مساك الله بالخير ابو فراج وبيض الله وجهك على هالقصيدة وعلمك غانم جعل ربي يطول في عمرك وافي ولا يلحقني في منقود

الأوله القصيدة كانت لأبن عمي وازع بن عبيان بن مجلاد آل سالم القحطاني وقصيدته في الفهر أعجبتني و تفاعلت معها وحبيت أنزلها في مشاركاتي بعد ما أستأذنت منه ..

والثانية خذ ردها وأنا بن مفلح ...



يابو فراج المصايب والعواري *** كلها عندي ما لـقيها خبر

الجبل شامخ ولا هـو فنهياري *** إقحطان الوافيه أصل وفخر

والجحادر محزمي لا جا نهاري *** يختلط عجه فهم محزم ظفر

ياالجحادر توما شبيت ناري *** بحمس قهوتي على صالي الجمر

وأنظم الابيات في شيوخ ٍ ظواري *** للمراجل والشجاعة والسطر

الدهات اللي لهم حكم جباري *** فارضينه لـلجميـع بلا كـبـر

يوم بن هادي حكمها بقتداري *** فارض الجزية على منهو حضر

فيكم شيوخا لهم نهجا حضاري *** يختلف نهجه على كل البشر

بن سفران الخنافر به نماري *** وبن لبده شيخنا محزم ظهر

وبن سعيدان له تاج وقاري *** فعلولهم يشهد بها حتى الحجر

ولا ذكرت أهل الحميا والعزاري *** بذكر اللي قد تبهذل وأنقهر

يوم ابن جروان يزهم في الغداري *** شاش راسي من صياحه وأنسطر

أدري أنه يافتى ماهوب جاري *** ولا عرفته ... بس له عندي قدر

لا قريت أعلومه اللي كل قاري *** لا قراها صاح أبشر بالظفر

وبن لبده فزعته وقت الطواري *** فبن عمه فزعته و بن حشر

شيوخنا اللي عزهم من عز داري *** أفتخر فيهم ولو هم في جحدر

يابن صالح قول لي وين أنت ساري *** وأبشر بخوة رفيقك لا طمر

وأسمع هجوسي وجاوب بختصاري *** الجمل أبطى محين ماهدر



ابن جروان هو :

الشاعرمحمد بن سالم بن جروان بن خريع ال سفران آل صالح آل عليان القحطاني

__________________

عبيان بن محمد بن جليد