[poem=font="Simplified Arabic,5,black,bold,normal" bkcolor="transparent" bkimage="backgrounds/15.gif" border="groove,thick,sandybrown" type=1 line=0 align=center use=ex num="0,black"]
غطرفي له ياقريحه غطرفي له=غطرفي لعمير في روس العوالي

يوم شفت الوضح والوادي وسيله=استراح البال قدام الجمالي

أقبلت مثل السحاب اللي نخيله=كنها لاوقفت مثل الجبالي

لاستدارت كنها شيخ وقبيله=وان عطتك انحورها اقبال ورجالي

أشهد إن الوضح والنوق الجميله=عند شيخ الطيب والعد الزلالي

عند خيال العبيه والكحيله=ماذخر من دونها جهدن ومالي

عند من يرخص يمينه للجزيله=عارفن منصاه واعرف وين جالي

عند مكرم ضيفه وحامي دخيله=عند راعي البن في صفر الدلالي

راعي الطاله وكساب الجميله=ساق طيبه مثل ماساق الجمالي

غطرفي له ياقريحه غطرفي له=غطرفي لعمير في روس العوالي[/poem]

__________________

اررررحب ياسعد

حيه وحي مااااجاب

صح الله لسانك

ويستااااهل عمير

تقبل مرور اخوك

__________________

ارررررررحيب يا الذيب ..

والله ومليون نعم بك وببو فهد ..

لاهنت يا القرم جول ولا جببت الا جزل ..

يستاهل ابو فهد كل علم غانم وانت كفوووو..

تقبل مروري يا الذيب ..

__________________

تبقا وتسلم وصح بدنك لاهنت على المرور الغالي

__________________

ارحب يا الشاعر سعيد وصح السانك وبيض الله وجهك ويستاهل الممدوح ابو فهد

لك مني الود والتقدير

أرحب يا الشبوي ..

صح الله لسانك ..

ويستاهل أبو فهد المدح والثناء ..

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..