ما يلتفت : رايح النار يا حبيبي .
قلت له : أنا من أهل الجنه .. وليـش توديني النار يا وجه النحس ؟!
وألتفت لي ... طلع هو إبليس !!!
الله يلعنك . أنا من أهل الجنه .. يا ملعون لا توديني النار .. أنا من أهل الجنه .
والله العظيم إني من أهل الجنه ، تو من شوي قايلين إسمي ، وقف يا ملعون ، وقف يا ملعون .
وهذا أنا أصارخ ... وهو بأنواع الضحكات الشريره هاهاها ... هاهاها ... هاهاها ...
قلت له : يا ملعون وقف !!! أبي أنزل !!!
قال : والله الباص هذا مبرمج على انه ما يوقف إلا في النار ... تبي تنزل أقفز منه .
وركضت على الباب وفتحته ... وهوووب
ولا وعيت إلا في المستشفى ... قافز من البلكونه ... في الحوش !
القصة حقيقيه ... وحصلت لواحد كان منوم في مستشفى المجمعة العام
دخيلكم لا أحد يحلم تعوذوا من إبليس قبل تنامون
ـهههههههههـ
استغفر الله اللهم لاشماته

__________________
الله يرحم المومنين والمومنات والمسلمين والمسلمات الاحياء منهم والاموات اللهم آمين
اللهم ارزقنا الجنه وماقرب اليها من قول او عمل واللهم باعد بيننا وبين النار وماقرب اليها من قول او عمل اللهم آمين

هههههههههههههههههههههه

الحمد لله على سلامته والله يدخله الجنه

النار مشكله الله يكفينا وياكم شرها وزين ان ما هو في فندق

الله لا يهينك ويرحم والديك

تحياتي00000000000اخوك

__________________
[frame="7 80"]

صدق من قال يازين العلوم ان سلمت التكرار

وكذب من قال ترديد السوالف ما يسمجها

[/frame]

ابن شرعا بيض الله وجهك ياكحيلان وافي
والله موضوع شيق وطربف واضحك الله فيك
وارجو ان تسمح لي بنقلها بارسلها لمجموعه من الزملاء خارج المملكه ارجو المعذره
شكرا وتقبل فأئق تقدير ي

__________________

اخي ابن شرعا
بيض وجهك ووجوهنا جميعا في الدنيا وفي الاخره
قصة جميله وفيها تذكرة بالاحوال بعد الموت نسال الله لنا ولكم الاعمال الصالحة التي تقربنا الى الله
تحياتي

__________________

لاهنت يا ابن شرعا ..

قصة جميلة ..

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

قصه غريبه ..

لاهنت يابن شرعا ..

__________________

.


ونعم يابن شرعا


الله لا يهينك ويسلمك


الله المستعان . دائمآ عقل الإنسان مع ما يشغله


أسأل الله أن تكون هذه صفته في اليقظة . فلعله من حرصه على مغفرة


ربه يحدث نفسه بالجنة وهذا ديدن المؤمنين عمومآ .


أسأل الله أن يكتب لنا وله الجتة وأن يشافيه وأن يكتبها له في ميزان حسناته إنه سميع عليم


من واقع كلام المريض عندما كرر مرارآ على السائق هذا الكلام في السياق --------


قلت بدخل عالسواق وشفته معطيني ظهره ... هي أنت وين رايح ؟
قال لي بدون ما يلتفت : رايح النار يا حبيبي .
قلت له : أنا من أهل الجنه .. وليـش توديني النار يا وجه النحس ؟!
وألتفت لي ... طلع هو إبليس !!!
الله يلعنك . أنا من أهل الجنه .. يا ملعون لا توديني النار .. أنا من أهل الجنه .
والله العظيم إني من أهل الجنه ، تو من شوي قايلين إسمي ، وقف يا ملعون ، وقف يا ملعون .
وهذا أنا أصارخ ... وهو بأنواع الضحكات الشريره هاهاها ... هاهاها ... هاهاها ...
قلت له : يا ملعون وقف !!! أبي أنزل !!!
قال : والله الباص هذا مبرمج على انه ما يوقف إلا في النار ... تبي تنزل أقفز منه .
وركضت على الباب وفتحته ... وهوووب
ولا وعيت إلا في المستشفى ... قافز من البلكونه ... في الحوش !

........... هذا والله العالم يدل على أن صاحب لرؤياء رجل حق . وصادق ونحسبه على الله كذلك

وذلك لأنه طالب السائق الذي هو ابليس بالوقوف عند الجنه لأنها منزلته . مطالبة حق وجهر بها ؟

ولأنه عندما رأى ابليس لعنه وهذا طبع المؤمن ولم يكتفي بل كررها وجهر بها ؟

ولأنه رفض البقاء مع ابليس وفضل الهرب . رغم أنه يعلم أن القافلة تسير قفز هاربآ ولم يكن

همه إلا الإبتعاد عن طريق الشر إلى الخير . وحيث ‘نه وقع في مكان أنزل من المكان الذي كان به .

فذلك دليل خير له بإذن ربه لأن السقوط خير من الصعود . والله سبحانه أعلم .

شرحت ما سبق ليس لعلم بتفسير ولكن لأن ثلاثة أعمال عملها إنتهت بالسقوط .

ذلك طيب في كتب التفسير والله أعلم . ( أي أنه لا يوجد ما يضحك الزائرين )


ويجب الإستفتاء للعبرة .


وأسأل الله لنا وله السلامة من النار والنجاة منها إنه هو السميع العليم



تقبل تقديري وحكاي والسلام



.

عز الله اللي فالها ذا المريض

ماحسَب للمرض اي حساب

تحياتي وتقديري

__________________



http://www.shbab1.com/2minutes.htm

بيض اله وجهك يالغلا اقسم بالله ما قصرت
هههههههههههههه

والله يقينا شر ابليس